MATIUS 6:2 - Tanou Moonsoi Timugon

² “Paat ra akau manaak, pai' min sisiraa' baal ragitio koson ondo' baalon ru ulun maabau-abau giu' ra baloi sambayangan am niayuk giu' ra lilisangon ru ralan, sabap ra makiompor ilo ra ulun. Karaa' min, ilo ti nakaalap noyo ra ampos nilono.

MATIUS 6:2 ပူးပေါင်းရင်းမြစ်များ

MAZMUR 112:9

Pataakon no rapu' nano ra ulun musikin, masalok io mataau, manguasa' io am urumaton ru ulun.

MAZMUR 37:21

Ulun malaat magira' am kalo pasagulion no, kaa' ulun moonsoi mapataak ra kinataau ru guang no.

AMSAL 19:17

Mangindangan ra ulun musikin nogondo' koson mapaira' ra Tuhan. Tuhan galama' mambalos riso.

AMSAL 20:6

Masuang ulun mangku ra ilo gumagaya', kaa' ulun topot-topot gumagaya', mapagon matuum.

MAMPATANOU 11:2

Tonomo' noyo ruit muli ralalom nansalinut pinirot ru mantalan, am poyo ralalom ru masuang pinirot; ginio sabap ra ilalain ru ulun paat ra kalo poyo malumpa' ra karaat.

JISAYA 10:6

Atarin Ku i Asyur koson mangayou ra bansa' ondo' namatir ra pangintapatan, am ondo' napasingkual ra sangit Kuno. Susubon Ku Asyur mampagaau, mantakou, am manginginjang ra bansa' raginio koson ra losok ru ralan.”

JISAYA 58:7

Pataako' noyo akanon muno ra ulun naitilan, apuo' noyo ulun-ulun musikin ondo' kolondo' ayanan ra baloi muno. Ulun nagibaang anii' ra saluar am bayang, am pai' inggio' pabukat muno ondo' maaya' indanganon.

JISAYA 9:17

Kalaatan ru ulun raginio manimbula' koson ra apui monolob ra kusingan am kaalaban. Simbula' nano koson ra kataunan nosolob ondo' lisun nano makapal.

GOSIA 8:1

Indagu Tuhan, “Kosongowo' bolos ru tatandu' makalalaa'! Pantula' tatanga' mamulunsar ra pagun Kuno koson ra susuit kanui manumbit ra akanon nano. Ulun Kuno liminungkang ra nabantuan Kuno risilo, am minanggal ra ukum Kuno.

MATIUS 15:7

Akau ulun maabau-abau! Mumpara' boo topot ru nabi Jisaya paat ra io mindagu koson ramuyun!

MATIUS 16:3

Paat ra susuab ti, mindagu kau, ‘Rumasam orou raiti', sabap ra nangkalamia' am majuut!’ Magilong kau ra limbowon no maaru' mapandayan min baal ru orou ti, kaa' tatandu' ondo' mambala' ra Orou Pupus no kalo maratian min!]

MATIUS 22:18

I Jisus nakapandai ra pangkaraan malaat nilono, am indagu Io, “Akau no kalo mangintopot ri Aki Kapuuno'! Kua pangkinam kau Raki'?

MATIUS 23:5

Ilo mambaal ngaangai' ragitio makikiilong ayuk ra ulun: Ilai' ayuk gayo ru pambulian ra tayar ru Buuk Kitab ondo' pinabangkos ra ulu am longon nilono; Ilai' ayuk gawar ru rumbai ru bayang nilono!

MATIUS 23:6

Ilai' ayuk ra ilo manturung ra intok mongoonsoi paat ra mokoondo' bunsag, am panturungan pinabatang ra saang ra baloi sambayangan.

MATIUS 24:51

Tuan no pana monotok boo ra ulipon ti am poongoyon no intok ra ulun mangalaat. Giu' no mantangi' io am manguritot ripon nano.”

MATIUS 5:18

Karaa' min! Buoi ru limbowon am tana' ti lakat ayuk poyo soroi kolondo' rondo' pana ralalom ru Ukum ri Musa ti pusoon amon ru ngaangai' no kalo poyo nasauk.

MATIUS 6:16

“Paat ra akau mampali, pai' no parikarus koson ra ulun-ulun maabau-abau. Kalo manginjagup ilo koson makiilong ra ulun ra ilo ti mampali. Karaa' min, ilo ti nakaalap noyo ra balos.

