MATIUS 7:15 - Tanou Moonsoi Timugon

¹⁵ “Ilalai' min ulun-ulun ondo' migiangku ra nabi. Rumatong ilo ramuyun tumilu ra domba, kaa' sotopot no ilo ti koson ra taani masangit.

MATIUS 7:15 ပူးပေါင်းရင်းမြစ်များ

1 RAJA'-RAJA' 13:18

Indagu boo nabi matutuo intor ra Bitil no riso, “Aku pana sangulun nabi koson rirun. Sumugut ra susuban ru Tuhan, rondo' malaikat nanusub raki' magibit rirun muli' am mampaakan rirun giu' ra baloi kuno.” Sotopot no nabi matutuo no nagabau.

JIRIMIA 29:21

Tuhan Ondo' Maayo Kaga' Kuasa', i Aki Kapuuno' ru Israil, nakaindagu intor ri Agab anak ri Kolaya, am intor ri Jidikia anak ri Maasiya, ondo' namakai ra inggalan ru Tuhan koson mampasaboi ra abau ramuyun. Minindagu Tuhan ra pataakon No ilo ra kuasa' ru Raja' Nibukadnijar intor ra Babilonia, ondo' mamatoi risilo ra saang min.

JIRIMIA 29:32

am nanusub ramuyun manggal Raki', am Aku pana mangukum riso am papag nano. Kolondo' papag nano ondo' mayan ra gino ngai' min. Kalo maayag io koson magilong ra baal-baal moonsoi ondo' baalon Ku ra ulun Kuno. Aku, Tuhan nakaindagu noyo.”

YEHEZKIEL 13:16

iono nabi-nabi ondo' minindagu ra ragu manala' ra Jirusalim moonsoi, kaa' sotopot no kalo!” Koon raginio noyo ragu ru Tuhan Raja'.

YEHEZKIEL 13:22

“Nabaya' ra abau mino kinalawo min guang ru ulun moonsoi, ondo' kalo masaga' Ku jamarin. Nangunsu' kau ra ulun malaat maa' raginio marayus mambaal ra kalaatan saboi kalo mabayag ilo.

YEHEZKIEL 22:25

Tingganai-tingganai nilo koson ra singa' ondo' mansangal malupus nansaam ra akanon. Namatoi ilo ra ulun, nampagaau ra ngaangai' ruit am rapu', am niayuk nangkinibit ra masuang ruandu' nasauk ra napuor.

YEHEZKIEL 22:27

Pagawai ru pamarintaan nogondo' koson ra taani ondo' naminsang ra sinaam nilo. Namatoi ilo koson masauk ra langkaya'.

DANIL 11:34

Paat ra masauk pamatayan no, ulun ri Aki Kapuuno' mokoowot sanganu indangan, kabalu' pana ulun ondo' maya' risilo no mangkara' ayuk ra kaatangan galama'.

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

JAKARIA 13:4

Paat raginio, kolondo' boo nabi ondo' lumimbau sabap ra pinaintalang-pinaintalang nano, kapoam mangku ra sangulun nabi, kapoam nambayang ra sukub makabulu maa' raginio makapamparuung io ra ulun.

MATIUS 10:17

Ilalai' min, sabap ra mokoondo' ulun mamparakop am magibit ramuyun giu' ra makama, am loposon kau giu' ra baloi sambayangan nilo.

MATIUS 16:11

Kua pai' kau pakarati' sala' ka mapakara' Aku ramuyun ra ruti'? Tataani' am ilalai' min ragi ru ulun ru Parisi am ulun ru Saduki!”

MATIUS 16:6

Indagu i Jisus risilo, “Tataani' am ilalai' min ragi ru ulun ru Parisi am ulun ru Saduki.”

MATIUS 24:11

Masuang migiangku ra nabi matong am mamparuung ra ulun masuang.

MATIUS 7:14

Kaa' mapisok kulobon am mapagon ralan ondo' sumuku' ra kaayagan motopot. Kalo masuang ulun mokoowot ra kaayagan ragitio.”

LUKAS 12:15

Indagu poyo i Jisus risilo ngaangai', “Karaa' min, am ilalain kalit mino. Sabap ra sotopot no, sala' ka kuliamos ondo' maatang ra kaayagan ru ulun, kabalu' pana langkaya' io kakaga'.”

LUKAS 6:26

“Aibui boo ramuyun no, amon ru ngaangai' ulun mongompor ramuyun. Sabap ra koson raginio niayuk pinamakuan ru kinamatuaan takali ra nabi-nabi maabau-abau ra galing i.”

JUANIS 10:12

Kaa' ulun gajiin, ondo' sala' ka magagalung kapoam tatangan ra domba no, pai' ru koson raginio. Paat ra makito no taani matong iruanin no ayuk sampanon ru domba no am magiru' io. Ginio ra saamon am pantutuliaron boo sampanon ru domba no ru taani no.

