MATIUS 8:16 - Tanou Moonsoi Timugon

¹⁶ Paat ra iomamai', ulun masuang nagibit ra ulun ondo' sinubol ru riwato paumaan ri Jisus. Pagiruo' ri Jisus riwato-riwato am babaso' No ngaangai' ulun marualan.

MATIUS 8:16 ပူးပေါင်းရင်းမြစ်များ

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

LUKAS 4:40

Ra iopalunggai', ngaangai' nagibit ra ulun mokoondo' nansalinut maruol muma' ri Jisus. Pabantaan ri Jisus kalindu' Nali risilo sigagama' am namabas risilo.

MATIUS 14:14

Paat i Jisus masak intor ra parau no am ilai' no masuang ulun, makaasi' Io risilo am babaso' no ulun-ulun ondo' marualan.

RINALATAN 5:15

Sabap ra kaimuagan ondo' binaal ru rasul-rasul no, ulun mangarualan palanganon ra tilam kapoam apin, am ibiton ilo boo ra ralan koson malansan makatiu' ra babara' ri Pitrus, paat ra io mansail ra giu' i.

MARKUS 5:8

Ulun ti minindagu koson raginio sabap ra i Jisus nambala' riso, “Ingkual riwato! Ingkual intor ra ulun ti!”)

MATIUS 12:22

Kukula' ngaulun nagibit boo ra sangulun bolou am bobou sabap ra sinubol ru riwato no ri Jisus. Binabas ri Jisus ulun no suku' io makaindagu am makakito.

MARKUS 2:3

mokoondo' apat ngaulun matong namandas ra ulun kalo makalulu'.

MATIUS 9:2

Giu' no kukula' ngaulun namandas ra sangulun ondo' kalo makalulu'. Ilai' ri Jisus ra maikang pangintapatan nilono, Io pana mindagu ra ulun ondo' kalo makalulu' no, “Kaikango' noyo guang muno, alii ra anak Kuno! Inampun noyo tula muno.”

MARKUS 9:25

Paat ri Jisus nakakito ra ulun masuang mongoi limpu, susubo' No riwato no, “Riwato mampakabarat am mompokobobou, susubon tokou mingkual intor ra lalaing ti am pai' no subol saguli'!”

MATIUS 8:33

Ulun-ulun magagalung ra bauwi no nasimbul uli' ra pekan am pantunung ilo ngaangai' baal raginio, am atan ondo' nasauk ra ruo ngaulun ondo' sinubol ru riwato i.

MATIUS 8:15

Kombongo' ri Jisus kalindu' nano am paat niayuk ragili salom no nairu'. Sukal io am pagayam boo ri Jisus.

LUKAS 4:41

Riwato-riwato pana miningkual intor ra inan ru masuang ulun liliwa' ilo giminolok, “Anak Kou ri Aki Kapuuno'!” Kaa' sawayo' ilo ri Jisus am kalo paindaguon No ilo sabap ra nakapandai ilo ra Io no Mamamayag ondo' sinusub ri Aki Kapuuno'.

LUKAS 13:12

Kakito io ri Jisus, piawo' No, indagu Io, “Minan, nababas kono intor ra maruol muni!”