MAZMUR 10:14 - Tanou Moonsoi Timugon

¹⁴ Kaa' Okou makakito; ilain Mu kapaganan am kaimbalaan ru ulun, am magail makatampos mangindangan risilo. Ulun ondo' lamuoi pasubakon nilo inan nilono Rirun, sabap ra masalok Kou mangindangan ra ulun ondo' makakapaganan.

MAZMUR 10:14 ပူးပေါင်းရင်းမြစ်များ

KASAUKAN 21:17

Naining ri Aki Kapuuno' tangi' ri Ismail am intor ra limbowon, indagu malaikat ri Aki Kapuuno' ri Agar, kono, “Atan kia mantipagon rirun Agar? Pai' no kalaa', naining ri Aki Kapuuno' tangi' ru anak muno.

KASAUKAN 31:12

Kon poyo ru malaikat i, ‘Ilai', ngaangai' kambing gawayan ondo' mampaa' no bibiisan, gumutitikan am tangkakalut. Siningon ku ginio baalo' sabap ra nakito ku noyo ngaangai' ondo' binaal ri Laban no rirun.

2 SAMUIL 16:12

Maaru' lair ra ilain ru Tuhan no kaimbalaan kuno am mambarakat raki' koson ra palit ru ulas nano.”

2 RAJA'-RAJA' 9:26

‘Rondom i nakakito Aku ra namatayan ri Nabot am anak-anak nano. Raino bantuon Ku ra mangukum Aku rirun ragiti, ra tana' ragitio niayuk.’ Ginio ra alapo' baangkai ru Raja' Joram, am patiri' ra tana' ondo' ragili longgom ri Nabot, maa' raginio masugut ukuman ri Aki Kapuuno' no riso.”

2 TUNUNG RU BANSA' ISRAIL 24:22

Nalilianan ru Raja' Joas binaal moonsoi am gagaya' ri Joyada, ama' ri Jakaria riso. Kopongo raginio nanusub io maa' raginio potoyon i Jakaria. Paat ra patayan nano, golok i Jakaria, “Gama' ru makakito Tuhan ra binaal min ti am mangukum ramuyun!”

2 TUNUNG RU BANSA' ISRAIL 6:23

rongogo' noyo, iou Tuhan intor ra suruga', am akimi' noyo ulipon-ulipon Muno. Ukumi' noyo ulun ondo' makasala am palabuso' noyo ulun ondo' kolondo' sala.

MAZMUR 146:9

Sindungin No ulun suai ondo' minayan ra pagun takau; ngaangai' napuor am ilo ondo' nailusan ra matuo no indanganon No, kaa' pusoon No atangon ru ulun malaat.

MAZMUR 22:11

Intor ra kakaanak, sumingkayut aku Rirun; intor ra aku tininai', Okou noyo i Aki Kapuuno' kuno.

MAZMUR 31:8

Maansukan am magitapap aku ra longon, sabap ra Okou noyo monogom raki'. Makito Mu imbolo' kuno; am mapandayan Mu kapaganan kuno.

MAZMUR 35:22

Kaa' Okou, iou Tuhan, nakapandai ra baal ragitio. Sabap raginio, pai' nokon pongkoror, pai' no inggalur!

MAZMUR 55:22

Ragu-ragu nano maamis kaga' makimasi', kaa' guang nano natikop ra sisang; ragu-ragu nano molomoi kaga', kaa' tumobok ra guang koson ra ilang malarom.

MAZMUR 68:5

Rimbayi' noyo i Aki Kapuuno', omporo' noyo inggalan Nano; pabatango' noyo ralan ru Io ondo' sumiab maya' ra gaun. Inggalan Nano Tuhan – parikamo kano ra saang Nano!

MAZMUR 68:6

I Aki Kapuuno' ondo' minayan ra intok Nano ra matulai, magalung ra anak nailusan ra matuo am manindung ra ulun napuor.

KAINGKUALAN 2:25

Nakakito i Aki Kapuuno' ra ulun-ulun ru Israil no inulipon am mampalio ra baal nilo.

KAINGKUALAN 22:22

Pai' kalaat ra napuor kapoam anak nailusan ra matuo.

KAINGKUALAN 22:26

Amon ru mangalap kau ra sukub ru sasangulun koson ra pangampin ra ira' nano, musiti' min pasagulion sukub no ra kalo poyo tumolop mato ru orou,

AMSAL 15:25

Lunsayon ru Tuhan baloi ru ulun malilimbau, kaa' tana' longgom ru sangulun napuor sindungin No.

AMSAL 15:3

Makito ru Tuhan atan kasaukan ru titikop intok; magilong Io ritakau, nambaal kia ra moonsoi kapoam malaat.

