MAZMUR 106:10 - Tanou Moonsoi Timugon

¹⁰ Koson raginio bayagon No ulun Nano intor ra kalindu' ru pantula' Nano, am mapalabus risilo intor ra kuasa' ru pantula' nilono.

MAZMUR 106:10 ပူးပေါင်းရင်းမြစ်များ

NIGIMIA 9:11

Linapak Mu raat koson nambaal ra ralan ru ulun Muno mongoi ra sandaup, nangator Kou risilo ra sandaup nansail ra lonor ru raat ondo' mapua'. Ulun ondo' nangilou risilo nolosor giu' ra raat ondo' malandom, koson ilo ra batu ondo' liminosor giu' ra raat ondo' makalalaa'.

MAZMUR 107:2

Rulio' min ragu-ragu raginio koson mongompor ra Tuhan, akau ondo' binayag Nano. Binayag No akau intor ra pantula',

MAZMUR 136:24

Pinalabus No itakau intor ra ngaangai' pantula' takau; togom Nano mantilayun.

MAZMUR 44:8

sabap ra Okou noyo namayag ramon, am kinala Mu ilo ondo' masisang ramon.

KAINGKUALAN 14:30

Paat ra orou raginio, namayag Tuhan ra ulun ru Israil intor ra ulun ru Misir. Nakito ru ulun ru Israil baangkai ru ulun ru Misir nakaasak ra nagas.

KAINGKUALAN 15:13

Naningganai Kou ra ulun ondo' binayag Muno, sabap ra gagaya' Muno ra bantu' Muno. Ra ikang Muno ondo' maayo, naningganai Kou risilo mongoi ra tana' Muno ondo' matulai.

MIKA 6:4

Akau inibit Ku miningkual intor ra Misir. Namayag Aku ramuyun intor ra inulipon. Nanusub Aku ri Musa, i Arun, am i Miriam koson maningganai ramuyun.

SAGULION 11:4

Nakito min noyo ati kulaan Tuhan namuso ra titikop saujor ru Misir nababaya' ra kurita' kuda nilo, am ra kinalom ngaangai' no giu' ralalom ru Raat Galaga paat ra ilo nangilou ramuyun.