MAZMUR 105:9 - Tanou Moonsoi Timugon

⁹ nabantuan ra binaal Nano ri Abragam, am bantu' Nano ri Isak,

MAZMUR 105:9 ပူးပေါင်းရင်းမြစ်များ

KASAUKAN 17:2

Mabantu' Aku rirun am manaak rirun ra papag ra masuang.”

KASAUKAN 26:3

Ayan no ragiti, alungin am barakaton Tokou. Pataakon Ku titikop ru wilayah ti rirun am papag muno. Suguton Ku atan ondo' binantu' Kuno ri ama' muli i Abragam.

IBRANI 6:17

Sabap ra maayo guang ri Aki Kapuuno' mampainono' ra ulun bantuin Nano ra kalo kulawon No bantu' Nano, rinuangan No bantu' i ra nagibot Io ra atan ondo' baalon Nano totopot masauk.

GALATIA 3:17

Kon kutu am: i Aki Kapuuno' nambaal ra rondo' bantu', am poyo minindagu ra intopoton No ginio. Ukum ri Musa ondo' apat ngaatus talu ngoopor ngambilor nakatauli sinauk, kalo noyo maalap kapuso kapoam kalulu' nabantuan ni.

RINALATAN 7:8

Nangani' niayuk i Aki Kapuuno' ri Abragam ra kaulayan ru sunat koson rondo' tatandu' ru bantu' i. Ginio ra sunati' ri Abragam anak nali i Isak ra io makaumur saminggu' ayuk poyo; am sunati' boo ri Isak anak nali i Jakub am poyo sunati' boo ri Jakub anak no ra ungkuyon ondo' mopor am ruo ngaulun; ilo i am kinamatuaan ru bansa' takau.

NIGIMIA 9:8

Natutunan Mu ra giminagaya' io Rirun, am nambaal Kou ra nabantuan riso. Binantu' Mu koson mangani' riso ra pagun ru ulun ru Kanaan, pagun ru ulun ru Git am ulun ru Amori, pagun ru ulun ru Piris, ulun ru Jibusi am ulun ru Girgasi, koson masauk ra intok ayanan ru papag nano. Sinugut Mu bantu' Muno sabap ra Okou matimpok am gumagaya'.

KASAUKAN 35:11

Indagu poyo i Aki Kapuuno', “Aku noyo i Aki Kapuuno' Ondo' Maayo Kaga' Kuasa'. Pakaanak no ra masuang. Papag muno intaran ru bansa'-bansa' am masauk kou ra kinamatuaan ru raja'-raja'.

KASAUKAN 28:13

Bigor Tuhan ra sapapa' ri Jakub am indagu, “Aku noyo Tuhan i Aki Kapuuno' ri Abragam am i Isak. Pataakon Ku rirun am papag muno tana' ra nambalangan muno.

KASAUKAN 12:7

Minintalang Tuhan ri Abram am indagu Io riso, “Gitio noyo pagun ondo' pataakon Ku ra papag muno.” Intok raginio, nambaal boo i Abram ra altar ru Tuhan ondo' minintalang noyo riso.

KAINGKUALAN 2:24

Naining ri Aki Kapuuno' golok ru ulun ru Israil, am nakara' No nabantuan Nano ri Abragam, i Isak am i Jakub.

2 RAJA'-RAJA' 13:23

Kaa' moonsoi guang ru Tuhan ra ulun ru Israil am makaasi' Io risilo. Kalo mopoloso Io ra ulun ru Israil pusoon. Mangindangan Io risilo sabap ra nabantuan Nano am i Abragam, i Isak am i Jakub. Kalo igondo' Tuhan nampalilian ra ulun Nano.

JIRIMIA 11:5

Amon ru baalon nilo ngaangai' no, suguton Ku bantu' Kuno ra kinamatuaan nilai ra pagun ondo' malabung am langkaya', ondo' raino inayanan nilo, pataakin Ku risilo.” Taam Aku, “Iou noyo Tuhan.”