MATIUS 6:25 - Tanou Moonsoi Timugon

²⁵ “Ginio ra balain takamin: Pai' kau kaimamang ra bayag mino koson ra atan akanon am inumon kapoam atan bayang sulungin. Sala' ka kia kaayagan maatang intor ra mangakan, am inan maatang intor ra bayang?

MATIUS 6:25 ပူးပေါင်းရင်းမြစ်များ

MAZMUR 55:22

Ragu-ragu nano maamis kaga' makimasi', kaa' guang nano natikop ra sisang; ragu-ragu nano molomoi kaga', kaa' tumobok ra guang koson ra ilang malarom.

JIRIMIA 45:5

Gumogot kou kia luntukin ra moonsoi? Pai', sabap ra porotongon Ku karaat ra ngaangai' ulun. Kaa' tayar muno, inda' pana, ra ati ayuk angayan muno, maayag kou ayuk. Aku, Tuhan, nakaindagu noyo.”

MATIUS 10:19

Paat ra akau akimin, pai' kano kalaa' ra ati kulaan akau mindagu. Paat ra masuku' paat no, balain kau ra atan ondo' musiti' raguon mino.

MATIUS 13:22

Sampug ondo' naratu' ra tatanga' ru bulungkut no koson ra ulun ondo' mangkirongog niayuk ra tanou no, kaa' maimamang ilo ra kaayagan nilai am pamaguangan nilo ra lumangkaya' mamisi' ra tanou no saboi kalo mangkawa' ilo.

MATIUS 6:31

Pai' kau kaimamang am mindagu ra: ‘Atan nua' akanon kuti, kapoam atan nua' inumon kuti kapoam atan nua' bayangon kuti?’

MATIUS 6:34

Ginio ra pai' kau kaimamang ra baal suabon no, sabap ra suabon no mokoondo' noyo kaimamangan no galama'. Pai' noyo ruangi' kapaganan ra orou raiti' ondo' sama' noyo.”

MARKUS 13:11

Paat ra akau rokopon am ibiton ra pamisaraan, pai' kau kalaa' ra atan raguon min, sabap ra paat raginio raguon min ayuk ondo' musiti' min raguon. Ragu ondo' sabiton mino sala' ka intor ra guang min, kaa' matong intor ra Ambiluo ri Aki Kapuuno'.

MARKUS 4:19

kaa' kaimamangan ru bayag ti, kasagaan lumangkaya' am nansalinut lilipok poyo, mamisi' ra Tanou no saboi kalo mangkawa'.

LUKAS 12:11

Paat ra salasayon kau ra saang ru gabenor, kapoam giu' ra baloi sambayangan, pai' kau pagalabo ra ati kulaan akau tumaam kapoam atan paraguon mino.

LUKAS 8:14

Ondo' naratu' ra tana' makakusingan i, io no ulun ondo' mangkirongog ra bala' no, kaa' pagalabaan, kalangkayaan am kasagaan ru guang nilai ti galama' mamisi' ra bala' no saboi kawa' nilai kalo maansak toojo.

ROMA 8:32

Kalo iningaan ri Aki Kapuuno' Anak Nano galama', kaa' pinoloso No Io potoyon koson ra kaatangan takau. Amon ru pinataak No Anak Nano ritakau, maaru' mangani' Io poyo ritakau ngaangai' ra bokon.

1 KORINTUS 7:32

Malansan aku ra makalabus kau intor ra pagalabaan. Ungkuyon kolondo' andu' mampakaatang toojo ra kandoi ru Tuhan, sabap ra moogot io mampakatasu' ra Tuhan.

PILIPI 4:6

Pai' kano kaimamang ra atan ayuk pana, kaa' kasalok noyo pasalulaa' ayuk ri Aki Kapuuno' atan ondo' kitaakon mino. Am baalo' min gitio mabaya' ra pakiasian am paringkuanangan.

2 TIMOTIUS 2:4

Sangulun saujor kalo sumiang io mambaal ra kaatangan nano galama' paat ra lakat poyo mangandoi ra saujor, sabap ra masaga' io mapabansuk ra tingganai nano.

1 PITRUS 5:7

Pataaki' noyo ngaangai' pagalabaan mino ri Aki Kapuuno', Sabap ra maayo toojo guang Nano magalung ramuyun.