MAZMUR 103:18 - Tanou Moonsoi Timugon

¹⁸ ra ilo ondo' gumagaya' ra nabantuan Nano, am gumagaya' ra susuban Nano.

MAZMUR 103:18 ပူးပေါင်းရင်းမြစ်များ

2 TUNUNG RU BANSA' ISRAIL 34:31

Minigor raja' giu' ra sapapa' ru lugu' ondo' timpokon ra raja', am nambaal ra nabantuan ra Tuhan ra gumagaya' io Riso, am sumugut ra ukum am niayuk susuban Nano ra sotopot ru guang am salibuor, am niayuk maya' ra ngaangai' rinagu ra nabantuan ondo' tinulisan giu' ra ralalom ru kitab no.

MAZMUR 132:12

Amon ru anak-anak muno gumagaya' ra nabantuan Kuno, am suguton nilo panusuban Kuno, am sabuoi-buoi no papag nilono manuali rirun koson ra raja'.”

MAZMUR 25:10

Ulun ondo' mampagagaya' ra bantu' am panusuban Nano, tuluin No ra togom am pampagagayaan.

KAINGKUALAN 19:5

Raino amon gumagaya' kau Raki' am gumuut ra nabantuan Kuno, masauk kau ra ulun Kuno galama'. Titikop ru tana' ti Aku tatangan, kaa' masauk kau ra ulun pilion Kuno.

KAINGKUALAN 24:8

Alapo' boo ri Musa raraa' ralalom ru mangkuk-mangkuk no am pawaso' ra ulun no. Kono, “Gitio noyo raraa' ondo' mamiot ra nabantuan ru Tuhan am akau paat ra Io nangani' ra ngaangai' susuban ti.”

AMSAL 3:1

Alii ra anak kuno, pai' liliani' pangilaan kuno. Masalok kou mangkara' ra panusuban kuno,

JISAYA 64:4

Kalo igondo' osoi-osoi pana makakito kapoam mangkirongog ra suai intor Rirun, mokoondo' i aki kapuuno' ondo' mambaal ra baal koson raginio ra ulun lumansan riso.

UNTABAN 15:40

Rumbai-rumbai no mapakara' ramuyun koson gumagaya' ra ngaangai' susuban Kuno, saboi ra masauk kau ra Aku tatangan.

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

LUKAS 1:6

Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

RINALATAN 24:16

Ginio boo ra masalok aku mangkinam ra tumanda' ayuk guang kuno ri Aki Kapuuno' am ngaangai' ulun.

SAGULION 4:23

Karaa' noyo toojo! Pai' liliani' nabantuan ondo' binaal ru Tuhan i Aki Kapuuno' min ramuyun. Gagayaa' susuban Nano; pai' noyo lingon pambaal ra sinungkalalaing ralalom atan pana baal no ra tayar ramuyun,

SAGULION 7:12

“Amon mangkirongog kau ra ukum ragitio am baalon min ra gagaya', rumayus boo Tuhan i Aki Kapuuno' min manugut ra nabantuan ondo' binaal Nano ramuyun am mapakito ra togom Nano ramuyun, koson ondo' binantu' Nano ra kinamatuaan mini.

SAGULION 7:9

Karaa' noyo ra Tuhan i Aki Kapuuno' min rorondo' ayuk i Aki Kapuuno', am toojo Io manutun. Manugut Io ra nabantuan Nano am magail mapakito ra togom Nano ra saribu papag ru ulun ondo' motogom Riso, am ondo' gumagaya' ra ukum Nano,

1 TISALONIKA 4:1

Pabukat ku ngai', pupus no, nangani' akai no ramuyun ra tiluan moonsoi ra ati koson ru kaayagan ondo' mapabansuk ra guang ri Aki Kapuuno' am ginagaya' min noyo ginio. Kaa' raino, ralalom inggalan ri Tuhan Jisus, kitaakon am kimaitin takamin mirot poyo toojo mapabansuk ra guang ri Aki Kapuuno'.