MATIUS 6:27 - Tanou Moonsoi Timugon

²⁷ Osoi intor ramuyun no makaalap maayag ra mabuoi ru maimamang io ra bayag nano?

MATIUS 6:27 ပူးပေါင်းရင်းမြစ်များ

MAMPATANOU 3:14

Makapandai aku ra ngaangai' ondo' binaal ri Aki Kapuuno' ti mantilayun. Ulun kalo makapamparuang kapoam mangiruru' raginio. Nambaal i Aki Kapuuno' koon raginio maa' raginio urumaton takau Io.

MATIUS 5:36

Pai' pagibot ra ulu mino alapon min ra sasi', sabap ra akau ti kolondo' kuasa' mampakapulak kapoam mampakaitom ra abuk mino.

MATIUS 6:25

“Ginio ra balain takamin: Pai' kau kaimamang ra bayag mino koson ra atan akanon am inumon kapoam atan bayang sulungin. Sala' ka kia kaayagan maatang intor ra mangakan, am inan maatang intor ra bayang?

MATIUS 6:28

Kua kaimamang kau ra atan bayang sulungin? Ilai' min ati kulaan busak tumuu' giu' ra limayak: kalo mangandoi ilo kapoam mambaal ra konoon.

MATIUS 6:31

Pai' kau kaimamang am mindagu ra: ‘Atan nua' akanon kuti, kapoam atan nua' inumon kuti kapoam atan nua' bayangon kuti?’

MATIUS 6:34

Ginio ra pai' kau kaimamang ra baal suabon no, sabap ra suabon no mokoondo' noyo kaimamangan no galama'. Pai' noyo ruangi' kapaganan ra orou raiti' ondo' sama' noyo.”

LUKAS 10:41

Taam i Jisus, “Marta, magalabo am maimamang kou ra masuang baal.

LUKAS 12:11

Paat ra salasayon kau ra saang ru gabenor, kapoam giu' ra baloi sambayangan, pai' kau pagalabo ra ati kulaan akau tumaam kapoam atan paraguon mino.

LUKAS 12:22

Indagu i Jisus ra maamaya' Nano, “Ginio ra mindagu Aku ramuyun: Pai' kau pagalabo ra kaayagan min koson atan akanon kapoam bayangon mino.

1 KORINTUS 12:18

Sotopot no koson ragitio; i Aki Kapuuno' nambaal ra moonong tayar ru inan nansasala', sumugut ra kasagaan Nano galama'.

PILIPI 4:6

Pai' kano kaimamang ra atan ayuk pana, kaa' kasalok noyo pasalulaa' ayuk ri Aki Kapuuno' atan ondo' kitaakon mino. Am baalo' min gitio mabaya' ra pakiasian am paringkuanangan.

1 PITRUS 5:7

Pataaki' noyo ngaangai' pagalabaan mino ri Aki Kapuuno', Sabap ra maayo toojo guang Nano magalung ramuyun.