MAZMUR 106:24 - Tanou Moonsoi Timugon

²⁴ Tuliarin nilo boo pagun ra maramai no, sabap ra kalo mangintopot ilo ra bantu' ri Aki Kapuuno'.

MAZMUR 106:24 ပူးပေါင်းရင်းမြစ်များ

KASAUKAN 25:34

Inanian io boo ri Jakub ra sanganu ruti' am sanganu linusou ru bulatung malia'. Akano' am inumo' ri Isau am ingkakat io boo am ugar. Ginio noyo sasaban ri Isau kalo nampalio ra longgom nano koson anak katuaan.

JIRIMIA 3:19

Indagu Tuhan, “Israil, moogot Aku mangapu rirun koson ra anak Kuno, am mangani' rirun ra pagun ondo' makabansuk ra guang, pagun ondo' moonsoi kaga' ra titikop ru tana'. Moogot Aku rirun mampiau Raki' ‘Ama' kuno’, am kalo noyo boo tumalikur intor Raki'.

YEHEZKIEL 20:6

Paat raginio noyo binantu' Ku magibit risilo mingkual intor ra Misir, am maningganai risilo mongoi ra tana' ondo' pinili' Ku noyo ra tayar nilo, tana' ondo' langkaya' am malabung am moonsoi kaga'.

UNTABAN 13:32

Ginio ra napatanou ilo ra tanou magabau ra gino ngai' ru ulun ru Israil intor ra tana' ondo' liniput nilono. Indagu ilo, “Tana' no kalo manangampos ra maukop am poyo ra tayar ru mamagun no pana. Moonong ulun ondo' nakito mai masawat toojo,

UNTABAN 14:11

Indagu Tuhan ri Musa, “Kula' poyo buoi ru ulun ti manggal Raki'? Saboi sanggilan ilo kalo masaga' mangintopot Raki', kabalu' pana nambaal Aku noyo masuang kaga' kaimuagan risilo?

UNTABAN 14:2

Nambutok ilo ri Musa am i Arun am indagu, “Moonsoi poyo minatoi akai giu' ra Misir kapoam giti ra tana' kaagisan ti!

UNTABAN 14:31

Minindagu kau ra rokopon anak mino, kaa' ilo noyo ondo' ibiton Ku mongoi ra tana' ondo' impayin mino. Masauk tana' no ra ayanan nilo,

UNTABAN 14:9

Pai' guor ra Tuhan, am pai' kalaa' ra mamagun ru tana' raginio. Makapangala takau risilo ra maluoi. Tuhan mabaya' ritakau, am nakapangala Io noyo ra mangampin risilo; ginio ra pai' no kalaa'.”

MATIUS 22:5

Kaa' tambului ra binalaan ti kalo nampalio. Mongoi ilo boo pangandoi ra umo am mokoondo' niayuk mongoi ra kadai nilo galama';

SAGULION 1:26

Kaa' inanggal min susuban ru Tuhan i Aki Kapuuno' min am kalo masaga' mongoi ra tana' no.

SAGULION 1:32

Kaa' kabalu' pana minindagu aku koson raginio, magulayun kau kalo masaga' mangintopot ra Tuhan,

SAGULION 9:23

Paat ra Io nanusub ramuyun nangiruan ra Kadis-Barnia ra susuban maa' raginio mayan ra tana' ondo' tinaakan Nano ramuyun, giminuor kau Riso. Kalo nangintopot am kalo giminagaya' kau Riso.

IBRANI 12:16

Ilalai' noyo ra kolondo' sangulun mansawa' kapoam tumilu ri Isau ondo' kalo nangurumat ri Aki Kapuuno' ragili. Tayar tungkuson nali koson ra anak katuaan inaligan no ra samangkuk akanon ayuk.

IBRANI 3:12

Pabukat kau ngai' ondo' tagamin kuno, ilalai' min koson ra kolondo' sangulun intor ramuyun no makaguang ra malaat ra kalo boo mangintopot, saboi tumalikur boo ri Aki Kapuuno' ondo' mantilayun no.

IBRANI 4:14

Ginio sabap ra pirot takau poyo gumuut ra pangintapatan ondo' pinatanou takau. Sabap ra mokoondo' takau sangulun Tingganai Maayo Imam ondo' makakuasa' am ondo' nakasuku' noyo ra intok ri Aki Kapuuno', io no i Jisus Kristus, Anak ri Aki Kapuuno'.

IBRANI 4:2

Sabap ra Tanou Moonsoi no pinabala' noyo ritakau mogondo' ra ulun ra galing i. Kaa' koson risilo, tanou no kolondo' onong, sabap ra paat ra ilo nakaining kalo inapu nilo mabaya' ra pangintapatan.

IBRANI 4:6

Ginio boo ilo ondo' kasaa' nakaining ra Tanou Moonsoi no, kalo tumangus mabaya' Raki', sabap ra ilo kalo nangintopot. Amon ru ginio poyo, mokoondo' boo ulun ra bokon ondo' makatangus mabaya' Raki'.

JUDAS 1:5

Napandayan min noyo ngaangai' ru gitio. Kaa' masaga' aku poyo mampakara' ramuyun ati kulaan Tuhan namayag ra bansa' ru Israil intor ra pagun ru Misir, kaa' nopongo raginio, pinuso No niayuk ulun intor risilo ondo' kalo nangintopot Riso i.