MATIUS 6:14 - Tanou Moonsoi Timugon

¹⁴ Amon ru ampunon min tula ru ulun ondo' makatula ramuyun, Ama' min giu' ra suruga' pana mangampun ra tula mino.

MATIUS 6:14 ပူးပေါင်းရင်းမြစ်များ

AMSAL 21:13

Ulun ra kalo masaga' mangkirongog ra laa ru ulun musikin, kalo lioon bulintok ra io galama' makiindangan.

MATIUS 5:7

Pakaansuk noyo ulun ondo' maluoi makaasi' ra ulun ra bokon, sabap ra i Aki Kapuuno' niayuk makaasi' risilo.

MATIUS 6:12

Ampuno' noyo tula mai, koson akai niayuk mangampun ra ulun ondo' makatula ramon.

MATIUS 7:2

sabap ri Aki Kapuuno' mangakim ramuyun koson akau mangakim ra ulun bokon. Panuku' ondo' alapon mino koson mangakim ra ulun bokon, panuku' raginio niayuk alapon ri Aki Kapuuno' koson mangakim ramuyun.

MARKUS 11:25

Paat ra akau makiasi', amon ru sasangulun makasala ramuyun, ampuno' noyo galing ulun no bagu no Ama' min giu' ra suruga' mangampun niayuk ra tula min.” [

LUKAS 6:37

“Pai' kau kasauk ra akim ru ulun bokon, koson i Aki Kapuuno' kalo mangakim ramuyun. Pai' kau pangukum ra ulun, koson kalo ukumin kau ri Aki Kapuuno'. Ampuno' noyo ulun ra bokon, koson akau pana ampunon ri Aki Kapuuno'.

IPISUS 4:32

Kaa' kataau am koonsoyo' noyo guang mino ra sangulun am bokon, am ampuno' noyo rondo' am bokon, mogondo' ri Aki Kapuuno' nangampun ramuyun ralalom ri Kristus.

KOLOSI 3:13

Pai' kano kataki' sumangit ra rondo' am bokon am ampuno' noyo amon ru mokoondo' sumonsol ra ulun bokon. Mogondo' ra Tuhan nangampun noyo ramuyun, moonsoi ru akau pana mangampun ra rondo' am bokon.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

JOSUA 22:15

Nakasaboi ilo ra libung Giliad am minuma' ra bansa' ru Rubin, Gad am Manasi Sirangon.

1 JUANIS 3:10

Gitio ra kalo nogondo' anak ri Aki Kapuuno' am anak ru Tingganai ru riwato. Osoi kalo mambaal ra motopot, kapoam kalo motogom ra pabukat-pabukat nano, io ti sala' ka anak ri Aki Kapuuno'.