JISAYA 10:3

Atan baalon min bulintok ri Aki Kapuuno' mangukum ramuyun ra tauli no? Atan baalon min paat ra Io mamparatong ra karaat intor ra pagun ondo' maalur? Osoi kia pakiindanganan min? Ati papasibunian min ra rapu' kalangkayaan mino?

JIRIMIA 16:17

Nakakito Aku ra ngaangai' ondo' binaal nilo. Kolondo' sangulun pana ondo' nakasibuni intor Raki'; nakakito Aku ra tula-tula nilo.

JIRIMIA 23:24

Kolondo' sangulun pana makapansibuni intor ra pagilangan Kuno, sabap ra soroi Aku ra ati-ati, giu' ra suruga' am giu' ra tana'.

JIRIMIA 49:11

Pataako' anak-anak min ra nailusan ra matuo no Raki' am Aku magalung risilo. Ulun-ulun napuor min pana makalansan Raki'.

JIRIMIA 51:56

Matong pantula' koson mamuso ra Babil; saujor-saujor no rinakop noyo, busur nilo pana pinandak noyo. Aku, i Aki Kapuuno' ondo' nangukum ra kalaatan; pamakuan Ku ra Babil no nogondo' ra binaal nano.

SULABOI 3:59

Nakakito Kou ra kalaatan ondo' binaal raki'; ginio ra saungo' baal kuno.

SULABOI 3:60

Nakapandai Kou ra pantula' masisang raki', am mangatang ra malaat raki'.

GOSIA 14:3

Saguli' kano ra Tuhan, am polosoon pakiasian ti masauk ra taak min Riso: “Ampuno' noyo ngaangai' tula mai, iou Tuhan, am apuo' pakiasian mai. Akai pana mongompor Rirun koson ra ondo' binantu' mai.

GOSIA 14:4

Pagun ru Asyur kalo makabayag ramon. Kurita' kuda pana kalo makapanindung ramon. Kalo boo mindagu akai ra sinungkalalaing-sinungkalalaing raginio i Aki Kapuuno' mai. Iou Tuhan, makaasi' Kou ra ulun ondo' kolondo' osoi pana lansanin.”

JOIL 3:4

Atan kia ondo' kinamin mu baalo' Raki', okou Tirus, Sidon am titikop ru wilayah Palistin? Kuminam kau kia mansuli' Raki'? Amon ru koson poyo raginio, balasin Takamin ra mataki'.

ABAKUK 1:13

Kaa' ati kulaan Kou tumaan guang magilong ra ulun ondo' malaat kaga' koson risilo? Okou matulai kaga' koson magilong ra kalaatan; Okou kalo tumaan guang ra ulun ondo' mambaal ra kasalaan. Kaa' kua pongkoror Kou paat ulun Babilonia mamuso ra ulun ondo' kalo malaat koson risilo?

SAGULION 10:18

Manutun Io maa' raginio anak kolondo' matuo am napuor matimpok pamakuan. Motogom Io ra ulun bansa' ru bokon ondo' minayan mabaya' ra bansa' takau; nanaak Io risilo ra akanon am bayang.

2 TIMOTIUS 1:12

Ginio boo puun ru aku maimbolo' ra ngaangai' ti, kaa' kalo lumawo pangintapatan kuno sabap ra naintutunan ku toojo osoi Io ondo' inintopot kuli. Am mangintopot aku toojo ra mampalayun Io ra kandoi ondo' pinalansan Nano raki' i, saboi ra Orou Pupus no.

IBRANI 4:13

Kolondo' atan-atan inangun ri Aki Kapuuno' makasibuni intor Riso, sabap ra ngaangai' maukab am makito Nano. Am ri Aki Kapuuno' niayuk musiti' takau mangakun ra ngaangai' ondo' binaal takau.

1 PITRUS 4:19

Ginio nai ra osoi ayuk maimbolo' sabap ra gitio noyo inatang ri Aki Kapuuno', rayusin nilo ayuk mambaal ra moonsoi am pataakon nilo boo kaayagan nilo galama' Riso ondo' nampasauk risilo am Io maalap kalansani'.

1 PITRUS 5:7

Pataaki' noyo ngaangai' pagalabaan mino ri Aki Kapuuno', Sabap ra maayo toojo guang Nano magalung ramuyun.

TINGGANAI RU BANSA' 1:7

Indagu Raja' Adoni-Bijik, “Ragili namutul aku ra pangina' ru kalindu' am pangina' ru kalayam ru tulu' ngoopor ngaulun raja', am nanganam ilo ra suwo ru akanon susut ru mija' kuno. Raino pinamakuan ri Aki Kapuuno' raki' koson ra pinamakuan kuno risilo.” Raja' Adoni-Bijik pana inibit boo giu' ra Jirusalim, am minatoi io ra giu'.