RINALATAN 13:40

Ginio ra ilalai' min koson kalo masauk ramuyun atan ondo' rinagu ru nabi-nabi,

RINALATAN 13:6

Inongoi nilo ngaangai' intok ra pulu' no, saboi nakasuku' ra Papos. Giu' i nakatuum ilo ra sangulun mangingilong, makainggalan i Bar-Jisus, ulun ru Jaudi ondo' migiangku ra io no sangulun nabi.

GALATIA 2:4

kabalu' pana ginio gogoton ru ulun migiangku ra Kristian ondo' liminatok ramon. Giminogot ilo pangimumui ra kalabusan ondo' noowot mai intor ri Jisus Kristus. Nangkinam ilo mangulipon poyo saguli' ramon,

IPISUS 4:14

Bagu no itakau kalo boo makapaliso koson ra lalaing, ondo' lilingganon ru kinulun am sisiabin ru angin, ioginio mangintopot ra mangingila' ondo' mapandai toojo mamparuung am mampalayau ra ulun.

IPISUS 5:6

Pai' min polosoo' sangulun pana mamparuung ramuyun ra abau. Sabap ra paliso ragitio noyo mampakasalula' ra sangit ri Aki Kapuuno' ra ulun ondo' kalo gumagaya' Riso.

PILIPI 3:2

Koson ilalain min uku' masangit no, pagilalai' min poyo ulun-ulun ondo' mampakalayau ayuk, ondo' lakat ayuk poyo mampajajou ra ulun sunatin, koson ra tatandu' ilo ti toojo makaulig ri Aki Kapuuno'.

KOLOSI 2:8

Ginio nga ra ilalai' min, maa' raginio kolondo' sangulun pana mamparuung ramuyun ra pangilaan ru ulun ondo' abau no ayuk am kolondo' onong, sabap ra mampakalayau ayuk ginio. Sala' ka i Jisus Kristus intor ru gitio, kaa' binaal ayuk ru ulun kapoam rondo' pangilaan ru kaulayan ayuk.

2 TIMOTIUS 3:13

Kaa' ulun ondo' mangalaat am mamparuung no, gumaai poyo kinalaat nilai no. Ilo mamparuung ra ulun ra bokon, kaa' ilo pana galama' maruung niayuk.

2 TIMOTIUS 4:3

Sabap ra masuku' paat nano ra kalo boo masaga' ulun mangapu ra pangilaan motopot. Kaa' sotopot no maya' ilo boo ra kasagaan ru guang nilo galama' am mampalulur ilo boo ra masuang mangingila' ondo' masaga' mangila' ra atan ondo' sumangut ra guang nilai.

2 PITRUS 3:17

Pabukat kau ngai' ondo' tagamin ku, nakapandai kano kalalair ra baal ragitio, ginio ra pagilalai' min. Pai' kau makinibitan ru kalayawan ru ulun malaat, saboi tatangon min boo pangintapatan min ra maikang no.

1 JUANIS 4:1

Pabukat kau ngaangai' ondo' tagamin ku! Pai' kau pangintopot ra ngaangai' ulun ondo' mindagu ra mokoondo' ilo ra Ambiluo ri Aki Kapuuno'. Kaa' kinami' min ilo po galing ru mokoondo' ilo ra Ambiluo intor ri Aki Kapuuno' kapoam kolondo'. Sabap ra raino ti masuang nabi magabau soroi ra ati-ati ayuk.

JUDAS 1:4

Sabap ra mokoondo' kukula' ngaulun mangapuka' suminok ayuk simpung ritakau. Ilo ti ulun malaat ondo' manumbalik ra togom tinaakan ri Aki Kapuuno', koson sumimbat ilo pambaal ra atan ayuk pansasawaan. Ilo ti kalo mangapu ri Jisus Kristus, ondo' Io ayuk rondo'-rondo' Nanguasa' am Tuhan takau. Intor ra galing i ukum pataakin risilo inala' noyo ru Buuk Kitab.

PINAINTALANG 16:13

Kakito ku boo talu riwato ondo' koson ra antit. Miningkual ilo intor ra kabang ru tambuakal no, intor ra kabang ru bibiag masigo am intor ra kabang ru migiangku ra nabi no.

PINAINTALANG 17:6

Kakito ku boo ruandu' no nagauk ra raraa' ru ulun ri Aki Kapuuno' am raraa' ru ulun ondo' pinatoi sabap ra giminagaya' ri Jisus. Paat nakito ku ruandu' no, nangimuag aku kakaga'.

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.

PINAINTALANG 20:10

Tingganai ru riwato boo ondo' namparuung risilo no pinatiran ra tasik ru apui ondo' naratok ra balirang mapaang. Gili, gitio noyo namatiran ra bibiag masigo am migiangku ra nabi no am imboloon ilo orou-rondom ra sabuoi-buoi no.