MATIUS 6:3 - Tanou Moonsoi Timugon

³ Kaa' akau, paat ra manaak kau, pataaki' min noyo taak mino ra kolondo' sangulun pana makatutun, iou pana rangan mino galama'.

MATIUS 6:3 ပူးပေါင်းရင်းမြစ်များ

MATIUS 12:19

Kalo maansang-ansang kapoam gumolok Io, kapoam ngunguak Io ra ralan pansailan ru ulun.

MATIUS 6:2

“Paat ra akau manaak, pai' min sisiraa' baal ragitio koson ondo' baalon ru ulun maabau-abau giu' ra baloi sambayangan am niayuk giu' ra lilisangon ru ralan, sabap ra makiompor ilo ra ulun. Karaa' min, ilo ti nakaalap noyo ra ampos nilono.

MATIUS 6:4

Polosoo' ayuk ra masauk koson raginio ra akau ayuk makapandai. Ama' min ondo' makakito ra baal moonsoi makasibuni no mangatang Io ra barakat no ramuyun.”

MATIUS 8:4

I Jisus pana mindagu riso, “Rongog, pai' pantunung ra baal ragitio ra osoi ayuk pana, kaa' parayus no ongoi tuum ra imam ru Jaudi, am pakitono' inan muno riso. Kopongo raginio pampataak boo ra taak koson ra nanusuban ri Musa. Gitio koson pampakitanan muno ra ngaangai' ulun ra napalian muno.”

MATIUS 9:30

Ilo pana makakito boo. Pinsono' ilo boo ri Jisus, “Pai' kau pambala' ra baal ragitio ra osoi ayuk pana.”

MARKUS 1:44

“Karaa', pai' pantunung ra nasauk ragitio ra osoi-osoi ayuk pana, kaa' ongoi no ra imam Jaudi am polosoo' io mangiou ra okou nababas noyo. Mopongo raginio, pangani' noyo ra taak simbalui sumugut ra nanusuban ri Musa, koson mapaintutun ra ulun ra okou ti raino nababas noyo.”

JUANIS 7:4

Kolondo' sangulun pana mambuni ra baalon nano amon ru masaga' io kauligan ru ulun. Amon ru baalon Muno ngaangai' tatandu' raginio, polosoo' noyo ngaangai' ulun ru tana' ti makapandai.” (