MATIUS 6:9 - Tanou Moonsoi Timugon

⁹ Sotopot no koson ragitio akau makiasi': ‘Ama' mai giu' ra suruga', omporon inggalan Muno.

MATIUS 6:9 ပူးပေါင်းရင်းမြစ်များ

2 SAMUIL 7:26

Inggalan Muno matulai am koson ra sabuoi-buoi no ulun mindagu, ‘Tuhan Ondo' Maayo Kaga' Kuasa' iono i Aki Kapuuno' ru ulun ru Israil!’ Ginio ra tutunon Mu maa' raginio sangulun intor ra papag kuno mamarinta koson ra raja' ru bansa' ragitio koson mantilayun.

1 RAJA'-RAJA' 8:43

rongogo' noyo pakiasian nano. Rongogo' noyo io intor ra intok inayanan Muno giu' ra suruga', am iowo' noyo kitaakon nano maa' raginio ngaangai' bansa' ra tana' ti makaulig Rirun am gumagaya' Rirun, koson ra ulun Muno Israil. Makapandai ilo boo ra Baloi ondo' binaal kutu iono intok sumambayang Rirun.

1 TUNUNG RU BANSA' ISRAIL 17:24

Okou mauligan kaga' ra sabubuoi no, am koson ra sabubuoi no ulun mindagu, ‘Tuhan Ondo' Maayo Kaga' Kuasa' iono i Aki Kapuuno' ru ulun ru Israil.’ Ginio ra, Okou mangaru' ra sangulun intor ra papag kuno mamarinta koson ra raja' ra kalo lumonggo'-longgo'.

2 TUNUNG RU BANSA' ISRAIL 20:6

am pakiasi' boo ra bolos mosongou, “Iou Tuhan, i Aki Kapuuno' ru kinamatuaan maili, intor ra panturungan Muno giu' ra suruga', namarinta Kou ra bansa'-bansa' ra tana' ti. Okou makakuasa' am maikang kaga'! Kolondo' osoi pana makaanggal Rirun.

NIGIMIA 9:5

Sambayang ra orou raginio tinalimpuunan ru ulun ru Liwi ragitilo: I Jisua, Kadmiil, Bani, Gasabniya, Siribia, Godia, Sibania am Pitaya. Konilo, “Ibok kano bigor am mongompor ra Tuhan, i Aki Kapuuno' takau; omporo' Io ra sabubuoi no! Omporon inggalan Nano ondo' matulai kaga', inggalan ondo' matulai intor ra ngaangai' ompor!”

MAZMUR 111:9

Namayag Io ra ulun Nano, am mambaal ra bantu' ondo' mantilayun risilo. Matulai Io am maikang!

MAZMUR 115:3

I Aki Kapuuno' mai soroi ra suruga'; suguton No atan kasaga' Nano.

MAZMUR 72:18

Omporo' noyo Tuhan, i Aki Kapuuno' ru ulun ru Israil, Io ayuk mambaal ra baal-baal ra makaimuag toojo.

JISAYA 37:20

Ginio ra, bayago' akai intor ra ulun ru Asyur, iou Tuhan i Aki Kapuuno' mai, maa' raginio ngaangai' bansa' ru tana' ti makapandai ra Okou noyo rondo'-rondo' ayuk Tuhan.”

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JISAYA 6:3

Ilo ondo' maayag no mampiau ra rondo' am bokon, “Matulai, matulai, matulai! Matulai noyo Tuhan Ondo' Maayo Kaga' Kuasa'! Tana' natikop ra rinatangan Nano ondo' matulai.”

JISAYA 63:16

Okou noyo Ama' mai. Kinamatuaan maili i Abragam am i Jakub kalo makaulig ramon, kaa' Okou noyo Ama' mai, iou Tuhan! Okou Mamamayag ramon intor poyo ra galing i.

JISAYA 64:8

Kaa' Okou noyo Ama' mai iou Tuhan. Akai ti koson ra tana' bandulan, am Okou koson ra ulun manukang ra paliuk. Okou noyo namangun ramon.

JISAYA 66:1

Mindagu Tuhan, “Limbowon no panturungan Kuno, am tana' papakirawan ra kalayam Kuno. Atan kia baloi ondo' maalap min kabaal Raki'? Atan kia intok ayanan moonsoi Raki'?

YEHEZKIEL 36:23

Paat ra pakitonon Ku katulayan ru inggalan Kuno ondo' maayo no ra bansa'-bansa' – inggalan ondo' jinamol min ra akau po ngai' – bagu no makapandai bansa'-bansa' ra Aku noyo Tuhan. Aku, Tuhan Raja' nakaindagu noyo. Pakayon Takamin koson mampakito ra katulayan Kuno risilo.

YEHEZKIEL 38:23

Koson noyo raginio ra Aku mampakito ra kinaayo am kinatulai Kuno ra ngaangai' bansa'. Makapandai ilo boo ra Aku noyo Tuhan.”

IMAMAT 10:3

Indagu boo i Musa ri Arun, “Gitio noyo ondo' koon ru Tuhan paat Io mindagu, ‘Ngaangai' ulun ondo' mangandoi ayuk Raki' musiti' mangurumat ra katulayan Kuno. Pakitonon Ku katulayan Kuno ra moonong ulun Kuno.’ ” Kaa' mongkoror ayuk i Arun.

ABAKUK 2:14

Kaa' koson ra raat ondo' nototop ra timug, koson raginio noyo ra tana' ti pana mososok ra ulun ondo' makaulig ra Tuhan am kuasa' Nano.

