MATIUS 9:11 - Tanou Moonsoi Timugon

¹¹ Kukula' ngaulun ru Parisi nakakito ra baal raginio. Kuati' nilo maamaya'-maamaya' ri Jisus, “Kua ra mangingila' mino mangkan magugulung ra mampalulur ra cukai am ulun ondo' karaan ra malaat?”

MATIUS 9:11 ပူးပေါင်းရင်းမြစ်များ

JISAYA 65:5

Kopongo raginio mindagu ilo, ‘Inggalur no ramon. Pai' kambong ramon sabap ra akai ti mapasau kaga' ramuyun!’ Masisang Aku ra ulun makapaliso koson raginio. Sangit Kuno risilo koson ra apui ondo' kalo igondo' kalasa'.

MATIUS 11:19

Paat ra Anak ru Ulun no matong mangakan am manginum; kon boo ru ulun, ‘Ilai' min ulun no! Moroot, gagaukon, am rangan ru mampalulur ra cukai am ulun ondo' karaan ra malaat!’ Kaa' kapintaran ri Aki Kapuuno' makito intor ra kaayagan ru ulun ondo' nangapu ra kapintaran raginio.”

MATIUS 5:46

Atan barakat maalap min intor ri Aki Kapuuno' amon ru motogom kau ayuk ra ulun ondo' motogom ramuyun? Sala' ka kia ulun mampalulur ra cukai pana mambaal koson raginio niayuk!

MATIUS 9:10

Giu' ra baloi ri Matius i, nangakan i Jisus am maamaya'-maamaya' Nano magugulung ra masuang ulun mampalulur ra cukai am ulun ondo' karaan ra malaat no ra rondo' mija'.

MARKUS 2:16

Paat ra mangingila' ra Ukum ri Musa intor ra tayar ru Parisi nakakito ri Jisus giminulung ra ulun mampalulur ra cukai am ulun-ulun ondo' karaan ra malaat, pangkuot ilo ra maamaya'-maamaya' Nano, “Kua gulung Io ra mampalulur ra cukai am ulun-ulun ondo' karaan ra malaat?”

LUKAS 19:7

Ngaangai' ulun pana sabubutok boo mangalimut magilong ragitio. Konilo, “Ulun ti mapit poyo boo ra baloi ru ulun makatula.”

LUKAS 5:30

Kukula' ngaulun ru Parisi am mangingila' ra Ukum ri Musa kalo naansayan ilo raginio. Konilo ra maamaya' ri Jisus, “Kua gulung kau pangakan am panginum ra ulun mampalulur ra cukai am poyo ulun ondo' karaan ra malaat?”

RINALATAN 11:3

“Minongoi kou po ra baloi ru ulun sala' ka Jaudi, ioginio ondo' kalo poyo sinunatan, am giminulung kou risilo niayuk nangakan!”

GALATIA 2:15

Motopot ra akai ti papag ru ulun ru Jaudi, am sala' ka ulun makatula koson ra ulun sala' ka Jaudi.

IBRANI 5:2

Molomoi io ra ulun ondo' kalo kukula' kaintutunan am ondo' palayawon boo ru ulun ra bokon, sabap ra io galama' masuang kalawaan.

2 JUANIS 1:10

Amon ru mokoondo' sasangulun matong ramuyun am kalo mambala' ra pangilaan ri Jisus Kristus, pai' min apuo' ulun no ralalom ru baloi min, am pai' min io tabio'.