MATIUS 7:28 - Tanou Moonsoi Timugon

²⁸ Kopongo i Jisus minindagu raginio, ulun masuang no nangimuag ra pangilaan Nano,

MATIUS 7:28 ပူးပေါင်းရင်းမြစ်များ

MAZMUR 45:2

Guang kutu napanu' ra ragu-ragu maamis bulintok ra aku nambaal ra rimbai pasukuon ra raja'; rila' kutu koson ayuk ra santaun pamamatik ru sangulun mamamatik ra sisindiron.

MATIUS 11:1

Kopongo i Jisus nangila' ra mopor am ruo maamaya' Nano, iruani' No boo intok raginio am ongoi pangila' am poyo pampatanou ra tanou intor ri Aki Kapuuno' giu' ra bandar-bandar ondo' nakapaginggaar no.

MATIUS 19:1

Karagu ayuk ri Jisus baal raginio, iruani' No Galilia ti am ongoi ra libung ru Judia giu' ra sandaup ru Sungoi Jordan.

MATIUS 22:33

Paat ra ulun masuang nokorongog ra pambalaan ri Jisus ni, nangimuag ilo ra pangilaan ni.

MATIUS 26:1

Kakai' ayuk i Jisus nangila' ra baal ragili, indagu Io ra maamaya'-maamaya' Nano,

MATIUS 7:27

Paat ra rumasam maawas, mampaliur am masiob ru bagiu' mapuor, baloi no pana matungkob am malunsai boo toojo.”

MATIUS 7:29

sabap ra Io nangila' mabaya' ra kuasa', sala' ka koson mangingila'-mangingila' ra Ukum ri Musa.

MARKUS 1:22

Ulun ondo' mangkirongog Riso mangimuag ra pakuan Nano mangila', sabap ra Io mangila' makakuasa', sala' ka koson ra mangingila' ra Ukum ri Musa no.

MARKUS 11:18

Tingganai imam Jaudi am mangingila' ra Ukum ri Musa nokorongog ra ragu Nani. Ginio ra tumalimpuun ilo maguyum ra ralan mamatoi ri Jisus. Malaa' ilo Riso sabap ra ulun masuang no mabunduk guang mangkirongog ra pangilaan Nali.

MARKUS 6:2

Paat ra orou Sabat tumalimpuun Io mangila' giu' ra baloi sambayangan. Ulun masuang i nangimuag paat ra nokorongog Riso am indagu ilo, “Ati naalapan Nano ra ngaangai' ragitio? Kapintaran koson ra atan kia ondo' Riso ti? Ati kulaan No mapakito ra kaimuagan?

LUKAS 19:48

Kaa' kalo naalap nilo kapatoi, sabap ra ngaangai' ulun nabunduk toojo am mapirot mangkirongog ra raguon nano.

LUKAS 2:47

Ngaangai' ulun ondo' nangkirongog Riso i nangimuag sabap ra mapintar Io am matanda' toojo taaman Nano.

LUKAS 4:22

Moonsoi kaga' rinagu Nali, saboi nangimuag am nangiou ulun Riso, konilo, “Anak alia gitio ri Jusup.”

LUKAS 4:32

Nangimuag ilo ra baal ru pangilaan ri Jisus sabap ra ragu Nali makakuasa'.

LUKAS 7:1

Kakai' i Jisus nambala' ra ngaangai' baal raginio ra ulun masuang no, ugar Io ongoi ra Kapirnaum.

JUANIS 7:15

Nangimuag toojo tingganai ru ulun ru Jaudi, am pagindagu ilo boo, “Ati kulaan ulun ti makapandai ra masuang pangilaan, kabalu' pana baal raginio kalo igondo' Io ilaa'?”

JUANIS 7:46

Taam ru pulis-pulis no, “Kalo igondo' akai pakaining ra sangulun makaindagu koson ra ulun raginio.”