JAKARIA 14:9

Tuhan pana masauk boo ra raja' ru titikop ru tana' ti. Moonong ulun sumamba Riso koson ri Aki Kapuuno' am makaulig Riso ra nogondo' inggalan.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

MATIUS 10:29

Mambali kau ra ruo ngainan susuit pilit ra sausin ayuk, kaa' kolondo' sanginan pana maratu' ra tana' no amon ru kalo kasagaan ru Ama' mino.

MATIUS 23:9

Pai' kau panabit ra osoi ayuk pana ra tana' ti ‘i Ama'’ sabap ra rondo' ayuk Ama' min giu' ra suruga'.

MATIUS 26:29

Balain takamin: Kalo boo manginum Aku ra wain ti saboi ra orou i Ama' tumalimpuun mamarinta am paat raginio bagu manginum Aku ra wain baguon mabaya' ramuyun.”

MATIUS 26:42

Saguli' poyo i Jisus ongoi pakiasi', “O Ama', amon ru sangkir kaimbalaan ti kalo maalap ra inggalur, polosoo' Aku manginum no maya' ra kasagaan Muno Ama'.”

MATIUS 5:16

Koson raginio niayuk boo ra lampung mino musiti' manilau ra saang ru ulun, maa' raginio makakito ilo ra baal moonsoi mino am mongompor ri Ama' mino giu' ra suruga'.”

MATIUS 5:48

Sauk kano ra ulun matanda', koson ri Ama' min giu' ra suruga' no matanda'.”

MATIUS 6:14

Amon ru ampunon min tula ru ulun ondo' makatula ramuyun, Ama' min giu' ra suruga' pana mangampun ra tula mino.

MATIUS 6:6

Kaa' paat ra akau makiasi' subol no ra lamin mino am angabi', am pakiasi' no ri Ama' mino ondo' kalo makito no. I Ama' mino ondo' makapandai ra baal moonsoi mino ra makasibuni no, mangatang ra barakat no ramuyun.

MATIUS 7:11

Kabalu' pana malaat kau, mapandai kau niayuk mangani' ra moonsoi ra anak mino. Ama' min giu' ra suruga' pana masaga' mangani' ra moonsoi no ramuyun amon ru makitaak kau.

LUKAS 15:18

Mongoi aku tuum ri ama' am mindagu riso: Ama', makatula aku ri Aki Kapuuno' am niayuk rirun.

LUKAS 15:21

Indagu anak i, ‘Ama', makatula aku ri Aki Kapuuno' am niayuk rirun. Kalo boo sama' sabiton aku ra anak muno.’

LUKAS 2:14

“Koompor toojo inggalan ri Aki Kapuuno' giu' ra rasawat! Am giti ra tana', kaansayan pataakin noyo risilo ondo' mapabansuk ra guang ru Tuhan!”

JUANIS 20:17

Kaa' indagu i Jisus riso, “Pai' Aku guuto'! Sabap ra kalo poyo nokoongoi Aku ri Ama'. Kaa' ongoi no ra maamaya' Kuno am balai' ilo ra raino sumaguli' Aku ri Ama' Kuno am i Ama' min, ioginio i Aki Kapuuno' Kuno am i Aki Kapuuno' min.”

ROMA 1:7

Ginio ra nanulis aku ra surat ti ramuyun ngaangai' ra Roma ondo' tagamin ri Aki Kapuuno' am ondo' piniau noyo masauk ra ulun Nano. Gama' ru Ama' takau i Aki Kapuuno' am i Tuhan Jisus Kristus manaak ramuyun ra barakat am pabansayan.

ROMA 8:15

Sabap ra Ambiluo ondo' pinataak ri Aki Kapuuno' ramuyun, kalo mangulipon am mambaal ramuyun malaa'. Kaa' sotopot no Ambiluo no mampasauk ramuyun ra anak ri Aki Kapuuno', am ralalom indangan ru Ambiluo no, iowon takau mampiau ri Aki Kapuuno', “Ama', i Ama' kuno!”

GALATIA 1:1

Aku i Paulus, ondo' nasauk ra rasul sala' ka sumugut ra kasagaan ru ulun kapoam susuban ru ulun, kaa' intor ra susuban ri Jisus Kristus am i Aki Kapuuno', Io no i Ama' ondo' namayag saguli' ri Jisus intor ra kapatayan.

GALATIA 4:6

Sabap ra totopot anak kau ri Aki Kapuuno', ginio ra nanusub Io ra Ambiluo ru Anak Nano, sumoroi ra guang takau, koson mampiau, “Ama', Ama' kuno.”

1 TIMOTIUS 6:16

Io no rorondo' ayuk mantilayun. Io maayag ra ralalom ru sinda ondo' kalo maalap kainggaari' ru ulun makatula. Kolondo' sangulun pana nakaili' nakakito Riso kapoam makakito Riso. Gama' ru urumaton am manguasa' Io ra sabuoi-buoi! Amin.

1 PITRUS 1:17

Makiama' kau ri Aki Kapuuno' ralalom ru pakiasian min. Io no niayuk ondo' mangakim ra ulun maya' ra binaal nilono, am kalo mampili' ra ulun. Ginio ra urumato' noyo i Aki Kapuuno' buoi ra akau lakat ayuk poyo soroi ra tana' ti.

PINAINTALANG 4:11

“Iou Aki Kapuuno' am Tuhan mai. Okou maaya' makaapu ra urumat am ompor am kuasa'. Sabap ra Okou noyo nambaal ra ngaangai' no, am maya' ra kasagaan Muno niayuk ngaangai' no nasauk am naayag.”

PINAINTALANG 5:12

Narimbai ilo ra bolos mosongou: “Anak Domba ondo' pinatoi ragili maaya' noyo mangapu ra kuasa', kalangkayaan, kapintaran, ikang, urumat am ompor!”