MATIUS 9:30 - Tanou Moonsoi Timugon

³⁰ Ilo pana makakito boo. Pinsono' ilo boo ri Jisus, “Pai' kau pambala' ra baal ragitio ra osoi ayuk pana.”

MATIUS 9:30 ပူးပေါင်းရင်းမြစ်များ

MAZMUR 146:8

am ulun nobolou mato pinali' No. Pinaikang No ulun malawo guang; tagamin No ulun ra gumagaya' Riso.

JISAYA 35:5

Ulun bolou makakito, Ulun barat mokorongog.

JISAYA 42:7

Sinungkirat Mu mato ru ulun bolou, am nampalabus ra ulun intor ra pangaputan ondo' molondom.

JISAYA 52:13

Indagu Tuhan, “Sotopot no, ulipon Kuno makaampos; omporon io am urumaton.

MATIUS 12:16

am nanusub risilo kalo mambala' ra tanou no ra ulun bokon.

MATIUS 17:9

Paat ra ilo nambusul intor ra gunung no, panusub i Jisus risilo; “Pai' min tunungo' ra osoi ayuk pana ondo' nakito mini, suku' Anak ru Ulun bayagon saguli' intor ra kapatayan.”

MATIUS 8:4

I Jisus pana mindagu riso, “Rongog, pai' pantunung ra baal ragitio ra osoi ayuk pana, kaa' parayus no ongoi tuum ra imam ru Jaudi, am pakitono' inan muno riso. Kopongo raginio pampataak boo ra taak koson ra nanusuban ri Musa. Gitio koson pampakitanan muno ra ngaangai' ulun ra napalian muno.”

MARKUS 1:43

Susubo' boo ri Jisus ulun i mugar am pinson No bilini',

MARKUS 3:12

Kaa' inggalari' No ilo ra kalo mambala' ra osoi Io.

MARKUS 5:43

Mapiot kaga' bilin Nano risilo, indagu Io, “Pai' kau pantunung ra osoi-osoi ayuk ondo' nasauk ragiti.” Susubo' No boo ilo mangani' ra anak no ra akanon.

LUKAS 5:14

Nanginggalar i Jisus ra ulun no mantunung ra osoi ayuk pana ra atan nasauk riso. Indagu Io, “Sumugut ra Ukum ri Musa, ongoi no ra imam Jaudi am polosoo' io mangiou ra okou nababas noyo. Panaak boo niayuk ra taak simbalui maya' ra susuban ralalom Ukum ri Musa, koson tatandu' muno ra ngaangai' ulun ra napali' kono.”

LUKAS 8:56

Matuo ru anak no nangimuag toojo. Kaa' kalo pantunungon ilo ri Jisus ra baal ragitio ra osoi ayuk pana.