MATIUS 9:17 - Tanou Moonsoi Timugon

¹⁷ Koson niayuk ra kolondo' sangulun pana mambuli ra wain baguon ralalom kantungan kungkung lairon. Sabap ra maaru' marilak kantungan no am wain no matuntuar. Anggur ra nakabagu no maaru' buliin ralalom kantungan ra baguon niayuk, maa' raginio kalo boo marilak am matuntuar.”

MATIUS 9:17 ပူးပေါင်းရင်းမြစ်များ

AYUP 32:19

Amon ru kalo mindagu aku, lumaput aku, koson ra kantungan kungkung ondo' makasuang ra wain baguon.

MAZMUR 119:83

Koson aku ayuk ra kantungan kungkung ondo' pinatiran, kaa' kalo niayuk lilianin ku panusuban Muno.

MATIUS 9:16

Kolondo' sangulun pana mangangkup ra bayang lairon ra sabinsang konoon baguon, sabap ra pangangkup raginio mamparilak ra bayang no, saboi marilak toojo.

MATIUS 9:18

Tatanga' i Jisus mindagu koson raginio risilo, sangulun tingganai baloi sambayangan minatong igulatur ra saang Nano am indagu, “Anak ruandu' kuno minatoi noyo. Kaa' ongoi kombongo' am maayag io saguli'.”

MARKUS 2:22

Koson niayuk ra kolondo' sangulun pana mampasungug ra wain baguon ralalom ru kantungan kungkung lairon. Sabap ra amon ru koson raginio wain no mamparilak ra kantungan kungkung no, suku' wain am kantungan kungkung karuruo patirin. Kaa' wain ondo' baguon no maaru' buliin ra ralalom ru kantungan kungkung baguon niayuk.”

LUKAS 5:37

Koson niayuk ra kolondo' sangulun pana mampalingig ra wain baguon ralalom kantungan kungkung ondo' lairon. Maaru' marilak kantungan no sabap ra wain baguon no, am lumawas boo wain no am kantungan no pana maapu'.

LUKAS 5:38

Kaa' wain baguon no maaru' lingigon ralalom kantungan baguon niayuk.

JOSUA 9:4

Ginio ra nangatang ilo koson mamparuung ri Josua. Nangalap ilo ra akanon am posokoyo' ra kaladai-kaladai nilo karung mangalaat am kantungan ru kungkung ondo' tinombong.