MATIUS 8:14 - Tanou Moonsoi Timugon

¹⁴ Ongoi i Jisus ra baloi ri Pitrus. Ilai' no iwan ri Pitrus ra ruandu' no botoi-botoi sabap ra mansalom.

MATIUS 8:14 ပူးပေါင်းရင်းမြစ်များ

MATIUS 17:25

Taam i Pitrus, “Maaru' mambayar.” Pakasubol i Pitrus ra baloi, am kalo poyo nakaindagu io, pagulu i Jisus pangkuot riso, “Simon Pitrus, atan pamaguangan muno? Osoi mambayar ra cukai ru raja' ru tana' ti? Mamagun galama' kia kapoam ulun bansa' ra bokon?”

MATIUS 8:15

Kombongo' ri Jisus kalindu' nano am paat niayuk ragili salom no nairu'. Sukal io am pagayam boo ri Jisus.

MATIUS 8:20

Taam i Jisus, “Munin mokoondo' ra luang no galama' am susuit mokoondo' ra bunsut no galama', kaa' Anak ru Ulun kolondo' intok luyaan am tangusan.”

1 KORINTUS 9:5

Makakuasa' aku mapaaya' ra andu' Kristian ra aku mugar-ugar, tumilu ra rasul-rasul ra bokon no, pabukat ru Tuhan Jisus am i Simon Pitrus.

1 TIMOTIUS 3:2

Sangulun tingganai ru ulun Kristian no musiti' kolondo' sala, sangulun ayuk andu' nano, makapantataan ra guang, mapintar, makapaliso matanda', mataau mangapu ra tambului am makapangila' ra ulun.

1 TIMOTIUS 4:3

Ilo ti mangila' ra kalo matagandu' am kalo makaakan ra kukula' akanon. Kaa' sotopot no, akanon raginio sinauk ri Aki Kapuuno' koson apuon mabaya' ra paringkuanangan ru ulun ondo' mangintopot am makatutun ra katapatan.

IBRANI 13:4

Kaulayan ru paguatan musiti' no urumaton ru ngaangai' ulun, ra moonong ralaki kapoam andu' kalo iowon sumimpung ra bokon. Sabap ra ulun ondo' lumapau kapoam mansawa' pana, ukumin ri Aki Kapuuno'.