MAZMUR 10:5 - Tanou Moonsoi Timugon

⁵ Ngaangai' ampos ru kalaatan maalap kogogot ru ulun malaat. Kalo makarati' ilo ra pangakiman ri Aki Kapuuno'; am mataman ilo ra ngaangai' pantula' nilono.

MAZMUR 10:5 ပူးပေါင်းရင်းမြစ်များ

KASAUKAN 6:12

Nagilong i Aki Kapuuno' ra tana' ti am nakakito ra kalaatan ayuk am ngaangai' ulun malaat kaayagan.

2 SAMUIL 5:6

Paat ra sangarawan Raja' Daut am ulun-ulun nano minongoi pamulunsar ra Jirusalim. Ulun ru Jibusi ondo' minayan ra giu' no nangkara' ra kalo masaga' Raja' Daut mampakaala ra bandar no. Indagu ilo riso, “Kalo noyo toojo makasubol kou ragiti. Iou pana ulun bolou am kimpo' no pana makaanjung rirun.” (

1 RAJA'-RAJA' 20:13

Liliwa' raginio, sangulun nabi minuma' ra Raja' Agab am indagu, “Koon raginio ragu ru Tuhan, ‘Pai' kalaa' ra pulalai ru saujor ondo' maayo no! Paat ra orou raiti' mangani' Aku rirun ra kamanangan am makapandai kou ra Aku noyo Tuhan.’ ”

AYUP 24:23

Maaru' i Aki Kapuuno' mompoloso risilo maayag ra moonsoi, kaa' tainuin No ilo ra kalo lalanggain.

MAZMUR 12:5

“Akai manguasa' ra kabang maiti. Mindagu akai maya' ra kasagaan ru guang mai; kolondo' sangulun pana makakau' mansawai ramon.”

MAZMUR 73:3

sabap ra sumolon aku ra ulun malilimbau, bulintok ra aku magilong ra ulun malaat lumangkaya'.

AMSAL 1:19

Ulun ondo' maguyum ra akanon ralalom kalaatan bayarin niayuk ra painawo nilo galama'.

AMSAL 15:24

Ulun mapintar maya' ra ralan magaloi mongoi ra kaayagan, sala' ka ralan tumuun ra kapatayan.

AMSAL 2:13

Ulun koson raginio nanatang ra ralan kaayagan ra moonsoi, am ralan molondom binaya' no ondo' napanu' ra tula.

AMSAL 2:15

Ilo kalo lansanin am kolondo' mangintopot risilo.

AMSAL 24:1

Pai' solon ra ulun malaat, am pai' pakimangkubayau risilo.

JISAYA 10:1

Aibui boo ramuyun! Nambaal kau ra undang-undang ondo' kalo natimpok koson mangimbolo' ra ulun kuno.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

JISAYA 28:15

Ragu mino masawat, ra nangatang kau kunu' ra nabantuan ra kapatayan am pangiawan ra pagun ru ulun minatoi. Malansan kau ra karaat kalo makalumpa' ramuyun sabap ra lumansan kau ra abau am pamparuungan koson mangampin ra inan mino.

JISAYA 42:25

Ginio ra pinoloso No itakau mampaliman ra sangit Nano, am maimbolo' ra kalaatan ru pangayawan. Koson ra apui, sangit Nano monolob ra titikop ru Israil, kaa' kalo maratian takau atan ondo' nasauk no; kalo migigila' takau intor ra nailian no.

JISAYA 5:12

Ralalom nasuangan pangiantakan mangkuli kau ra jitor, gambus, tamburing, am tulali, am niayuk manginum ra wain, kaa' kalo mapandayan min atan tatanga' baalon ru Tuhan raino ti.

GOSIA 14:9

Ulun ru Israil mamatir ra ngaangai' sinungkalalaing; iowon Ku pakiasian nilo am magalung risilo. Koson ra puun tataun sumansam ayuk sindungin Ku ilo; Aku noyo puun ru ngaangai' barakat nilo.”

GOSIA 9:9

Binaal mino malaat kaga', koson ondo' binaal ru ulun giu' ra Gibia. Karaan ru Tuhan tula min am mangukum ramuyun.

ROMA 3:16

Mangkinibit ilo ra kaluusan am kapaganan ra ati ayuk angayan nilo.

TINGGANAI RU BANSA' 9:27

Minongoi ilo ngaangai' ra umo ru anggur am nangupu' ra kawa' ru anggur. Pagaa' nilo boo kawa' ru anggur no, nambaal ra wain, am nambaal ra bunsag maayo. Nangakan nanginum ilo giu' ra ralalom kuil ru dewa nilo, liliwa' nagagasab ri Abimilik.

TINGGANAI RU BANSA' 9:38

Indagu i Jibul ri Gaal, “Na, buoi ti mindagu kou ra liminimbau. Ragili nangkuot kou, ‘Kua musiti' takau masauk ra ulipon ri Abimilik?’ Gitio noyo ilo ondo' inasaban muno. Ongoi, jalai no am bulunsaro' ilo.”