MAZMUR 102:27 - Tanou Moonsoi Timugon

²⁷ Ngaangai' no mapuso, kaa' Okou soroi ayuk; ngaangai' no mapasa' koson ra konoon. Patirin Mu ngaangai' no koson ra bayang lairon; am ngaangai' no mapuso.

MAZMUR 102:27 ပူးပေါင်းရင်းမြစ်များ

AYUP 36:26

Kalo makapandai takau ra katulayan ri Aki Kapuuno' ra sotopot no, kapoam manguntob ra suang ru bilor Nano.

MAZMUR 90:4

Saribu ngambilor pangkaraan Mu songorou; koson orou ra mai' i nakasail noyo, koson rondo' sumuali mantamung bulintok molondom.

MALIAKI 3:6

“Aku noyo Tuhan; kalo makulau Aku. Ginio ra akau, papag ri Jakub, kalo pusoon ra malingon.

JUANIS 8:58

Kon ri Jisus, “Balain takamin toojo: Ra kalo poyo inanak i Abragam, ‘Soroi Aku no’.”

IBRANI 13:8

I Jisus Kristus kalo makulau, intor ra galing i, raino am ra sabuoi-buoi no.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

PINAINTALANG 1:8

“Aku noyo talimpuun am Aku noyo pupus,” ragu ru Tuhan, i Aki Kapuuno' Ondo' Maayo Kaga' Kuasa', ondo' soroi raino, galing i am pupus no pana.