MAZMUR 106:3 - Tanou Moonsoi Timugon

³ Pakaansuk noyo ulun ondo' mambaal ra matimpok, ondo' masalok mambaal ra motopot.

MAZMUR 106:3 ပူးပေါင်းရင်းမြစ်များ

MAZMUR 119:106

Intopoton ku bantu' ondo' nagibatan kuli, koson mampaguut ra inatang Muno ondo' matimpok.

MAZMUR 119:112

Nakai' noyo guang kuno koson gumagaya' ra ukum Muno saboi ru painawo kuno.

MAZMUR 119:20

Moondom kaga' guang kuno koson mampaguang ra panusuban Muno ra moonong bulintok.

MAZMUR 119:44

Kasaga' ru guang kuno gumagaya' ra ukum Muno, ra sabuoi-buoi no.

MAZMUR 15:2

Ulun ondo' naayag ra kolondo' ruruko am moonsoi binaal nano, mabanis guang am mindagu ra motopot,

MAZMUR 25:7

Ampuno' noyo ngaangai' tula am nasalaan kuno intor ra aku mamulok. Iou Tuhan, ralalom ru katagaman am kaansayan Muno karaa' aku no.

JISAYA 64:5

Apuon Mu ulun mabanis guang, ondo' maayag sumugut ra kasagaan Muno. Sumangit Kou ramon, kaa' akai lakat makatula. Ioupana Okou sumangit kaga', rayusin mai mambaal ra sala intor poyo ra galing i.

MARKUS 3:35

Osoi ayuk mambaal ra kasagaan ri Aki Kapuuno', io no pongkotob Kuno ra ungkuyon, io no pongkotob Kuno ra ruandu', io no ina' Kuno.”

LUKAS 11:28

Kaa' taam i Jisus, “Sotopot no, pakaansuk noyo ilo ondo' mangkirongog ra ragu ri Aki Kapuuno' am gumagaya'!”

LUKAS 11:42

Mumpara' boo usung mino ulun ru Parisi! Kabalu' pana taakin min ri Aki Kapuuno' mopor piatus ra selasih, inggu am ngaangai' apa' pampagamis ra akanon ra bokon, kaa' inimpayan min katimpakan am togom ri Aki Kapuuno'. Baalo' min karuo-ruo am pai' impayi' bokon no.

JUANIS 13:17

Amon ru makapandai kau raginio, mulu' poyo bansuk min amon ru suguton min.

JUANIS 15:14

Amon ru gumagaya' kau ra panusuban Kuno, akau no rangan Kuno.

RINALATAN 24:16

Ginio boo ra masalok aku mangkinam ra tumanda' ayuk guang kuno ri Aki Kapuuno' am ngaangai' ulun.

ROMA 2:7

Ilo ondo' masalok mambaal ra moonsoi, ioginio malansan ra katulayan, urumat am kaayagan mantilayun intor ri Aki Kapuuno', ilo noyo aniin No ra kaayagan motopot am mantilayun.

GALATIA 6:9

Ginio ra, pai' takano kajala' mambaal ra ondo' moonsoi. Sabap ra amon ru kalo malawo guang takau, masuku' niayuk paat ra itakau mangkumos ra ampos nano.

SAGULION 11:1

“Tagami' noyo Tuhan i Aki Kapuuno' min am magail gumagaya' ra ngaangai' ukum Nano.

SAGULION 5:19

‘Pai' pantakou.

JAKUBUS 1:25

Ukum ri Aki Kapuuno' motopot am poyo makakuasa' mampalabus ra ulun. Am ulun ondo' masalok migigila' am manginsugut toojo ra ukum Nano, arati' no, sala' ka mangkirongog ayuk am lilianin boo, io no barakaton ri Aki Kapuuno' ralalom ru ngaangai' ondo' baalon nano.

PINAINTALANG 22:14

Pakaansuk noyo ilo ondo' mampupu' ra sukub nilono suku' mapasau, bagu no makaakan ilo ra kawa' intor ra puun ru mampakaayag am maya' ra umpasan sumubol ra bandar no.

PINAINTALANG 7:15

Ginio sabap ra ilo ti migor ra saang ru takhta ri Aki Kapuuno' no, am mangandoi Riso ra orou-rondom ralalom Baloi Nano. Io ondo' nanturung ra takhta no sumambaya' am mangampin risilo.