MAZMUR 107:1 - Tanou Moonsoi Timugon

¹ “Paringkuanang kano ra Tuhan sabap ra Io moonsoi; togom Nano mantilayun!”

MAZMUR 107:1 ပူးပေါင်းရင်းမြစ်များ

1 TUNUNG RU BANSA' ISRAIL 16:34

Paringkuanangan no ra Tuhan, sabap ra Io moonsoi; togom Nano mantilayun.

1 TUNUNG RU BANSA' ISRAIL 16:41

Imam Jadok am imam-imam inindangan ri Giman am Jidutun am niayuk kukula' ngaulun ondo' pinili' koson marimbai ayuk ra rimbai pangamparan ra Tuhan sabap ra togom Nano ondo' mantilayun.

2 TUNUNG RU BANSA' ISRAIL 20:21

Pakapansusunur ra mamagun, panusub raja' ra kukula' ngaulun maririmbai maa' raginio mambayang ra ondo' kaindalaman bayangon ra upacara-upacara ru ugama. Ulun-ulun maririmbai no musiti' mugar giu' ra saang ru saujor liliwa' marimbai, “Omporo' noyo Tuhan! Togom Nano mantilayun!”

2 TUNUNG RU BANSA' ISRAIL 7:3

Paat ra ulun ru Israil nakakito ra apui riminatu' intor ra limbowon am sinda ratangan ru Tuhan nakatikop ra Baloi ru Tuhan, igulatur ilo ra sulig am samba ri Aki Kapuuno'. Nongompor ilo Riso ra kinoonsoi Nano am togom Nano ondo' mantilayun.

2 TUNUNG RU BANSA' ISRAIL 7:6

Imam-imam minigor giu' ra intok ondo' inaru' noyo risilo, am ulun ru Liwi minigor tumingkuang risilo. Ulun ru Liwi mongompor ra Tuhan mabaya' ra kuliamos miujik ondo' tinampos noyo ru Raja' Daut, liliwa' marimbai ra rimbai “Togom Nano Mantilayun!” sumugut ra nanusuban ru Raja' Daut. Imam-imam nanamput ra bujung liliwa' ngaangai' ru mamagun minigor.

MAZMUR 100:5

Tuhan no moonsoi; Tagamin No ulun Nano am gagayaan No ilo ra sabuoi-buoi no.

MAZMUR 103:17

Kaa' Tuhan magulayun monogom ra ulun ondo' mangurumat Riso, am kaansayan Nano soroi saboi ra sabuoi-buoi no,

MAZMUR 105:1

Paringkuanang no ra Tuhan, potonowo' noyo katulayan Nano; tunungo' noyo binaal Nano ra bansa'-bansa'.

MAZMUR 106:1

Omporo' noyo Tuhan! Paringkuanang no ra Tuhan, sabap ra Io moonsoi; togom Nano mantilayun.

MAZMUR 118:1

Paringkuanang no ra Tuhan sabap ra Io moonsoi, am togom Nano mantilayun.

MAZMUR 119:68

Moonsoi Kou kaga' am baalon Muno moonsoi; ilaa' aku no ra panusuban inatang Muno.

MATIUS 19:17

Taam i Jisus, “Kua pangkuot kou Raki' ra atan moonsoi? I Aki Kapuuno' ayuk moonsoi. Amon ru masaga' kou maayag mantilayun, gagaya' no ra ukum ri Aki Kapuuno'.”

LUKAS 1:50

Makaasi' i Aki Kapuuno' ra ulun ondo' mangurumat Riso intor ra rondo' papag suku' ra papag ra bokon.