MATIUS 9:15 - Tanou Moonsoi Timugon

¹⁵ Taam i Jisus, “Malansan kau kia ra tambului ondo' minaya' ra ungkuyon uatin no mampali ra io soroi ayuk poyo risilo? Maaru' kalo! Kaa' masuku' niayuk orou ungkuyon uatin no alapon intor risilo am bagu no mampali ilo.

MATIUS 9:15 ပူးပေါင်းရင်းမြစ်များ

JISAYA 22:12

Bulintok raginio Tuhan Raja' Ondo' Maayo Kaga' Kuasa' manusub ramuyun mantangi' am manulaboi, mambulut am mambayang ra konoon karung.

MATIUS 9:14

Maamaya' ri Juanis Mampariu' timinuum ri Jisus am pangkuot ilo, “Kua ramon am ulun ru Parisi masalok mampali kaa' maamaya' Muti kalo igondo' pampali?”

MATIUS 9:16

Kolondo' sangulun pana mangangkup ra bayang lairon ra sabinsang konoon baguon, sabap ra pangangkup raginio mamparilak ra bayang no, saboi marilak toojo.

MARKUS 2:19

Taam i Jisus risilo, “Makapampali kia rangan-rangan ru ungkuyon uatin paat mabaya' io risilo? Buoi ru uatin no mabaya' risilo kalo makapampali ilo.

MARKUS 2:20

Kaa' paat nano masuku' ungkuyon uatin no ongoyon alapo' intor risilo, am paat raginio ilo makapampali.

LUKAS 17:22

Kopongo ragili indagu i Jisus ra maamaya' Nano, “Masuku' paat ra akau moogot makakito ra orou ru Anak ru Ulun, kaa' kalo makakito kau.

LUKAS 5:34

Taam i Jisus, “Makapanusub kau kia ra ulun ondo' minongoi sual ra bunsag ru paguguatan no mampali, amon ru ungkuyon uatin lakat ayuk poyo soroi risilo? Maaru' kalo!

LUKAS 5:35

Kaa' masuku' ungkuyon uatin no alapon intor risilo am kalio boo, paat raginio niayuk ilo mampali.”

JUANIS 16:6

Raino mangiluk guang min sabap ra binalaan takamin noyo.

JUANIS 3:29

Koson niayuk ra paguguatan: Ungkuyon uatin mokoowot ra andu'; kaa' mamparangan ra ungkuyon uatin ti ondo' mangkirongog riso pana maansukan. Ginio nai ra raino ti maansukan aku toojo,

RINALATAN 14:23

Inaru' i Paulus am i Barnabas ra magagalung ra moonong pasimpungan ulun Kristian. Ginio ra nakiasi' am nampali ilo, am nampataak risilo ra alungin ru Tuhan ondo' inintopot nilo.

1 KORINTUS 7:5

Pai' pagimpong ra rondo' am bokon, ondo' ak am ra kukula' buoi ayuk, amon ru mangiou karuruo, maa' raginio makapakiasi' kau toojo. Kaa' kopongo raginio, karuruo no musiti' marampit saguli'. Maa' raginio kalo makinibitan kau ru Tingganai ru riwato no sabap ra kalo moorot min kasagaan ru guang mino.

2 KORINTUS 11:27

Mirot aku mangandoi suku' matipatoi; malukou aku am magail kalo maukop akanon kapoam inumon; magail aku ayuk maitilan, masimuan am poyo kolondo' ralinan kapoam ayanan.

PINAINTALANG 19:9

Indagu boo malaikat no raki', “Tulisi' noyo gitio: Pakaansuk noyo ilo ondo' piniau ra bunsag paguatan ru Anak Domba no.” Tungguli' poyo ru malaikat no, “Gitio noyo pambalaan motopot intor ri Aki Kapuuno'.”

PINAINTALANG 21:2

Kakito ku niayuk Bandar Matulai no, ioginio bandar Jirusalim bagu, tumuun intor ra suruga' intor ri Aki Kapuuno'. Bandar no pinatampos noyo koson ra ruandu' uoton nakatampos noyo mongoi uma' ra ralaki nano.