MATIUS 8:26 - Tanou Moonsoi Timugon

²⁶ Taam i Jisus, “Kua kalaa' kau? Topot-topot noyo malawo pangintapatan min!” I Jisus pana siminukal boo am palinoso' bagiu' am kinulun no. Linos boo bagiu' no am maliuk boo kaga'.

MATIUS 8:26 ပူးပေါင်းရင်းမြစ်များ

MAZMUR 65:7

Ralalom ru kinaikang Muno pabigoron mu gunung ra intok no, koson mampakito ra kuasa' Muno ra maayo.

MAZMUR 89:9

Iou Tuhan, i Aki Kapuuno' Ondo' Maayo Kaga' Kuasa', kolondo' noyo makakuasa' koson Rirun; Okou mampagagaya' ra nansalinut baal, iou Tuhan.

JISAYA 63:12

Ati kia Tuhan, ondo' ralalom ru kuasa' Nano nambaal Io ra baal makaimuag ondo' pinabala' galing ri Musa? Linapak No timug ru raat am mangitang ra ulun Nano sumandaup ra raat ondo' malandom, saboi inggalan Nano mauligan kaga' ra sabuoi-buoi no.” Koson ra kuda masigo kalo makasaru ilo sabap ra Tuhan mangindangan risilo.

NAGUM 1:4

Ra susuban Nano, raat malasak; sungoi pana lasakin. Padang-padang giu' ra Basan mapua', Gunung Karmil pana mapua', am lumonot boo bunga'-bunga' giu' ra Libanon.

ABAKUK 3:8

Sungoi kia nangkinibit Rirun siminangit, iou Tuhan? Raat kia nangkinibit Rirun siminangit? Sinakayan Mu gaun am siminakoi ra gaun ru rasam maawas, paat ra Okou matong koson mangani' ra kamanangan ra ulun Muno.

MATIUS 16:8

Nakapandai i Jisus ra atan sunuron nilono. Indagu Io, “Kua pansusunur kau ra kalo nakapagibit kau ra ruti'? Mumpara' boo lawo ru pangintapatan mino!

MATIUS 17:20

Taam i Jisus, “Sabap ra kalo mangintopot kau toojo. Karaa' min! Amon ru makapangintapatan kau koson ra gayo ru sangunor puun mustard, makaindagu kau ra bulur ti, ‘Banding no intor ragiti ongoi ra giu' no!’ am maaru' manding io! Makapambaal kau ra atan ayuk! [

MATIUS 6:30

Amon ru koson poyo raginio i Aki Kapuuno' namaramai ra limayak no ra sakot, ondo' mokoondo' ra orou raiti' am susuab solobon ralalom ru rapuan, sala' ka kia ramayon kau toojo ri Aki Kapuuno'? Topot-topot kalo maikang pangintapatan mino!

MATIUS 8:27

Ilo ngaangai' pana nangimuag. Konilo, “Atan ra ulun Io ti saboi bagiu' am kinulun pana gumagaya' ra susuban Nano!”

LUKAS 4:35

Sawayo' ri Jisus riwato no, indagu Io, “Pongkoror am ingkual no intor ra ulun ti!” Bigogo' ru riwato ulun no ra saang ru ulun masuang no am ingkual kaa' kalo nampakaruol ra ulun ti.

ROMA 4:20

Kalo nagalabo i Abragam ra bantu' ri Aki Kapuuno', kaa' nangintopot io ayuk. Am minikang poyo pangintapatan nano am nongompor-ompor io boo ri Aki Kapuuno'.

PINAINTALANG 10:2

Mokoondo' io ra rondo' naskhah rinulun boborok nabingkal ra kalindu' nano. Kimininjang kalayam ra pamiris nano ra raat am kalayam ra kait nano ra lantur.