MAZMUR 103:4 - Tanou Moonsoi Timugon

⁴ iniliwan No aku intor ra kapatayan am binarakat no aku ra togom am asi';

MAZMUR 103:4 ပူးပေါင်းရင်းမြစ်များ

KASAUKAN 48:16

Gama' ru malaikat ondo' namayag raki' intor ra baal makalalaa', mambarakat risilo. Gama' ru inggalan kuno am inggalan ru kinamatuaan kuli, i Abragam am i Isak, magail sisiraan sabap ra anak-anak ragitio! Gama' ru mokoondo' ilo masuang anak am masuang papag!”

MAZMUR 103:12

Koson ra kinaalur ru sirangon intor ra kalasaan, kinaalur raginio niayuk tula takano patirin No.

MAZMUR 21:3

Sinugut Mu atan ondo' gogoton nano; iniou Mu atan ondo' kinitaak nali.

MAZMUR 34:22

Ulun ra malaat matoi sabap ra kalaatan nilono; ulun ondo' masisang ra ulun motopot no ukumin.

MAZMUR 5:12

Gama' ru ngaangai' ulun ondo' siminindung Rirun no maansukan; am sabubuoi no marimbai ra maansukan. Sindungi' noyo ilo ondo' monogom Rirun, maa' raginio maansukan ilo kaga' sabap ra Okou.

MAZMUR 56:13

Iou Aki Kapuuno', suguton ku bantu' kuli Rirun, mapataak aku taak simbalui paringkuanangan Rirun.

MAZMUR 65:11

Paratuon Mu rasam maawas am tana' ra rinadu' tinimugan; kinalami' mu tana' no ra rasam am makasauk ra tatanom tumuu' ra malabung.

MAZMUR 71:23

Bulintok ra aku mangkuli ra jitor indiyon Tokou; marimbai aku ra sotopot-topot ru salibuor kuno, sabap ra namayag Kou noyo raki'.

MAZMUR 8:5

atan kia ulun no saboi Okou mangkara' risilo? Ilo ulun toojo ayuk, kaa' Okou niayuk magalung risilo.

JISAYA 38:17

Kaimbalaan kuno pana masauk ra kalinuos ayuk. Okou namayag raki' intor ra nansalinut makalalaa'; inampun Mu ngai' tula kuno.

JISAYA 54:8

Sangkinolor ayuk Aku timinalikur rirun sabap ra sangit Kuno ra lumuab-luab. Kaa' ralalom ru togom makaasi' Aku rirun.” Gini noyo ragu ri Aki Kapuuno' Mamamayag rirun.

JAKUBUS 1:12

Pakaansuk noyo ulun ondo' tumaan paat ra io makatiu' ra pangkinaman. Sabap ra amon ru magula' no ra io kinamin, makaapu io ra ampos no, ioginio, kaayagan ondo' binantu' ri Aki Kapuuno' ra ulun ondo' motogom Riso.

1 PITRUS 5:4

Paat ra ratangan ru Tingganai Magagalung, makapangapu kau ra karaun matulai ondo' manguliat ra mantilayun.

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.