MAZMUR 106:41 - Tanou Moonsoi Timugon

⁴¹ Pataakon No ilo ra kuasa' ru bansa'-bansa', am mompoloso ra pantula' manguasa' risilo.

MAZMUR 106:41 ပူးပေါင်းရင်းမြစ်များ

2 SAMUIL 24:14

Taam Raja' Daut, “Aku ti magalabo kaga'! Kaa' marara' aku ukumin ru ulun. Polosoon noyo Tuhan no galama' mangukum ritakau, sabap ra maayo makaasi' Nano.”

YEHEZKIEL 16:27

“Kaa' raino mimbuor Aku koson mangukum rirun am mangalap ra barakat ondo' pinataak Kuno rirun. Pinataak Tokou no ra ulun ru Palistin ondo' masisang rirun am niayuk majamalan ra binaal muno ondo' makauyuyu' no.

SAGULION 28:25

“Tuhan mopoloso ramuyun kalaan ru pantula'. Mangatang kau ra bulunsar ra pantula', kaa' pantuliar boo ra magiru'. Ngaangai' bansa' ra tana' ti malaa' magilong ra sauk ondo' makalumpa' ramuyun.

SAGULION 28:29

Paat ra matawang, matukangkam kau koson ra ulun bolou, am kalo makauyum kau ra ralan. Atan pana baalon min, kalo makasugut kau. Magail kau imboloon am takawin, am kolondo' mangindangan ramuyun.

SAGULION 28:33

Talingaawon ru bansa' ru bokon ngaangai' ampos ru tatanom ondo' piniratan min toojo. Akau galama' kalo mangapu ra rondo' pana, kaa' pangimbalaan ondo' mararayus am baal kalaatan.

SAGULION 28:48

Ginio ra mangandoi kau ra pantula' ondo' porotongon ru Tuhan koson gumula' ramuyun. Maitilan kau, paason am magibaang; matutusan kau ra ngaangai' no. Mangimbolo' Tuhan ramuyun ra malaat saboi ra maluus kau.

SAGULION 32:30

Kua kia saribu ngaulun naala ru sangulun, am mopor ngaribu ngaulun naala ru ruo ngaulun ayuk? Tuhan, Aki Kapuuno' nilo nangiruan noyo risilo; i Aki Kapuuno' nilo ondo' mapanggol napataak noyo risilo ra pantula'.

TINGGANAI RU BANSA' 15:11

Ginio ra minongoi talu ngaribu ngaulun Jiuda ra luang batu giu' ra bulur batu giu' ra Itam. Giu' no konilo ri Simson, “Kalo kia nakapandai kou ra nanguasa' ulun ru Palistin ritakau? Kua baalo' mu baal ragitio ramon?” Taam i Simson, “Aku pana mambalos ayuk ra binaal nilo.”

TINGGANAI RU BANSA' 3:12

Makatula poyo ulun ru Israil ra Tuhan. Ginio sabap ra tuhan napasauk ra Raja' Iglon intor ra Moab, maikang poyo intor ra Israil.

TINGGANAI RU BANSA' 3:14

Ulun ru Israil pinarinta ru Raja' Iglon buoi mopor am balu' ngambilor.

TINGGANAI RU BANSA' 3:8

Ginio ra siminangit kaga' Tuhan risilo, am nopoloso ra Raja' Kusian-Risyataim intor ra Misopotamia nangala risilo. Kinuasa' ilo ru raja' no saboi balu' ngambilor.