MATIUS 8:4 - Tanou Moonsoi Timugon

⁴ I Jisus pana mindagu riso, “Rongog, pai' pantunung ra baal ragitio ra osoi ayuk pana, kaa' parayus no ongoi tuum ra imam ru Jaudi, am pakitono' inan muno riso. Kopongo raginio pampataak boo ra taak koson ra nanusuban ri Musa. Gitio koson pampakitanan muno ra ngaangai' ulun ra napalian muno.”

MATIUS 8:4 ပူးပေါင်းရင်းမြစ်များ

JISAYA 42:21

Masalok Tuhan masaga' mamayag; masaga' Io ra ukuman Nano urumaton am tulayon.

IMAMAT 13:49

am amon ru batik ru kulapuk no masasansam kapoam malia'-lia', kulapuk no salinut ondo' gumaai, am musiti' pakitonon ra imam.

MATIUS 10:18

Akimin kau ra saang ru tingganai-tingganai ru ulun am niayuk raja'-raja' sabap ra akau mangintopot Raki', am mampatanou kau boo ra Tanou Moonsoi no risilo am poyo ra ulun sala' ka Jaudi.

MATIUS 16:20

I Jisus pana manusub boo ra maamaya'-maamaya' Nano ra kalo mantunung ra osoi ayuk pana ra Io no Mamamayag ondo' sinusub ri Aki Kapuuno'.

MATIUS 17:9

Paat ra ilo nambusul intor ra gunung no, panusub i Jisus risilo; “Pai' min tunungo' ra osoi ayuk pana ondo' nakito mini, suku' Anak ru Ulun bayagon saguli' intor ra kapatayan.”

MATIUS 3:15

Kaa' taam i Jisus, “Polosoon ayuk ra raino ti, sabap ra koson ragitio ito sumugut ra kasagaan ri Aki Kapuuno'.” I Juanis pana nangiou.

MATIUS 5:17

“Pai' kau pangkara' ra Aku matong mamuso ra Ukum ri Musa am pangilaan ru nabi-nabi. Aku matong sala' ka mamuso kaa' maa' raginio ngaangai' pangilaan no masauk.

MATIUS 6:1

“Karaa' min, pai' kau pambaal ra kandoi ru ugama mino ra tatanga' ru ulun masuang koson makito kau ru ulun. Amon ru baalon min koson raginio ra tatanga' ru ulun no, akau ti matatakan ra barakat ri Ama' min giu' ra suruga'.

MATIUS 9:30

Ilo pana makakito boo. Pinsono' ilo boo ri Jisus, “Pai' kau pambala' ra baal ragitio ra osoi ayuk pana.”

MARKUS 13:9

Ilalai' min, rokopon am ibiton kau ra intok pamisaraan. Lambaan kau giu' ra baloi sambayangan. Ongoyon kau paumaa' ra tingganai-tingganai am raja'-raja', sabap ra akau maamaya' Kuno, am koson raginio akau mampaintutun risilo ra Tanou Moonsoi intor Raki'.

MARKUS 3:12

Kaa' inggalari' No ilo ra kalo mambala' ra osoi Io.

MARKUS 5:43

Mapiot kaga' bilin Nano risilo, indagu Io, “Pai' kau pantunung ra osoi-osoi ayuk ondo' nasauk ragiti.” Susubo' No boo ilo mangani' ra anak no ra akanon.

MARKUS 6:11

Kaa' amon ru makasuku' kau ra rondo' bandar am mokoondo' kalo mapaumpos am kalo masaga' mangkirongog ramuyun, iruani' bandar raginio am kabuli' min noyo kaau ru kasut mino koson pangkaraan risilo.”

MARKUS 7:36

Pangampol boo i Jisus ra ulun-ulun no, kalo mantunung ra ondo' nasauk no ra osoi ayuk pana. Kaa' mampagaai-gaai ayuk risilo mantutunung.

MARKUS 8:30

Pangampol boo i Jisus risilo koson kalo mantunung ra osoi-osoi ayuk ra osoi Io sotopot no.

MARKUS 9:9

Paat ra ilo nambusul intor ra gunung no, nangampol i Jisus risilo, “Pai' min tunungo' ra osoi ayuk pana ondo' nakito mini, saboi Anak ru Ulun maayag saguli' ra kapatayan.”

LUKAS 17:14

Kakito ilo ri Jisus, indagu Io, “Ongoi kano ra imam Jaudi am polosoo' io mangiou ra akau nababas noyo.” Liliwa' ilo nangkiralan i, nababas ilo.

LUKAS 21:13

Paat raginio boo kaluagan min mampabala' risilo ra Tanou Moonsoi no.

LUKAS 4:41

Riwato-riwato pana miningkual intor ra inan ru masuang ulun liliwa' ilo giminolok, “Anak Kou ri Aki Kapuuno'!” Kaa' sawayo' ilo ri Jisus am kalo paindaguon No ilo sabap ra nakapandai ilo ra Io no Mamamayag ondo' sinusub ri Aki Kapuuno'.

LUKAS 5:14

Nanginggalar i Jisus ra ulun no mantunung ra osoi ayuk pana ra atan nasauk riso. Indagu Io, “Sumugut ra Ukum ri Musa, ongoi no ra imam Jaudi am polosoo' io mangiou ra okou nababas noyo. Panaak boo niayuk ra taak simbalui maya' ra susuban ralalom Ukum ri Musa, koson tatandu' muno ra ngaangai' ulun ra napali' kono.”

LUKAS 8:56

Matuo ru anak no nangimuag toojo. Kaa' kalo pantunungon ilo ri Jisus ra baal ragitio ra osoi ayuk pana.

LUKAS 9:21

Pangampol i Jisus risilo koson kalo mambala' ra baal raginio ra osoi ayuk pana.

JUANIS 5:41

“Kalo makiompor Aku ra ulun.

JUANIS 7:18

Ulun ondo' mangila' sumugut ra pangkaraan nano galama', io no makiompor ayuk. Kaa' ulun ondo' mongompor Riso ondo' nanusub riso, io ti motopot am kalo magabau.

JUANIS 8:50

Kalo makiompor Aku, kaa' mokoondo' noyo gumogot ra Aku ti omporon, am Io noyo ondo' mangakim.