MATIUS 9:35 - Tanou Moonsoi Timugon

³⁵ Minongoi i Jisus ra ngaangai' pekan am pamagunan. Nangila' Io giu' ra baloi sambayangan am nampatanou ra Tanou Moonsoi ra i Aki Kapuuno' mamarinta. Namabas Io ra ulun-ulun intor ra nansalinut maruol nilono.

MATIUS 9:35 ပူးပေါင်းရင်းမြစ်များ

MATIUS 10:1

Piawo' ri Jisus mopor am ruo ngaulun maamaya' Nano, am anii' No boo ilo ra kuasa' mampagiru' ra riwato am mamabas ra nansalinut maruol.

MATIUS 11:1

Kopongo i Jisus nangila' ra mopor am ruo maamaya' Nano, iruani' No boo intok raginio am ongoi pangila' am poyo pampatanou ra tanou intor ri Aki Kapuuno' giu' ra bandar-bandar ondo' nakapaginggaar no.

MATIUS 11:5

Ulun nobolou makakito, ulun kalo makalulu' makaugar, ulun makamaruol ra kungkung ondo' maaja' mababas; ulun barat mokorongog, ulun minatoi maayag saguli', am Tanou Moonsoi no pinatanou ra ulun musikin.

MARKUS 1:14

Kopongo i Juanis rinakop, ratong noyo i Jisus ra Galilia pampasaboi ra Tanou Moonsoi intor ri Aki Kapuuno'.

MARKUS 6:56

Ati ayuk angayan Nano, pamagunan, pekan kapoam bandar, ulun mapabanta' ra ulun-ulun marualan giu' ra tamu, am makitaak ilo Riso koson pokombongon ilo ayuk ra pompor ru sukub Nano. Ngaangai' ulun pana ondo' nakakambong i, nababas.

MARKUS 6:6

Mangimuag Io risilo ra ilo kalo mangintopot. Ongoi boo i Jisus ra kukula' pamagunan paginggaar am mangila' Io ra ulun.

LUKAS 13:22

Nangila' i Jisus ra kukula' bandar am pamagunan ondo' sinailan Nali paat Io mongoi ra Jirusalim.

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 2:22

“Pabukat kau ngaangai' ulun ru Israil, rongogo' min ragu kuti: I Jisus ulun ru Nasarit i sinusub ri Aki Kapuuno'. Ginio pinakito ramuyun ralalom kaimuagan am tatandu' ondo' binaal ri Aki Kapuuno' ralalom ru Inggalan Nano. Akau ngaangai' makatutun noyo raginio, sabap ra ginio nasauk noyo ra tatanga' min.