MATIUS 9:36 - Tanou Moonsoi Timugon

³⁶ Paat ra Io magilong ra ulun masuang no, makaasi' Io toojo risilo, sabap ra ilo ti mangalaa' am mangalawo koson ra domba kolondo' magagalung.

MATIUS 9:36 ပူးပေါင်းရင်းမြစ်များ

1 RAJA'-RAJA' 22:17

Taam i Mika, “Nakito ku saujor ru Israil nantutuliar giu' ra bulur-bulur koson ra pulalai ru domba ondo' kolondo' magagalung. Indagu Tuhan, ‘Ngaangai' ulun ragitio kolondo' tingganai; polosoon noyo ilo muli' ra matanda'.’ ”

2 TUNUNG RU BANSA' ISRAIL 18:16

Taam i Mika, “Nakito ku saujor ru Israil nakapantutuliar giu' ra bulur-bulur koson ra sampanon ru domba ondo' kolondo' magagalung. Indagu Tuhan, ‘Ngaangai' ru ulun ti kolondo' tingganai; polosoon ilo muli' ra maayag.’ ”

JISAYA 13:14

Ulun bansa' suai ondo' minayan ra Babil magiru' ra pagun nilo galama'. Mantutuliar ilo koson ra tambang ondo' magiru' intor ra ulun mampalula', kapoam koson ra sampanon ru kambing ondo' kolondo' magagalung.

JIRIMIA 50:6

“Ulun Kuno koson ra sampanon ru domba ondo' pinoloso makalayau giu' ra gunung-gunung ru ulun-ulun magagalung nilo. Koson ilo ra domba ondo' timinanggau intor ra gunung mongoi ra gunung, am nakalilian noyo ra intok inayanan nilai.

JAKARIA 10:2

Mangkuot ulun ra sinungkalalaing am ulun mapandai kaga' mangilong, kaa' taam ondo' inapu nilo abau ayuk am ragu kolondo' onong. Mokoondo' ulun ondo' mampaarati' ra inupi, kaa' ragu pinaarati' nilo mampalayau ayuk ramuyun. Simayo ondo' tinaakan nilo pana kolondo' onong. Ginio ra mamagun saugar-ugar koson ra domba ondo' nakalayau. Soroi ilo ralalom kapaganan sabap kolondo' tingganai.

JAKARIA 11:16

Pinangandoi ku sangulun magagalung koson magalung ra domba Kuno, kaa' kalo nampalio io domba ondo' natatak. Kalo naguyum io ra domba ondo' nakalayau, kapoam namabas ra ondo' napilat, kapoam nangani' ra akanon ra domba ondo' lakat poyo naayag. Kaa' inakan no kual ru domba ondo' molomok kaga', am namagus ra salindu ru domba.

UNTABAN 27:17

sangulun ondo' makapaningganai risilo paat mangayou. Pai' polosoo' ulun Muno masauk ra pulalai ru domba ondo' kolondo' magagalung.”

MATIUS 10:6

Kaa' ongoi kau ayuk ra ulun ru Israil, domba ondo' timinanggau.

MATIUS 14:14

Paat i Jisus masak intor ra parau no am ilai' no masuang ulun, makaasi' Io risilo am babaso' no ulun-ulun ondo' marualan.

MATIUS 15:24

Taam i Jisus ra ruandu' no, “Sinusub Aku mongoi ra ulun ru Israil ayuk, domba ra timinanggau.”

MATIUS 15:32

Piawo' ri Jisus maamaya'-maamaya' Nano am indagu, “Makaasi' Aku toojo ra ulun masuang ti, sabap ra kataluan noyo buoi ilo minaya' Raki', am raino ti nakayaan ilo no ra akanon. Kalo masaga' Aku mompoloso risilo muli' ra maitilan ilo, sabap ra ati lair ru mangalausan ilo tatanga' ilo mangkiralan.”

MARKUS 6:34

Paat ri Jisus masak, kakito No masuang kaga' ulun am makaasi' Io boo risilo, sabap ra ilo koson ra domba kolondo' magagalung. Io pana tumalimpuun boo mangila' risilo ra masuang baal.

MARKUS 8:2

“Makaasi' Aku toojo ra ulun-ulun ti. Nataluan ilo noyo minaya' ritakau am raino ti nakayaan ilo no ra akanon.

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.

IBRANI 5:2

Molomoi io ra ulun ondo' kalo kukula' kaintutunan am ondo' palayawon boo ru ulun ra bokon, sabap ra io galama' masuang kalawaan.