MATIUS 8:3 - Tanou Moonsoi Timugon

³ Papuyayo' ri Jisus kalindu' Nali ra ulun no am indagu Io, “Masaga' Aku, kapali' no!” Paat ragili niayuk maruol nali napali'.

MATIUS 8:3 ပူးပေါင်းရင်းမြစ်များ

KASAUKAN 1:3

Indagu i Aki Kapuuno', “Kasauk no sinda.” Sinda ti pana nasauk.

2 RAJA'-RAJA' 5:11

Kaa' sangit i Naaman paat nokorongog ra ragu-ragu raginio am iruani' intok raginio. Kono, “Indos kuli ru mingkual io am tumuum raki', makiasi' ra Tuhan, i Aki Kapuuno' nano, am pakabulon no kalindu' nano ra rasawat ru inan kutu ondo' maruol, am niayuk mamabas raki'.

2 RAJA'-RAJA' 5:14

Ginio ra tuun i Naaman ra Sungoi Jordan am linjob io intulu' koson ra ondo' nanusuban ru Nabi Ilisa. Kopongo raginio napali' maruol nano kalingon. Inan nano maligag saguli' koson ra inan ru sangulun lalaing boborok.

MAZMUR 33:9

Bulintok ra Io mindagu, tana' ti nasauk; intor ra ragu Nano, ngaangai' no sinauk.

KAINGKUALAN 4:7

Indagu boo Tuhan, “Pasubolo' kalindu' muno ralalom sukub muno igondo' poyo.” Baalo' ri Musa koson raginio am paat ra pinaingkual no kalindu' nano, napali' boo kalindu' nano am moonsoi koson ra ngaangai' inan nano.

MATIUS 12:13

Indagu boo i Jisus ra ulun no, “Patutuyo' longon muno.” Patutuyo' no boo longon nano, am kapali' boo koson ra longon no ra sapapa' no.

MARKUS 1:41

Makaasi' i Jisus ra ulun no. Pokopoo' No kalindu' Nano ra ulun no liliwa' No mindagu, “Maansayan Aku, kababas no!”

MARKUS 4:39

Kakarat Io, am susubo' No bagiu' mapuor no am indagu ra tasik no, “Pongkoror! Linos no!” Bagiu' no pana limininos am tasik no pana liminiuk.

MARKUS 5:41

Guuto' No boo longon ru anak no, indagu Io, “Talita Kum!” Ondo' arati' nano, “Anak, mindagu Aku rirun, sukal no!”

MARKUS 7:34

Kopongo raginio pantingaa' am pampalaa i Jisus am indagu ra ulun no, “Effata!” Ondo' arati' no “Kaukab no!”

MARKUS 9:25

Paat ri Jisus nakakito ra ulun masuang mongoi limpu, susubo' No riwato no, “Riwato mampakabarat am mompokobobou, susubon tokou mingkual intor ra lalaing ti am pai' no subol saguli'!”

LUKAS 4:27

Koson niayuk ra bulintok ru Nabi Ilisa, masuang ulun ru Israil makamaruol ra kungkung ondo' maaja'. Kolondo' sangulun pana intor risilo napali'. Ondo' napali' i Naaman ayuk, ulun ru Siria am sala' ka bansa' ru Israil.”

LUKAS 5:13

Pokopoo' boo ri Jisus kalindu' Nali ra ulun no liliwa' minindagu, “Masaga' Aku, kapali' no!” Paat ragili niayuk nairu' maruol ru ulun i.

LUKAS 7:14

Inggaari' boo ri Jisus am kopoo' No bandasan napaalangan ra baangkai i am uog boo ulun-ulun namandas no. Indagu i Jisus, “Tuu'-bagu, sukal no!”

JUANIS 11:43

Pakaindagu raginii, golok boo i Jisus ra mosongou, “Lajarus, ingkual!”

JUANIS 15:24

Amon ru kalo binaal Kuno ra saang nilo ondo' kalo igondo' baalo' ru ulun, kolondo' noyo tula nilo. Kaa' kabalu' pana nakakito ilo ra binaal Kuno, masisang ilo niayuk Raki' am Ama' Kuno.

JUANIS 5:21

Koson i Ama' mamayag saguli' ra ulun minatoi am manaak risilo ra kaayagan, nogondo' niayuk ra Anak manaak ra kaayagan ra osoi ayuk kasagaan Nano.