MAZMUR 10:18 - Tanou Moonsoi Timugon

¹⁸ Rongogon Mu tangi' ru ulun nailusan ra matuo am ulun ondo' inimbolo'; sungkaan Mu ilo maa' raginio kalo boo ilaanon ilo ru ulun.

MAZMUR 10:18 ပူးပေါင်းရင်းမြစ်များ

MAZMUR 10:14

Kaa' Okou makakito; ilain Mu kapaganan am kaimbalaan ru ulun, am magail makatampos mangindangan risilo. Ulun ondo' lamuoi pasubakon nilo inan nilono Rirun, sabap ra masalok Kou mangindangan ra ulun ondo' makakapaganan.

MAZMUR 17:14

Palabuso' aku no intor ra ulun ondo' manimung ra rapu' ra tana' ti. Ratangi' ilo ra karaat ondo' natampos Mu noyo risilo; am ukumi' niayuk ngaangai' anak suku' ra akupu nilono.

MAZMUR 72:4

Gama' ru manungka' raja' ra ulun musikin, mangindangan ra ulun musikin am niayuk mangala ra ulun mangimbolo' risilo.

MAZMUR 74:21

Pai' polosoo' ulun ra inimpayan no tauyuon, gama' ru ulun musikin am naimbolo' mongompor Rirun.

MAZMUR 82:3

Sungkaa' noyo anak napatayan ra matuo am ulun malawo; pakaasi' no ra ulun musikin am ondo' kolondo' lulu'.

MAZMUR 9:9

Matimpok pamarintaan no ra pagun ti, am nangakim ra ngaangai' ulun ra sotopot-topot no.

JISAYA 11:4

Ulun musikin akimin no ra matimpok, am paundokon no ulun lamumu' ra kabanisan ru guang. Tana' ti ukumin no ra susuban nano, am ulun malaat pusoon no.

LUKAS 16:25

Kaa' taam i Abragam, ‘Aki, karaa', paat ra okou naayag inanian kou ra ngaangai' ondo' moonsoi, am i Lajarus nakaalap ra ngaangai' ondo' malaat. Kaa' raino makaansuk i Lajarus ragiti, am okou maimbolo' toojo.

SAGULION 10:18

Manutun Io maa' raginio anak kolondo' matuo am napuor matimpok pamakuan. Motogom Io ra ulun bansa' ru bokon ondo' minayan mabaya' ra bansa' takau; nanaak Io risilo ra akanon am bayang.