MATIUS 6:3

Kaa' akau, paat ra manaak kau, pataaki' min noyo taak mino ra kolondo' sangulun pana makatutun, iou pana rangan mino galama'.

MATIUS 6:5

“Paat ra akau makiasi', pai' kau tilu ra ulun-ulun ra maabau-abau. Ilo ti masaga' mangintairoi am makiasi' giu' ra baloi sambayangan am poyo giu' ra lilisangon ru ralan koson makiilong ilo ra ulun. Karaa' min, ilo ti nakaalap noyo ra balos nilono.

MATIUS 7:5

Oi ulun maabau-abau! Ingkualo' poyo galing tataun makalu intor ra mato mino galama', bagu no makakito kau toojo am maalap min kaingkual tipolon no intor ra mato ru ulun bokon.

MARKUS 12:39

Masaga' ilo manturung ra panturungan pinabatang ra saang ru baloi sambayangan am ra pangiantakan.

MARKUS 7:6

Taam i Jisus risilo, “Motopot tupo kon ru nabi Jisaya ramuyun, akau ti ulun maabau-abau! Koson tinulisan ru nabi Jisaya, kon ri Aki Kapuuno', ‘Bansa' ragitio mongompor Raki' ralalom ru ragu nilo, kaa' guang nilono maalur intor Raki'.

LUKAS 11:41

Pataaki' noyo suang ru galas am piring mino ra ulun musikin, bagu maya' ra pagilaian ri Aki Kapuuno', ngaangai' no mapasau ramuyun.

LUKAS 11:43

Mumpara' boo usung mino ulun ru Parisi! Masaga' kau ayuk ra panturungan pinabatang ra saang ra baloi sambayangan am urumaton ru ulun giu' ra pasar.

LUKAS 12:33

Talano' ngaangai' rapu' mino, am ruit no tatayaro' ra ulun-ulun musikin. Baalo' min rumpit pambulian ra ruit ondo' kalo maapu', ioginio rapu' giu' ra suruga' ondo' mantilayun, kalo matakou am kalo niayuk mokokot ru lipos.

LUKAS 12:56

Akau maabau-abau! Mapandai kau magilong ra tatandu' ru limbowon am tana', kua pai' kau pakarati' ra tatandu' ra orou raiti'.”

LUKAS 13:15

Taam Tuhan ra tingganai no, “Okou ti maabau-abau! Ngaangai' ulun maaru' mampalabus ra kaladai kapoam sapi' nilo ongoyon painumo' kabalu' pana paat ra orou Sabat.

LUKAS 20:46

“Ilalai' min mangingila' ra Ukum ri Musa. Masaga' ilo mugar am mambayang ra sukub moonsoi am makikiilong ra ulun giu' ra pasar. Manturung ilo ra panturungan pinabatang ra saang ra baloi sambayangan am giu' ra bunsag.

LUKAS 6:24

“Kaa' aibui boo ramuyun ondo' langkaya' raino ti, sabap ra kalangkayaan ru tana' ti ayuk ampos mino!

LUKAS 6:42

Kalo noyo lair mindagu kou ra pabukat muno, ‘Rangan, ibok, paingkualo' ku tipolon ru tataun intor ra mato muno,’ kaa' tataun makalu ra mato muno galama' kalo matutunan mu! Maabau-abau kou! Ingkualo' poyo galing tataun makalu intor ra mato muno. Bagu makakito kou toojo am maalap mu kaingkual tipolon no intor ra mato ru pabukat muno.”

JUANIS 13:29

Sabap ri Judas ti mampaguut ra ruit nilai, ginio ra kukula' intor risilo nangkara' ra sinusub io ri Jisus mambali ra atan ondo' maatang ra pangiantakan, kapoam mantayar ra ruit no ra ulun musikin.

JUANIS 5:41

“Kalo makiompor Aku ra ulun.

JUANIS 5:44

Ati kulaan kau makapangintopot Raki', amon ru makiompor kau ayuk ra ulun am kalo makiompor kau ri Aki Kapuuno' ondo' rondo' ayuk.

JUANIS 7:18

Ulun ondo' mangila' sumugut ra pangkaraan nano galama', io no makiompor ayuk. Kaa' ulun ondo' mongompor Riso ondo' nanusub riso, io ti motopot am kalo magabau.

RINALATAN 10:2

Io sangulun ondo' sumugut toojo ri Aki Kapuuno' am masalok ilo sambaloi sumamba ri Aki Kapuuno'. Masuang indangan nano ra ulun ru Jaudi ondo' musikin am niayuk masalok makiasi' io ri Aki Kapuuno'.

