MATIUS 6:6 - Tanou Moonsoi Timugon

⁶ Kaa' paat ra akau makiasi' subol no ra lamin mino am angabi', am pakiasi' no ri Ama' mino ondo' kalo makito no. I Ama' mino ondo' makapandai ra baal moonsoi mino ra makasibuni no, mangatang ra barakat no ramuyun.

MATIUS 6:6 ပူးပေါင်းရင်းမြစ်များ

2 RAJA'-RAJA' 4:33

Angabi' ri Ilisa kulobon am pakiasi' ra Tuhan.

MAZMUR 34:15

Tatango' min kalaatan am pambaal kano ra moonsoi; gogoto' min toojo pababansayan.

AMSAL 25:22

Binaal mino mapakauyu' risilo, am kinoonsoi mino balasin ru Tuhan.

JISAYA 26:20

Subol kano ra baloi mino, akau bansa' kuno, am angabi' kulobon. Pansibuni sangkinolor, saboi sangit ru Tuhan luminos.

JISAYA 65:24

Ra kalo poyo mopongo ilo makiasi', iniou Ku noyo pakiasian nilono.

MATIUS 14:23

Pakaugar boo ulun masuang no, pagaloi boo i Jisus ra rondo' bulur am pakiasi' Io. Iomamai' noyo misasangulun ayuk i Jisus ra giu' no.

MATIUS 6:18

maa' raginio kolondo' sangulun pana makapandai ra akau ti mampali, ondo' ak am Ama' min ondo' kalo makito no, Io ayuk makapandai. Ama' min ondo' makapandai ra baal moonsoi mino ra makasibuni no, mangatang ra barakat no ramuyun.”

MATIUS 6:4

Polosoo' ayuk ra masauk koson raginio ra akau ayuk makapandai. Ama' min ondo' makakito ra baal moonsoi makasibuni no mangatang Io ra barakat no ramuyun.”

JUANIS 1:48

Pangkuot i Natanil Riso, “Ati kulaan Okou nakaulig raki'?” Taam i Jisus, “Kalo poyo piniau kou ri Pilipus, nakakito Aku no rirun siminindung ra puun ru ara no.”

JUANIS 20:17

Kaa' indagu i Jisus riso, “Pai' Aku guuto'! Sabap ra kalo poyo nokoongoi Aku ri Ama'. Kaa' ongoi no ra maamaya' Kuno am balai' ilo ra raino sumaguli' Aku ri Ama' Kuno am i Ama' min, ioginio i Aki Kapuuno' Kuno am i Aki Kapuuno' min.”

RINALATAN 10:30

Taam i Konilius, “Talu ngoorou ra nakasail i, olo'-olo' jam katalu ra io mai', nakiasi' aku ri Aki Kapuuno' giti ra baloi ti. Pulusat boo ru sangulun ungkuyon nambayang ra mapulak manguliat ra saang kuli.

RINALATAN 10:9

Iosuabon, paat ra katalu ngaulun ti lakat ayuk poyo mangkiralan am maar noyo nakasuku' ra Jopi, pagaloi i Pitrus ra rasawat ru baloi i am pakiasi' ra tanga' ru orou.

RINALATAN 9:40

Susubo' ilo ri Pitrus mingkual, igulatur io boo am pakiasi'. Kopongo ragili inggaari' no baangkai ri Dorkas ti am indagu, “Tabita, sukal no!” Singkarato' no mato nali, am paat ra io nakakito ri Pitrus, panturung io boo.

ROMA 8:5

Ilo ondo' maayag maya' ra paliso ru ulun mampakaatang ayuk atan ondo' kasagaan ru paliso nilo. Kaa' ilo ondo' maayag maya' ra Ambiluo ri Aki Kapuuno' mampakaatang ayuk ra atan ondo' kasagaan ru Ambiluo no.

IPISUS 3:14

Ginio ra aku migulatur, koson makiasi' ri Ama'.