MAZMUR 106:9 - Tanou Moonsoi Timugon

⁹ Susubon No Raat Galaga am raat no pana mapua', ibiton No ulun Nano mugar ra raat, koson mugar ra tana' kaagisan.

MAZMUR 106:9 ပူးပေါင်းရင်းမြစ်များ

NIGIMIA 9:11

Linapak Mu raat koson nambaal ra ralan ru ulun Muno mongoi ra sandaup, nangator Kou risilo ra sandaup nansail ra lonor ru raat ondo' mapua'. Ulun ondo' nangilou risilo nolosor giu' ra raat ondo' malandom, koson ilo ra batu ondo' liminosor giu' ra raat ondo' makalalaa'.

MAZMUR 18:15

Pabakison No panah Nano am kuliagayon No pantula' Nano; pasasakon No ganit no saboi ilo magiru'.

MAZMUR 66:6

Kulawon No raat masauk ra tana' mapua', am kinamatuaan maili nantana' ra liminaup. Giu' no maansukan akai sabap ra binaal Nano.

MAZMUR 78:13

Linapak No raat am naningganai risilo lumaup; sinauk No timug no koson ra timbok.

JISAYA 50:2

Kua kolondo' sangulun pana ulun Kuno tumaam, Paat ra Aku matong mampiau risilo? Mongkoror ilo ayuk kia sabap ra mampaguang kalo makakau' Aku mapalabus am mamayag risilo? Sotopot no, maya' ra panusuban Kuno raat masauk mapua', sungoi-sungoi saukon Ku ra tana' kaagisan saboi papait matoi am mongootong.

JISAYA 51:10

Okou niayuk nampalasak ra raat, timug ru raat ondo' malandom. Binaal Mu ralan giu' ra tatanga' ru timug no, maa' raginio ulun-ulun bayagon makasandaup.

NAGUM 1:4

Ra susuban Nano, raat malasak; sungoi pana lasakin. Padang-padang giu' ra Basan mapua', Gunung Karmil pana mapua', am lumonot boo bunga'-bunga' giu' ra Libanon.

MATIUS 8:26

Taam i Jisus, “Kua kalaa' kau? Topot-topot noyo malawo pangintapatan min!” I Jisus pana siminukal boo am palinoso' bagiu' am kinulun no. Linos boo bagiu' no am maliuk boo kaga'.