MATIUS 6:24 - Tanou Moonsoi Timugon

²⁴ “Kolondo' sangulun pana ulipon makapangandoi ra ruo tuan: sangulun kasisangin no am sangulun tagamin no; kapoam gumagaya' io ra sangulun am magasab ra bokon no. Koson niayuk ramuyun ra kalo makapangandoi ri Aki Kapuuno' magampan ra kalangkayaan.

MATIUS 6:24 ပူးပေါင်းရင်းမြစ်များ

KASAUKAN 47:17

Pataako' nilo boo biniag nilono ri Jusup am anii' ilo ra akanon pangalig ra kuda, domba, kambing, sapi' am kaladai. Bilor raginio nangani' i Jusup risilo ra akanon koson alig ra ngaangai' biniag nilono.

1 RAJA'-RAJA' 18:21

Tingkuang i Ilia ra ulun-ulun no am indagu, “Saboi sanggilan kia magulayun karuoon min guang? Amon ru Tuhan no i Aki Kapuuno', sambaa' noyo Tuhan; kaa' amon ru Baal no i Aki Kapuuno', sambaa' noyo Baal!” Kaa' ulun-ulun no kalo naguta'.

2 RAJA'-RAJA' 17:41

Sumamba ilo ra Tuhan, kaa' sumamba ilo niayuk ra sinungkalalaing nilo; saboi raino papag nilono lakat poyo mambaal raginio.

YEHEZKIEL 20:39

Indagu Tuhan Raja', “Raino alii ra ulun kau ngai' ru Israil, pambaal kano maya' ra kasagaan min! Samba kano ra sinungkalalaing min! Kaa' aniin Takamin ra pampakaraan ra kalupus raginio musiti' kau gumagaya' Raki', am kalo boo mampajamol ra inggalan Kuno ondo' matulai ra magibit ra taak ra sinungkalalaing min.

JIPANYA 1:5

Pusoon Ku osoi ayuk ondo' magaloi ra taap koson sumamba ra mato ru orou, sila' am butitin-butitin. Pusoon Ku niayuk ulun ondo' sumamba Raki' am magibot ra gumagaya' Raki', kaa' niayuk magibot ralalom inggalan ru Dewa Milkom.

MATIUS 4:10

Taam i Jisus, “Pagiru' no, okou Tingganai ru riwato. Mokoondo' tinulisan ra Buuk Kitab, ‘Sambaa' ayuk Tuhan, i Aki Kapuuno' muno, am pangandoi kou ayuk Riso!’ ”

LUKAS 16:11

Amon ru kalo boo kalansanin kou ra okou mampakai ra kalangkayaan ru tana' ti raino, atan kosonon ra kalangkayaan ondo' mantilayun?

LUKAS 16:13

Kolondo' sangulun ulipon pana makapangandoi ra ruo tuan. Amon ru koson raginio, tagamin no sangulun am kasisangin no sangulun, kapoam gagayaan no sangulun am kalo rongogon no sangulun. Koson niayuk ramuyun ra kalo makapangandoi kau toojo ri Aki Kapuuno' magampan maguyum ra kalangkayaan.”

LUKAS 16:9

“Balain takamin: Paguyum kau ra rangan mampakai ra ruit, koson paat ra kalangkayaan mapuso, apuon kau ra ayanan mantilayun.

GALATIA 1:10

Ati boo kulaan, maguyum aku kia ra pangiawan intor ra ulun? Kalo, pangiawan intor ri Aki Kapuuno' ayuk gogoton kuno. Makikiilong aku kia ra ulun? Kalo, amon ru koson raginio sala' ka ulipon aku ri Kristus.

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.

2 TIMOTIUS 4:10

sabap ra nanatang noyo i Dimas raki' sabap ra nampakaatang io ra kaayagan ru tana' ti. Minongoi io noyo ra bandar Tisalonika. I Kriskis pana minongoi noyo giu' ra libung Galatia am i Titus poyo minongoi giu' ra libung Dalmatia.

JAKUBUS 4:4

Akau no ulun kalo malansanan. Nakapandai kano ra maguyum ra kasagaan ru tana' ti mogondo' ayuk ra makimantula' ri Aki Kapuuno'. Ginio ra osoi ayuk maguyum ra kasagaan ru tana' ti, io masauk ra pantula' ri Aki Kapuuno'.

JOSUA 24:15

Amon ru kalo masaga' kau mangandoi ayuk Riso, aruo' noyo raino ri osoi akau mangandoi ayuk, ra tuhan-tuhan ra bokon ondo' sinamba ru kinamatuaan min giu' ra Misopotamia, kapoam ra tuhan-tuhan ru ulun ru Amori giu' ra pagun ondo' inayanan min raino. Kaa' ra aku am sasambaloi kuno, masaga' akai mangandoi ayuk ra Tuhan.”

1 SAMUIL 7:3

Indagu i Samuil ra ulun ru Israil, “Amon ru masaga' kau sumaguli' ra Tuhan am sumamba Riso ra sototopot ru guang min, patiri' noyo ngaangai' dewa ru bansa' ru bokon no am sinungkalalaing Dewi Asyitorit. Pataako' min noyo inan mino lingono' ra Tuhan am pangandoi kano Riso ayuk. Bagu no mapalabus Io ramuyun intor ra kuasa' ru ulun ru Palistin.”