MATIUS 7:1 - Tanou Moonsoi Timugon

¹ “Pai' kau pangakim ra ulun bokon, koson kalo niayuk akimin kau ri Aki Kapuuno',

MATIUS 7:1 ပူးပေါင်းရင်းမြစ်များ

JISAYA 66:5

Rongogo' noyo ragu ru Tuhan, akau ngai' ondo' malaa' am gumagaya' Riso: “Sabap ra akau gumagaya' Raki', santayaran intor ra bansa' mino galama' masisang am mangimpai ramuyun. Magasab ilo ramuyun am mindagu, ‘Polosoon noyo Tuhan mapaintalang ra katulayan Nano am mamayag ramuyun, maa' raginio makakito akai ra akau maansukan.’ Kaa' ilo galama' tauyuon.

MATIUS 7:2

sabap ri Aki Kapuuno' mangakim ramuyun koson akau mangakim ra ulun bokon. Panuku' ondo' alapon mino koson mangakim ra ulun bokon, panuku' raginio niayuk alapon ri Aki Kapuuno' koson mangakim ramuyun.

MATIUS 7:5

Oi ulun maabau-abau! Ingkualo' poyo galing tataun makalu intor ra mato mino galama', bagu no makakito kau toojo am maalap min kaingkual tipolon no intor ra mato ru ulun bokon.

LUKAS 6:37

“Pai' kau kasauk ra akim ru ulun bokon, koson i Aki Kapuuno' kalo mangakim ramuyun. Pai' kau pangukum ra ulun, koson kalo ukumin kau ri Aki Kapuuno'. Ampuno' noyo ulun ra bokon, koson akau pana ampunon ri Aki Kapuuno'.

LUKAS 6:41

“Kua kakito mu tipolon ru tataun nakasubo ra mato ru pabukat muno, kaa' tataun makalu nakasubo ra mato muno galama' kalo natutunan mu.

JUANIS 8:7

Pasakuot ilo ayuk ri Jisus, ginio ra bigor Io boo am indagu risilo, “Osoi ayuk intor ramuyun no ondo' kolondo' tula, io no magulu momobol riso ra batu.”

JAKUBUS 3:1

Pabukat kau ngai'! Moonsoi ru kalo niayuk masuang intor ramuyun makaguang masauk ra mangingila'. Sabap ra kalo kia nakapandai kau ra itakau ondo' mangila' ra bokon, maagat poyo paukumin ri Aki Kapuuno' ritakau.