RINALATAN 10:31

Indagu io, ‘Konilius! Norongog noyo ri Aki Kapuuno' pakiasian muno am nangkara' io ra kataawan ru guang muno.

RINALATAN 10:4

Nalaa' i Konilius am nonontong ra malaikat indagu io, “Kua guat, tuan?” Taam malaikat i, “Ngaangai' pakiasian am indangan muno ra ulun musikin i naapu noyo ri Aki Kapuuno' am tumaam io rirun.

RINALATAN 11:29

Ginio ra ngaangai' maamaya' ri Jisus ra giu' i nangiou koson mangindangan ra ulun Kristian ra Judia; nangani' ilo maya' ra kamaanan ru sasangulun.

RINALATAN 24:17

Kukula' ngambilor kalio aku ra Jirusalim am bagu siminaguli' aku. Inangayan ku ra giu' i koson magibit ra ruit paindanganon ra bansa' kuno galama' am poyo mangani' ra taak ri Aki Kapuuno'.

RINALATAN 9:36

Giu' ra Jopi mokoondo' poyo sangulun ruandu' makainggalan ri Tabita. Nangintopot io ri Jisus. (Inggalan nano ralalom ragu ru Junani am i Dorkas ondo' makaarati' “Tambang”.) Masalok moonsoi baalon nano am mangindangan io niayuk ra ulun musikin.

ROMA 12:8

Osoi ondo' inanian ra kapandayan mampaikang ra guang ru ulun, papiroto' noyo. Osoi ondo' inanian ra guang mangani' ra rapu' no ra bokon, pangani' no maya' ra kataawan. Osoi ondo' inanian ra kapandayan maningganai, paningganai no toojo. Osoi ondo' inanian ra guang makaasi' ra ulun bokon, pakaasi' no mabaya' ra maansukan.

1 KORINTUS 13:3

Kabalu' pana pataakin ku ngaangai' atan ondo' raki' ra ulun musikin, am pataakin poyo inan kutu koson solobon, kaa' amon kalo motogom aku ra ulun bokon, ginio kolondo' ampos raki'.

GALATIA 2:10

Rondo' ayuk kinitaak nilai, ra akai musiti' mangindangan ra ulun musikin ra Jirusalim. Gitio noyo ondo' piroton kuno toojo baalo' ra buoi ti.

IPISUS 4:28

Osoi ayuk mantatakou, moonsoi langgain no am mangandoi koson maginakan io galama' am niayuk makapangindangan boo ra ulun musikin.

1 TISALONIKA 2:6

Kalo noyo igondo' akai pakiompor ra osoi ayuk pana, intor kia ramuyun kapoam ulun ra bokon,

1 TIMOTIUS 6:18

Pinsono' ilo poyo mambaal ra moonsoi, koson maluoi mangani' ra indangan am maansayan mantayar ra ulun ra bokon.

PILIMON 1:7

Pilimon, pabukat ku ra Kristian, togom muno raginio noyo ondo' nampakaansuk toojo raki' am niayuk nampaikang ra guang kutu! Sabap ra nampakaansuk kou no ra guang ru ngaangai' ulun ri Aki Kapuuno'.

IBRANI 13:16

Pai' kano pakalilian mambaal ra moonsoi am mangindangan ra rondo' am bokon, sabap raginio noyo koson ra taak simbalui ondo' mapabansuk ra guang ri Aki Kapuuno'.

1 PITRUS 4:11

Osoi ayuk inanian ra kapandayan mindagu, moonsoi ru mampasaboi io ra bala' intor ri Aki Kapuuno'; am osoi ayuk mangindangan ra ulun bokon, musiti' io mangindangan mabaya' ra ikang intor ri Aki Kapuuno'. Maa' raginio, ralalom ngaangai' ondo' kondoyon min, i Aki Kapuuno' urumaton sabap ri Jisus Kristus. Io no makakuasa' am maaya' omporon ra sabuoi-buoi no. Amin.

1 SAMUIL 15:30

Taam Raja' Saul, “Makatula aku noyo. Kaa' pangindangan no, baya' no raki' sumaguli' maa' raginio makasambayang aku ra Tuhan, i Aki Kapuuno' muno. Kon raginio ra okou mangurumat raki' ra saang ru tingganai-tingganai ru mamagun am ngaangai' ulun ru Israil.”