MAZMUR 103:3 - Tanou Moonsoi Timugon

³ Inampun No ngaangai' tula kuno, am namabas ra nansalinut maruol kuno;

MAZMUR 103:3 ပူးပေါင်းရင်းမြစ်များ

2 SAMUIL 12:13

Kon ru Raja' Daut ri Natan, “Sotopot no natulaan aku noyo ra Tuhan.” Taam i Natan, “Nangampun noyo Tuhan no rirun, am kalo matoi kou.

MAZMUR 130:4

Kaa' mangampun Kou ramon, maa' raginio mangurumat am gumagaya' akai Rirun.

MAZMUR 130:8

Mamayag Io ra ulun ru Israil intor ra nansalinut tula nilo.

MAZMUR 147:3

Namali' Io ra guang ru ulun ondo' nagagai guang, am tinapisan No pilat nilono.

MAZMUR 30:2

Mongompor aku Rirun, iou Tuhan, sabap ra Okou namayag raki' am kalo mopoloso ra pantula' kuno mangiis raki'.

MAZMUR 41:8

Ngaangai' ulun ondo' masisang no mansusunur ilo raki', mangkara' ilo ra atan baal ra malaat kaga' koson raki'.

MAZMUR 86:5

Iou Tuhan, Okou no moonsoi am masaga' mangampun ra ulun, tagamin Mu ilo ondo' makiasi' Rirun.

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

KAINGKUALAN 34:7

Suguton Ku bantu' Kuno ra riribu papag, am niayuk mangampun ra kalaatan am tula, kaa' kalo mapalabus Aku ra ulun makasala intor ra ukuman. Mangukum Aku niayuk ra anak am akupu nilo, saboi ra papag ra katalu am ra kaapat, sabap ra tula ru matuo nilo.”

JISAYA 33:24

Kolondo' sangulun pana mayan ra pagun takati mindagu ra jajajou sabap ru maruol, am ngaangai' tula inampun noyo.

JISAYA 38:17

Kaimbalaan kuno pana masauk ra kalinuos ayuk. Okou namayag raki' intor ra nansalinut makalalaa'; inampun Mu ngai' tula kuno.

JISAYA 43:25

Kaa' Aku ti i Aki kapuuno' ondo' mangampun ra tula mino, am Aku mambaal koson raginio sabap ginio noyo paliso Kuno. Kalo karaan Ku tula mino.

JISAYA 53:5

Kaa' pinilatan io sabap ra tula-tula takau, am sinindualan sabap ra kalaatan takau. Inukuman io maa' raginio itakau bayagon, sabap ra ulitomo' nano nababas takau.

JIRIMIA 17:14

Iou Tuhan, babaso' aku no, maa' raginio maligag aku. Bayago' aku no, maa' raginio maayag aku. Okou ayuk omporon kuno!

UNTABAN 12:13

Pampiau i Musa ra Tuhan, “Iou Aki Kapuuno', babaso' io noyo!”

MARKUS 2:5

Paat ri Jisus magilong ra nangintopot ilo toojo, indagu Io ra ulun marualan no, “Anak Kuno, tula muno inampun noyo!”

IPISUS 1:7

Sabap ra pinatayan ri Kristus ti noyo itakau pinalabus, ioginio tula takali naampun. Mumpara' boo gayo ru kataawan ri Aki Kapuuno' no ritakau,

JAKUBUS 5:15

Am pakiasian ondo' mabaya' ra pangintapatan, maalap kapali' maruol ru ulun no; babason ulun no ru Tuhan, am amon ru makatula lair, ampunon io.