MATIUS 7:14 - Tanou Moonsoi Timugon

¹⁴ Kaa' mapisok kulobon am mapagon ralan ondo' sumuku' ra kaayagan motopot. Kalo masuang ulun mokoowot ra kaayagan ragitio.”

MATIUS 7:14 ပူးပေါင်းရင်းမြစ်များ

MAZMUR 16:11

Tinuluan Mu aku ra ralan kaayagan; rinatangan Muno mapakaantak raki', am magail ayuk mapabansuk raki'.

AMSAL 8:20

Mugar aku ra ralan kabanisan ru guang, am maya' ra ralan katimpakan.

JISAYA 30:21

Amon lumisang kau ra pamiris kapoam kait, morongog min bolos Nano giu' ra talikuron mino mindagu, “Gitio noyo ralan ti, baya' kano ra ralan ragitio!”

JISAYA 35:8

Giu' no mokoondo' ra ralan maayo tiniir, ondo' sabiton ra “Ralan Sumuku' ra Pamayagan”. Ulun ra makatula kalo maya' ra giu' no, ulun sasambungon kalo mapalayau ra ulun ondo' mansail ra ralan no.

JISAYA 57:14

Mindagu Tuhan, “Polosoon noyo ulun Kuno sumaguli' Raki'. Pambaal noyo am pongoo' noyo ralan! Tumpailo' noyo moonong mokoompong ra ralan nilono!

JIRIMIA 6:16

Indagu Tuhan ra ulun Nano, “Bigor kano giu' ra lilisangon ru ralan am ilai' noyo toojo! Kuati' noyo ralan-ralan ra galing i, am ati kia ra ralan ondo' moonsoi kaga'. Mopongo raginio baya' no ra ralan raginio, okou pana maayag am moonsoi.” Kaa' konilo, “Kalo, marara' akai maya' ra ralan no!”

MATIUS 20:16

Indagu boo poyo i Jisus, “Koson niayuk ra ulun ondo' kalo maatang, masauk ilo ra maatang: am ulun ondo' maatang masauk ilo ra kalo maatang.”

MATIUS 22:14

Pupusi' boo ri Jisus abig raginio, indagu Io, “Masuang piawon, kaa' kalo masuang pilion.”

MATIUS 7:13

“Subol kano ra kulobon ondo' mapisok no, sabap ra malangka' kulobon am malimparang ralan mongoi ra naraka! Masuang ulun maya' ra ralan ragitio.

MATIUS 7:15

“Ilalai' min ulun-ulun ondo' migiangku ra nabi. Rumatong ilo ramuyun tumilu ra domba, kaa' sotopot no ilo ti koson ra taani masangit.

MARKUS 8:34

Piawo' boo ri Jisus ulun masuang no am maamaya' Nano. Indagu Io risilo, “Moonong ulun masaga' maya' Raki', lilianin no kasagaan nano galama' am mansaan io ra salip nano am maya' Raki'.

LUKAS 12:32

“Pai' kau kalaa', kabalu' pana kalo masuang kau, sabap ra i Ama' min masaga' mangani' ramuyun ra barakat ru pamarintaan Nano.

JUANIS 16:2

Inggalarin kau mumpos ra baloi sambayangan. Masuku' niayuk paat ra osoi ayuk mamatoi ramuyun mangkara' ilo raginio mangandoi ri Aki Kapuuno'.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

ROMA 12:2

Pai' min tiluo' kiralan ru ulun ondo' kalo mangintopot ra Tuhan, kaa' polosoo' noyo pamaguangan mino talimbaguin ri Aki Kapuuno'. Intor raginio makatutun kau boo ra kasagaan ri Aki Kapuuno', ioginio, atan ondo' moonsoi, ondo' mampakaansuk Riso am poyo ondo' matanda'.

ROMA 9:32

Kua guat? Sabap ra mangkinam ilo mobonsoi saguli' ri Aki Kapuuno' ralalom ru kapiratan nilo galama', am sala' ka ralalom ru pangintapatan nilo ri Aki Kapuuno'. Ginio ra ilo nakasaru ra ‘batu nasaruan’.