MATIUS 9:33 - Tanou Moonsoi Timugon

³³ Indibaki' pagiruo' ri Jisus riwato no am makaindagu boo saguli' ulun no. Moonong ulun nangimuag nakakito raginio. Konilo, “Kalo poyo igondo' akai pakakito ra kaimuagan koson ragitio ra pagun ru Israil ti!”

MATIUS 9:33 ပူးပေါင်းရင်းမြစ်များ

2 RAJA'-RAJA' 5:8

Pokorongog Nabi Ilisa ra atan ondo' nasauk no, pangator io ra tanou ra raja'. Kono, “Kua kia pagalabo kou raja'? Susubo' ulun no matong raki'. Tuluin ku io ra mokoondo' sangulun nabi ra Israil!”

MAZMUR 76:1

Ra tingganai santimungan maririmbai. Ondo' sumbayaan ru jitor. Mazmur ri Asap. Rimbai.

JISAYA 35:6

Ulun kalo makaugar tumindak koson ra tambang, am bungangang magilakup makaansuk. Taur ru timug tumampusis giu' ra tana' kaagisan, am sungoi tumilis ra tana' kataunan.

JIRIMIA 32:20

Paat ra galing i nambaal Kou ra kaimuagan am baal-baal ra makaimuag giu' ra Misir, am saboi raino pana lakat kou poyo mambaal raginilo, ra gino ngai' ru Israil am niayuk ra gino ngai' ru bansa' ra bokon. Koon raginio noyo Okou nauligan kaga' ra ati ayuk intok.

MATIUS 8:10

Nangimuag i Jisus nakaining ra ragu raginio, am indagu Io boo ra ulun masuang ondo' sasunu'-sunu' Riso i, “Kalo igondo' Aku pakakito ra pangintapatan maayo koson ragitio, iou pana intor ra bansa' ru Israil.

MATIUS 9:32

Tatanga' ruo ngaulun no mugar, kukula' ngaulun nagibit ra sangulun bobou ondo' sinubalan ru riwato paumaan ri Jisus.

MARKUS 2:12

Liliwa' ru ulun ngaangai' no magilong ra ulun kalo makalulu' no, timinirong am kayango' no tilam nano am ingkual. Nangimuag ilo kaga', nongompor ilo ri Aki Kapuuno', konilo, “Kalo poyo igondo' takau pakakito ra nasauk koson ragitio!”

LUKAS 11:14

Paat ra sangarawan nampagiru' i Jisus ra riwato ondo' nompokobobou. Pakapagiru' riwato i, tumalimpuun ulun no mindagu. Nangimuag ngai' ulun.

LUKAS 7:9

Nangimuag i Jisus nakaining raginio. Pangkaili Io ra ulun masuang no ondo' sasunu'-sunu' Riso i am indagu Io, “Kalo igondo' Aku pakatuum ra pangintapatan maikang koson ragitio, intor ra bansa' ru Israil pana kalo!”