MATIUS 7:16 - Tanou Moonsoi Timugon

¹⁶ Mauligan min ilo ti intor ra binaal nilono. Bulungkut ra makaruui kalo manangkawa' ra anggur, am kusingan no kalo manangkawa' ra ara.

MATIUS 7:16 ပူးပေါင်းရင်းမြစ်များ

AMSAL 20:11

Intor ra binaal ru sangulun anak paliso nano maimansaan; mapandayan min paliso nano moonsoi kapoam malaat.

MATIUS 12:33

“Amon ru masaga' makaalap ra kawa' moonsoi, akau musiti' mokoondo' ra puun moonsoi. Amon ru kalo moonsoi puun no, kawa' nano pana kalo niayuk moonsoi. Kinoonsoi ru rondo' puun tataun no mapandayan intor ra kawa' no.

MATIUS 7:20

Koson raginio mauligan min ulun-ulun ondo' migiangku ra nabi intor ra binaal nilono.”

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

JAKUBUS 2:18

Kaa' mokoondo' lair mindagu ra, “Sangulun lumansan ra pangintapatan nano am bokon no poyo lumansan ra atan ayuk baal nano ra moonsoi.” Makataam aku niayuk ra, “Pakitono' noyo raki' ati koson sangulun mangintopot amon ru kolondo' baal nano ra moonsoi. Kaa' aku mampakito ra pangintapatan kutu mansail ra baal kuno ra moonsoi.”

JAKUBUS 3:12

Pabukat kau ngai', puun ru ara kalo noyo mangkawa' ra jaitun; kapoam puun ru anggur kalo noyo mangkawa' ra ara. Am poyo kalo noyo lair taur makatimug maasin mapaingkual ra timug mapasau.

1 SAMUIL 24:13

Gama' ru mamatas Tuhan no ra osoi ondo' makasala, aku kapoam okou. Amon ru mambalos Tuhan no ra binaal muno raki', kaa' kalo rualin tokou ra sanganu pana.