MAZMUR 105:16 - Tanou Moonsoi Timugon

¹⁶ Bitilan pinaratong ri Aki Kapuuno' ra pagun nilono, am mangalap ra nansalinut akanon nilo.

MAZMUR 105:16 ပူးပေါင်းရင်းမြစ်များ

KASAUKAN 41:54

am tumalimpuun boo bitilan tulu' ngambilor koson ra pinabala' ri Jusup i. Giu' ra moonong pagun ra bokon makabitilan, kaa' giu' ra titikop ra tana' ru Misir mokoondo' ra akanon.

KASAUKAN 47:13

Bitilan no liminanja' poyo saboi kolondo' akanon ra ati-ati intok. Ulun-ulun ru Misir am ulun-ulun ru Kanaan mangalaut am kalo makalulu' sabap ra nangaitilan.

KASAUKAN 47:19

Pai' polosoo' akai matoi! Pai' polosoo' umo maino malaparan. Balio' akai am tana' maino koson pangalig ra akanon no. Akai masauk ra ulipon ru raja' am umo maino raja' ra ampu'. Anii' akai ra gandum am kalo boo matoi akai, am anii' akai niayuk ra sampug patiason mai ra umo maino!”

2 RAJA'-RAJA' 8:1

Kalo poyo nasauk bitilan no, nambala' noyo i Ilisa ra ruandu' ondo' minayan giu' ra Sunim, ondo' anak ungkuyon nano binayag saguli' ri Ilisa, ra maparatong Tuhan ra bitilan giu' ra pagun no buoi tulu' ngambilor. Nambala' i Ilisa ra ruandu' no ra musiti' io mangiruan ra bandar no mabaya' ra sasambaloi nano am mongoi ra intok bokon.

MAZMUR 104:15

am makabaal ilo ra tinapayan koson mapabansuk ra guang, umau jaitun koson mapakalunau ra bulos, am akanon koson manaak ra kaligagan.

JISAYA 3:1

Sotopot no, Tuhan Ondo' Maayo Kaga' Kuasa' no mangalap intor ra Jirusalim am Jiuda nansalinut inula' ra akanon am inumon am niayuk ngaangai' ulun ra lansanin nilono,

YEHEZKIEL 4:16

Indagu Io poyo, “Okou ulun mapandai matoi, langgain Ku mampalutu' ra ruti' koson ra Jirusalim. Mamagun ru bandar no magalabo am maimamang paat ra ilo manuku' ra akanon am timug inumon nilo.

IMAMAT 26:26

Kalo manaak Aku ramuyun ra akanon saboi mopor ngaulun ruandu' makapakuan ra rondo' ayuk intok pangansakan ra ruti' koson mangansak ra ngaangai' ruti' ondo' soroi. Tukuon ruti' no, makaakan kau pana raginio, lakat kau poyo maitilan.

AMOS 3:6

Amon ru bujung tatandu' ru pangayawan samputin, kalo kia ulun giu' ra bandar malaa'? Makalumpa' kia karaat ra rorondo' bandar, amon Tuhan kalo mamparatong ra karaat no?

AGAI 2:17

Pinaratong Ku noyo angin malasu' am namparatu' ra rasam batu koson manutuk ra ngaangai' ampos ru umo min, kaa' lakat poyo marara' kau sumaguli' Raki'.

RINALATAN 7:11

Mokoondo' boo bitilan giu' ra ngaangai' pagun ru Misir am Kanaan ondo' nangkinibit ra ngaangai' ulun makakapaganan. Kinamatuaan takali pana kalo nakauyum ra akanon.

PINAINTALANG 6:8

Kakito ku sanginan kuda ondo' mabula' am ondo' siminakoi no ininggalanan ra ‘Patayan ’ am minitut riso no Nabalu, ioginio intok ru ulun-ulun namagatoi. Inanian ilo ra kuasa' koson mampatoi ra sampiapat ulun ru tana' ti ra pangayawan, bitilan, tiranga' am saamon ru bibiag masigo.