MATIUS 7:12 - Tanou Moonsoi Timugon

¹² “Baalo' min noyo ra ulun ra bokon, atan ondo' kasagaan min ilo mambaal ramuyun. Gitio noyo suang ru Ukum ri Musa am pangilaan ru nabi-nabi.”

MATIUS 7:12 ပူးပေါင်းရင်းမြစ်များ

YEHEZKIEL 18:21

“Amon ru sangulun malaat lumonggo' mambaal ra tula, am tumalimpuun gumagaya' ra ukum Kuno, am niayuk mambaal ra ondo' motopot am moonsoi, kalo matoi io. Maaru' maayag io.

IMAMAT 19:18

Pai' balos malikokot ra osoi pana, kapoam mararayus masisang ra ulun. Tagami' noyo ulun ra bokon koson okou mitotogom galama'. Aku noyo Tuhan.

MIKA 6:8

Topot-topot kalo! Nambala' noyo Tuhan ritakau ra atan ondo' moonsoi. Baal ondo' kitaakon toojo ru Tuhan intor ritakau iono maa' raginio mambaal takau ra matimpok, masalok mangimaya' ra katagaman, am mabaya' ra guang minggana' maayag masimpung ri Aki Kapuuno' takau.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

MATIUS 5:17

“Pai' kau pangkara' ra Aku matong mamuso ra Ukum ri Musa am pangilaan ru nabi-nabi. Aku matong sala' ka mamuso kaa' maa' raginio ngaangai' pangilaan no masauk.

LUKAS 6:31

Ondo' kasagaan min pamakuan ru ulun bokon ramuyun, ginio niayuk pamakuan min risilo.

1 TIMOTIUS 1:5

Manusub aku ragitio koson ra togom min ra ulun bokon sumalula' intor ra guang moonsoi, bolos ru guang mapasau am pangintapatan ra kolondo' abau.

JAKUBUS 2:8

Gitio noyo moonsoi, amon ru totopot suguton min Ukum ru pamarintaan ri Aki Kapuuno', ondo' tinulisan ra Buuk Kitab; “Tagami' noyo rondo' am bokon mogondo' ra akau mitotogom galama'.”