MATIUS 9:8 - Tanou Moonsoi Timugon

⁸ Pakakito ulun-ulun i ra nasauk koson raginio, nalaa' ilo am pongompor ilo ri Aki Kapuuno' sabap ra nanaak Io ra kuasa' ondo' maayo toojo ra ulun.

MATIUS 9:8 ပူးပေါင်းရင်းမြစ်များ

MATIUS 12:23

Ngaangai' ulun nangimuag. Pangkuot ilo, “Maaru' lair Io ti Anak ru raja' Daut ondo' pinili' i?”

MATIUS 15:31

Ulun masuang no nangimuag paat ra ilo nakakito ra ulun bobou makaindagu, ulun ondo' kalo makalulu' nababas, ondo' pakira' makaugar toojo am ondo' bolou makakito saguli'. Omporo' nilo boo i Aki Kapuuno', Tuhan ru ulun ru Israil.

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

MATIUS 5:16

Koson raginio niayuk boo ra lampung mino musiti' manilau ra saang ru ulun, maa' raginio makakito ilo ra baal moonsoi mino am mongompor ri Ama' mino giu' ra suruga'.”

MATIUS 9:7

Io pana tirong am uli' ra baloi nano.

MARKUS 2:12

Liliwa' ru ulun ngaangai' no magilong ra ulun kalo makalulu' no, timinirong am kayango' no tilam nano am ingkual. Nangimuag ilo kaga', nongompor ilo ri Aki Kapuuno', konilo, “Kalo poyo igondo' takau pakakito ra nasauk koson ragitio!”

MARKUS 7:37

Ngaangai' ondo' nokorongog no nangimuag kaga'. Konilo, “Moonsoi toojo baalon Nano, ondo' barat mokorongog am bobou makaindagu.”

LUKAS 13:13

Pabantaa' ri Jisus kalindu' Nali ra ruandu' no, am paat ragili niayuk nabanis inan nali am nongongompor io ri Aki Kapuuno'.

LUKAS 17:15

Katutuni' ru sangulun intor risilo i ra nababas io, saguli' io liliwa' nongongompor ri Aki Kapuuno' ra bolos mosongou.

LUKAS 17:18

Kua ulun bansa' ru bokon ti ayuk siminaguli' mongompor ri Aki Kapuuno'?”

LUKAS 18:43

Paat ragili niayuk nakakito io, baya' io boo ri Jisus am nongompor io ri Aki Kapuuno'. Pakakito ulun-ulun no ra baal raginio, ilo pana nongompor ri Aki Kapuuno'.

LUKAS 2:20

Ulun-ulun magagalung riminuli' liliwa' mongongompor ri Aki Kapuuno' ra ngaangai' ondo' norongog am nakito nilai. Ngaangai' no nasauk koson ra rinagu ru malaikat i.

LUKAS 23:47

Kakito ru tingganai ru saujor atan ondo' nasauk i, pongompor io ri Aki Kapuuno', kono, “Motopot, ulun ti kolondo' sala!”

LUKAS 7:16

Ngaangai' ulun nalaa' tojojo am nongompor ri Aki Kapuuno'. Konilo, “Sangulun nabi ondo' makakuasa' minatong ra tatanga' takau! Minatong noyo i Aki Kapuuno' mongoi pamayag ra ulun Nati!”

JUANIS 15:8

I Ama' katulayon ra akau manangkawa' ra maawas; gitio noyo ra akau mauligan ra maamaya' Kuno.

RINALATAN 11:18

Pakaining ilo raginii, kalo boo siminangit ilo ri Pitrus. Kaa' pongompor ilo boo ri Aki Kapuuno', konilo, “Koson poyo raginio, i Aki Kapuuno' nangani' noyo ra kaluagan ra ulun sala' ka Jaudi tumalikur ra tula nilo am makabayag ra mantilayun.”

RINALATAN 21:20

Pakaining ilo ra ngaangai' ondo' rinagu ri Paulus i, nongompor ilo boo ri Aki Kapuuno'. Indagu ilo boo ri Paulus, “Paulus, pabukat mai! Mokoondo' kukula' ngaribu noyo ulun ru Jaudi nangintopot ri Jisus ragiti, am gumagaya' ilo toojo ra Ukum ri Musa.

RINALATAN 4:21

Lolobo' poyo ru ulun ru Majlis Ugama i Pitrus am i Juanis, am palabuso' nilo boo karuo-ruo no. Kalo nakatuum ilo ra sasaban koson mangukum risilo, sabap ra ngaangai' ulun nongongompor ri Aki Kapuuno' sabap ra ondo' nasauk i.

2 KORINTUS 9:13

Masuang ulun Kristian ra Jirusalim mongompor ri Aki Kapuuno' sabap ra indangan min, am ginio mampakito ati kulaan pampagagayaan min ra Tanou Moonsoi ri Kristus ondo' pabalaan min. Mongompor ilo poyo ri Aki Kapuuno' sabap ra kinataau ru guang min, saboi ruit min tinayar-tayar risilo am poyo ra ngaangai' ulun ra bokon.

GALATIA 1:24

Ilo pana nongompor boo ri Aki Kapuuno' sabap ra ondo' nasauk raki'.

1 PITRUS 2:12

Kaayag kano ra moonsoi ra sasanggilan akau lumatok ra ulun ondo' kalo nakaulig ra Tuhan. Maa' raginio, paat ra ilo manguu' ramuyun ra akau ti ulun malaat, makamakito ilo ra sotopot no moonsoi ayuk baalon min i, suku' mokopongompor ilo ri Aki Kapuuno' paat ra orou pangukuman Nano ondo' matong.