MATIUS 9:20 - Tanou Moonsoi Timugon

²⁰ Sangulun ruandu' ondo' mopor am ruo ngambilor noyo naimbolo' ra liniuran, ioginio maruol ru ruandu', mininggaar ra timbakulungon ri Jisus am kambong io ra pompor ru sukub Nano.

MATIUS 9:20 ပူးပေါင်းရင်းမြစ်များ

MATIUS 14:36

Makitaak ilo ri Jisus pokombongon ayuk ulun-ulun marualan no ra pompor ru sukub Nano. Ngaangai' boo ru ulun ondo' nakakambong ra pompor ru sukub Nano nababas.

MATIUS 23:5

Ilo mambaal ngaangai' ragitio makikiilong ayuk ra ulun: Ilai' ayuk gayo ru pambulian ra tayar ru Buuk Kitab ondo' pinabangkos ra ulu am longon nilono; Ilai' ayuk gawar ru rumbai ru bayang nilono!

MATIUS 9:19

Ongoi i Jisus nababaya' ra ama' ru lalaing i am maamaya'-maamaya' Nano.

MARKUS 6:56

Ati ayuk angayan Nano, pamagunan, pekan kapoam bandar, ulun mapabanta' ra ulun-ulun marualan giu' ra tamu, am makitaak ilo Riso koson pokombongon ilo ayuk ra pompor ru sukub Nano. Ngaangai' ulun pana ondo' nakakambong i, nababas.

MARKUS 8:22

Kabuoi ragili pakasuku' noyo i Jisus am maamaya' Nano ra Bitsaida. Ulun-ulun nangaak ra sangulun bolou paumaan ri Jisus am kitaakon nilo i Jisus maa' raginio kumambong ra ulun bolou no.

RINALATAN 19:12

Ginio ra konoon parasa' am poyo konoon ra bokon ondo' pinakai ri Paulus inibit ra ulun mangarualan. Maruol nilai pana nairu' am riwato pana pinagiru' intor risilo.

RINALATAN 5:15

Sabap ra kaimuagan ondo' binaal ru rasul-rasul no, ulun mangarualan palanganon ra tilam kapoam apin, am ibiton ilo boo ra ralan koson malansan makatiu' ra babara' ri Pitrus, paat ra io mansail ra giu' i.

SAGULION 22:12

“Pikito' noyo rumbai-rumbai ra kaapat-apat pompor ru bayang min.”