MATIUS 9:13 - Tanou Moonsoi Timugon

¹³ Uyumo' min noyo atan arati' tinulisan ra Buuk Kitab ti: ‘Marara' Aku ra taak simbalui min kaa' masaga' Aku ra makaasi' kau ra ulun bokon.’ Aku minatong sala' ka mampiau ra ulun ondo' moonsoi rokokoon, kaa' mampiau ra ulun ondo' karaan ra malaat.”

MATIUS 9:13 ပူးပေါင်းရင်းမြစ်များ

AMSAL 21:3

Binaal ra moonsoi am matimpok mapabansuk ra guang ru Tuhan ka taak simbalui ra pataakon.

GOSIA 6:6

Masaga' Aku poyo ra akau motogom Raki' ka mampataak ra taak simbalui Raki'. Masaga' Aku poyo ra akau makaulig Raki' ka monolob ra taak simbalui Raki'.

MATIUS 12:3

Taam i Jisus: “Kalo kia igondo' kau pambasa' atan ondo' binaal ru raja' Daut paat ra io am ulun-ulun nali naitilan?

MATIUS 12:5

Kapoam kalo poyo kia igondo' kau pambasa' ralalom ru Ukum ri Musa ra moonong orou Sabat, imam mangandoi ralalom Baloi Tuhan am sotopot no manggal ilo ra ukum ru orou Sabat, kaa' ilo ti kolondo' sala!

MATIUS 12:7

Mokoondo' tinulisan ra Buuk Kitab, ‘Marara' Aku ra taak ondo' sinimbalui min kaa' masaga' Aku ra makaasi' kau ra ulun bokon.’ Amon ru nakarati' kau ra atan koson ru raguon no, maaru' kalo manguu' kau ra ulun ondo' kolondo' sala.

MATIUS 19:4

Taam i Jisus, “Kalo kia nakabasa' kau ra Buuk Kitab ra Io ondo' nambaal ra ngaangai' ulun ti, intor poyo ra talimpuun ru tana' ti, nampasauk risilo ra ungkuyon am ruandu'?

MATIUS 21:42

Indagu i Jisus risilo, “Kalo poyo kia igondo' kau nakabasa' ra atan tinulisan ra Buuk Kitab? ‘Batu ondo' kinara' ru ulun-ulun manambaloi ra kolondo' onong nasauk ra batu maatang kaga'. Gitio noyo binaal ru Tuhan; mumpara' boo bonsoi no!’ ”

MATIUS 3:2

“Talikur kano intor ra tula mino sabap ra mamaar noyo i Aki Kapuuno' mamarinta!”

MATIUS 3:8

Bonsoyo' bayag mino sabap ra ginio noyo tatandu' ra akau timinalikur intor ra tula mino.

MATIUS 4:17

Intor ragili timinalimpuun i Jisus mampabala' ra Tanou Moonsoi, kon Nano, “Talikur kano intor ra tula mino, sabap ra mamaar noyo i Aki Kapuuno' mamarinta!”

MARKUS 12:26

Ra koson ra ulun matoi bayagon saguli', kalo kia igondo' kau pambasa' ra Ukum ri Musa, koson sampuun tataun magana' ondo' mapaang kaa' kalo nosolob? Ginio mokoondo' tinulisan ra i Aki Kapuuno' minindagu ri Musa, ‘Aku noyo i Aki Kapuuno' ondo' sambaan ri Abragam, ri Isak am ri Jakub.’

MARKUS 12:33

Ulun musiti' motogom ri Aki Kapuuno' ra topot-topot ru guang, kaayagan, pangkaraan am niayuk ikang nano. Io niayuk musiti' motogom ra ulun ra bokon koson io motogom ra inan galama'. Gumagaya' ra panusuban ra ruo ti maatang kaga' intor ra mampataak ri Aki Kapuuno' ra taak simbalui solobon am niayuk taak-taak simbalui ra bokon.”

MARKUS 2:17

Nokorongog i Jisus am indagu risilo, “Sala' ka ulun maligag makibabas, kaa' ulun marualan. Aku minatong sala' ka mampiau ra ulun ondo' moonsoi rokokoon, kaa' ulun ondo' karaan ra malaat.”

LUKAS 10:26

Taam i Jisus, “Atan kon ru Buuk Kitab? Atan pamaguangan muno raginio?”

LUKAS 19:10

Anak ru Ulun no minatong maguyum am mamayag ra ulun nakalayau.”

LUKAS 24:47

Am poyo, Tanou Moonsoi ti musiti' potonowon ra ngaangai' bansa' ru tana' ti, tumalimpuun intor ra Jirusalim. Maa' raginio ralalom inggalan Kuno tumalikur ilo intor ra tula nilono bagu ampunon ilo ri Aki Kapuuno'.

LUKAS 5:31

Taam i Jisus, “Pai' ru ulun maligag makibabas kaa' ulun marualan ayuk.

LUKAS 5:32

Aku minatong sala' ka mampiau ra ulun ondo' moonsoi rokokoon, kaa' ulun makatula koson tumalikur ilo intor ra tula.”

JUANIS 10:34

Indagu i Jisus risilo, “Kalo kia tinulisan noyo ra Ukum ri Musa, kon ri Aki Kapuuno', ‘Akau no tuhan’?

RINALATAN 11:18

Pakaining ilo raginii, kalo boo siminangit ilo ri Pitrus. Kaa' pongompor ilo boo ri Aki Kapuuno', konilo, “Koson poyo raginio, i Aki Kapuuno' nangani' noyo ra kaluagan ra ulun sala' ka Jaudi tumalikur ra tula nilo am makabayag ra mantilayun.”

RINALATAN 2:38

Taam i Pitrus, “Talikur kau ngai' intor ra tula mino. Musiti' akau riwon ralalom inggalan ri Jisus Kristus, koson ra tula mino ampunon. Akau pana makaapu ra taak intor ri Aki Kapuuno', ioginio Ambiluo ri Aki Kapuuno'.

RINALATAN 20:21

Nampakara' aku ra ulun ru Jaudi am niayuk sala' ka Jaudi koson ra tumalikur ilo intor ra tula am sumaguli' ri Aki Kapuuno' am mangintopot ra Tuhan Jisus.

RINALATAN 3:19

Ginio nai ra, talikur kano intor ra tula mino am saguli' kano ri Aki Kapuuno', maa' raginio pusoon No ngaangai' tula mino.

RINALATAN 5:31

Pinainsawat Io ri Aki Kapuuno' ra tampilon pamiris Nano, ioginio intok makakuasa', koson masauk ra Tingganai am Mamamayag, maa' raginio bansa' ru Israil ti makatalikur intor ra tula nilo am maampun ilo.

2 PITRUS 3:9

Tuhan kalo igondo' kabuoi manugut ra atan ondo' binantu' Nano. Kabalu' pana mokoondo' niayuk ulun mangkara' ra koson raginio. Kaa' sotopot no maginaa Io ra guang pantataan, sabap ra kalo masaga' Io ra sangulun pana pusoon. Masaga' Io ra ngaangai' ulun tumalikur intor ra tula.