MATIUS 9:23 - Tanou Moonsoi Timugon

²³ Paat ri Jisus nakasuku' ra baloi ru tingganai i, ilai' no ulun-ulun manulali am posongonsol maya' ra kaulayan ru pampalabangan ru ulun ru Jaudi.

MATIUS 9:23 ပူးပေါင်းရင်းမြစ်များ

2 TUNUNG RU BANSA' ISRAIL 35:25

Nabi Jirimia nanulis rondo' rimbai sulaboi ra Raja' Josia. Giu' ra Israil saboi raino, rimbai no rinimbai ru ulun-ulun maririmbai, ondo' ungkuyon am poyo ruandu', ralalom pangkaraan ra panguliran ra Raja' Josia. Rimbai no pinasimpung ra ralalom ru pulalai rimbai ru sulaboi.

JIRIMIA 16:6

Ulun langkaya' am ulun musikin ra pagun ti matoi, kaa' kolondo' osoi pana manulaboi kapoam mompolobong risilo. Kolondo' sangulun pana mamilat ra inan kapoam mambulut ra ulu koson tatandu' mangulir risilo.

YEHEZKIEL 24:17

Pai' polosoo' ulun mokorongog ra sikok muno. Pai' pantana' ra kalo sigalon ulu kapoam mangkasut koson tatandu' mangulir. Pai' silii' bulos kapoam mangakan ra akanon mangulir.”

MATIUS 11:17

‘Marimbai akai ra rimbai kaansayan ramuyun, kaa' kalo masaga' kau magililigo'! Marimbai akai ra rimbai makalulumpus ra guang, kaa' kalo masaga' kau mantangi'!’

LUKAS 7:32

Koson ayuk ra paliso ru lalaing mantuturung giu' ra pasar. Sampulupuk mampiau ra bokon i, ‘Sinamputan mai tulali ra kaansukan, kaa' kalo nagiligo' kau! Narimbai akai ra makalulumpus ra guang, kaa' kalo nantangi' kau!’

RINALATAN 20:10

Ginio ra tuun boo i Paulus. Laubi' am ganggali' no tuu'-bagu ti am indagu io, “Pai' kau pagalabo, naayag io po!”

RINALATAN 9:39

Tampos i Pitrus am baya' risilo. Pakasuku' ra giu' i, ibito' io ra lamin ru rasawat i. Ngaangai' napuor liminimpu ri Pitrus liliwa' nantangi' am patalango' nilo bayang am sukub ondo' pinikit ri Dorkas i risilo ra io lakat ayuk poyo soroi.

PINAINTALANG 18:22

Bolos ru jitor, rimbai, tulali am bujung kalo boo rongogon ra intok no. Kolondo' boo sangulun mangandoi ra giu' no am bolos ru batu kinsaran pana kalo boo rongogon.