MATIUS 7:2 - Tanou Moonsoi Timugon

² sabap ri Aki Kapuuno' mangakim ramuyun koson akau mangakim ra ulun bokon. Panuku' ondo' alapon mino koson mangakim ra ulun bokon, panuku' raginio niayuk alapon ri Aki Kapuuno' koson mangakim ramuyun.

MATIUS 7:2 ပူးပေါင်းရင်းမြစ်များ

2 SAMUIL 21:5

Taam ilo, “Masaga' Raja' Saul mamuso ramon ngaangai' maa' raginio maliom intor ra titikop ru Israil.

MAZMUR 109:17

Masaga' io magulas; polosoon io galama' masulungan! kalo masaga' io mambarakat ra ulun; polosoon kolondo' sangulun pana mambarakat riso!

KAINGKUALAN 21:24

mato aligin ra mato, ripon aligin ra ripon, kalindu' aligin ra kalindu', kalayam aligin ra kalayam,

JISAYA 33:1

Aibui boo ra pantula' takano! Mampagaau ilo am malaat kabalu' pana kolondo' osoi-osoi pana igondo' pampagaau am lumaat risilo. Kaa' bulintok ra ilo mampagaau am malaat no maampus, am ilo galama' gaawin am laaton.

JIRIMIA 34:17

Ginio ra raino, Aku Tuhan, minindagu: Kalo giminagaya' kau Raki'; kalo linabusan min gino ngai' ru bansa' min ondo' nasauk ra ulipon. Amon ru ginio poyo, aniin Takamin ra kalabusan: kalabusan koson ra matoi sabap ra pangayawan, maruol tumapik am bitilan. Mangkinibit Aku ra moonong bansa' ra tana' ti malaa' magilong ra baal ondo' baalon Kuno ramuyun.

JIRIMIA 51:24

Indagu Tuhan, “Makakito kou ra Aku mambalos ra Babilonia am mamagun nano ra ngaangai' kalaatan ondo' binaal nilo ra Jirusalim.

OBAJA 1:15

“Mamaar noyo orou no, paat ra Aku, Tuhan mangakim ra ngaangai' bansa'. Akau ulun ru Idom, atan ondo' binaal min, baalon niayuk ramuyun. Balasin kau nontopot koson ra atan ondo' binaal min.

MATIUS 6:14

Amon ru ampunon min tula ru ulun ondo' makatula ramuyun, Ama' min giu' ra suruga' pana mangampun ra tula mino.

MARKUS 4:24

Indagu poyo i Jisus, “Talinaasi' min noyo ondo' norongog min ti! Atan ayuk pangukum min ra ulun, ginio niayuk pambabalos ri Aki Kapuuno' ramuyun – am janjain No poyo.

LUKAS 6:38

Pangani' kano, koson i Aki Kapuuno' pana mataau mangani' ra tayar moonsoi ramuyun. Tayar ondo' insokon no toojo am ruangin no saboi mototop. Panunuku' ondo' alapon min mangakim ra ulun ra bokon, panunuku' raginio niayuk alapon ri Aki Kapuuno' mangakim ramuyun.”

2 KORINTUS 9:6

Karaa' min! Ulun ondo' sanganu ayuk sampug tiason no, sanganu niayuk kumoson no. Kaa' ulun ondo' masuang sampug tiason no, masuang niayuk kumoson no.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

PINAINTALANG 18:6

Baalo' noyo risilo maya' ra binaal nilo ramuyun; balasi' noyo ra suang mainduaan ra ngaangai' binaal nilo. Suangi' noyo sangkir nilo ra inumon ondo' mainduaan bisa' intor ra inumon ondo' pinasulung nilo ramuyun.

TINGGANAI RU BANSA' 1:7

Indagu Raja' Adoni-Bijik, “Ragili namutul aku ra pangina' ru kalindu' am pangina' ru kalayam ru tulu' ngoopor ngaulun raja', am nanganam ilo ra suwo ru akanon susut ru mija' kuno. Raino pinamakuan ri Aki Kapuuno' raki' koson ra pinamakuan kuno risilo.” Raja' Adoni-Bijik pana inibit boo giu' ra Jirusalim, am minatoi io ra giu'.

TINGGANAI RU BANSA' 5:27

Naratu' i Sisira am nakaranga' pakalangan; nakaranga' am minatoi io ra kalayam ri Jail.

1 SAMUIL 15:33

Kon boo ri Samuil, “Koson ra ilang muno nangkinibit noyo ra masuang ina' naluusan ra anak, kon raginio niayuk ra ina' muno maluusan ra anak nano.” Puputulo' boo ri Samuil no Raja' Agag giu' ra saang ru altar giu' ra Gilgal.