MATIUS 7:3 - Tanou Moonsoi Timugon

³ Kua kakito min tipolon ru tataun ra mato ru ulun bokon, kaa' akau galama' kalo makatutun ra mokoondo' tataun makalu ra mato mino galama'?

MATIUS 7:3 ပူးပေါင်းရင်းမြစ်များ

MATIUS 7:4

Kua pai' kau kalalaa' mindagu ra ulun bokon, ‘Ibok, paingkualo' ku tipolon ru tataun intor ra mato muno,’ kaa' mokoondo' tataun makalu ra mato mino galama'.

MATIUS 7:5

Oi ulun maabau-abau! Ingkualo' poyo galing tataun makalu intor ra mato mino galama', bagu no makakito kau toojo am maalap min kaingkual tipolon no intor ra mato ru ulun bokon.

LUKAS 18:11

Ulun ru Parisi no minigor am nakiasi' io, kono, ‘Aki Kapuuno', paringkuanangan ku Rirun, sabap ra kalo makalit aku kapoam magabau, kapoam lumapau, koson ra ulun bokon. Paringkuanangan ku sabap ra aku sala' ka koson ra mampalulur ra cukai no.

ROMA 2:1

Pabukat kau ngaangai', intor raginio, makakau' kau kia mononsol ra ulun bokon? Kolondo' sasaban min amon ru ukumin kau. Sabap ra amon ru mononsol kau ra ulun bokon kaa' akau galama' pana nogondo' niayuk makasala, akau galama' migukum.

GALATIA 6:1

Pabukat kau ngaangai', amon ru marampatan min sasangulun no makasala, akau ondo' maikang toojo pangintapatan musiti' magibit ra ulun no sumaguli' ra katapatan mabaya' ra ragu mamunduk riso. Am ilalai' min galama' ra akau pana kalo matiu' ru pangkinaman.