MATIUS 6:1 - Tanou Moonsoi Timugon

¹ “Karaa' min, pai' kau pambaal ra kandoi ru ugama mino ra tatanga' ru ulun masuang koson makito kau ru ulun. Amon ru baalon min koson raginio ra tatanga' ru ulun no, akau ti matatakan ra barakat ri Ama' min giu' ra suruga'.

MATIUS 6:1 ပူးပေါင်းရင်းမြစ်များ

2 RAJA'-RAJA' 10:16

Kon ru Raja' Jigu, “Baya' no raki' am ilai' galama' ra mapara' pirot kuno mangandoi ayuk ra Tuhan.” Ilo pana nabaya' minongoi ra Samaria.

2 RAJA'-RAJA' 10:31

Kaa' kalo giminagaya' Raja' Jigu ra Ukum ru Tuhan, i Aki Kapuuno' ru Israil, ra sotopot ru guang nano. Binaya' no binaal ru Raja' Jirobiam, ondo' nangkinibit ra ulun ru Israil makatula.

MAZMUR 112:9

Pataakon no rapu' nano ra ulun musikin, masalok io mataau, manguasa' io am urumaton ru ulun.

YEHEZKIEL 33:31

Ilo ngaangai' pana matong tumimung am koson ra ulun Kuno rumongog ilo rirun, kaa' kalo binaal nilo atan ondo' nanusuban muno. Ragu nilo maamis, kaa' guang nilo mangkara' ayuk ra maulian.

DANIL 4:27

Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

JAKARIA 13:4

Paat raginio, kolondo' boo nabi ondo' lumimbau sabap ra pinaintalang-pinaintalang nano, kapoam mangku ra sangulun nabi, kapoam nambayang ra sukub makabulu maa' raginio makapamparuung io ra ulun.

JAKARIA 7:5

Indagu Io, “Balai' ngaangai' mamagun ru pagun ti am imam-imam ra mampali am sulaboi ondo' binaal nilo ra sila' kalimo am katulu' buoi tulu' ngoopor ngambilor ti, sala' ka mangurumat Raki'.

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

MATIUS 16:6

Indagu i Jisus risilo, “Tataani' am ilalai' min ragi ru ulun ru Parisi am ulun ru Saduki.”

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

MATIUS 23:5

Ilo mambaal ngaangai' ragitio makikiilong ayuk ra ulun: Ilai' ayuk gayo ru pambulian ra tayar ru Buuk Kitab ondo' pinabangkos ra ulu am longon nilono; Ilai' ayuk gawar ru rumbai ru bayang nilono!

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

MATIUS 5:16

Koson raginio niayuk boo ra lampung mino musiti' manilau ra saang ru ulun, maa' raginio makakito ilo ra baal moonsoi mino am mongompor ri Ama' mino giu' ra suruga'.”

MATIUS 5:46

Atan barakat maalap min intor ri Aki Kapuuno' amon ru motogom kau ayuk ra ulun ondo' motogom ramuyun? Sala' ka kia ulun mampalulur ra cukai pana mambaal koson raginio niayuk!

MATIUS 5:48

Sauk kano ra ulun matanda', koson ri Ama' min giu' ra suruga' no matanda'.”

MATIUS 6:16

“Paat ra akau mampali, pai' no parikarus koson ra ulun-ulun maabau-abau. Kalo manginjagup ilo koson makiilong ra ulun ra ilo ti mampali. Karaa' min, ilo ti nakaalap noyo ra balos.

MATIUS 6:9

Sotopot no koson ragitio akau makiasi': ‘Ama' mai giu' ra suruga', omporon inggalan Muno.

MARKUS 8:15

Nampakara' i Jisus risilo, ragu Nano, “Ilalai' min ragi ru ulun-ulun ru Parisi am ragi ru Irodis.”

LUKAS 11:35

Ginio ra ilalai', pai' masaboi sinda ru inan muno lumondom!

LUKAS 12:1

Liliwa' ra kukula' ngaribu ngaulun nagigisok, saboi mangakinjangan nilo kalayam ru rondo' am bokon, indagu galing i Jisus ra maamaya' Nano, “Ilalai' min pangilaan ru ulun-ulun ru Parisi, ioginio pagabawan nilai.

LUKAS 12:15

Indagu poyo i Jisus risilo ngaangai', “Karaa' min, am ilalain kalit mino. Sabap ra sotopot no, sala' ka kuliamos ondo' maatang ra kaayagan ru ulun, kabalu' pana langkaya' io kakaga'.”

LUKAS 16:15

Indagu i Jisus risilo, “Paliso mino koson moonsoi ayuk ra pagilangan ru ulun, kaa' suang ru guang mino napandayan ri Aki Kapuuno'. Atan ondo' kinara' ru ulun ra mokologo, kolondo' logo ra pagilangan ri Aki Kapuuno'.

JUANIS 12:43

Sabap ra maansayan ilo poyo makiurumat ra ulun kaa' makiurumat ri Aki Kapuuno'.

JUANIS 5:44

Ati kulaan kau makapangintopot Raki', amon ru makiompor kau ayuk ra ulun am kalo makiompor kau ri Aki Kapuuno' ondo' rondo' ayuk.

RINALATAN 3:12

Pakakito i Pitrus ra ulun ra masuang no, indagu io risilo, “Pabukat kau ngaangai' ulun ru Israil, kua pangimuag kau ragitio? Kua urioo' min akai? Guang min kia ra ulun ti makaugar sabap ra makakuasa' akai, kapoam mampagagaya' akai toojo ri Aki Kapuuno'?

GALATIA 6:12

Ulun ondo' lumimbau ra baal ondo' makito ru ulun, ilo ti noyo ondo' mompogogot ramuyun ra sunatin. Mambaal ilo ayuk koson raginio bagu kalo boo maimbolo' ilo sabap ra namatayan ri Kristus ra salip.

SAGULION 24:13

Pasagulio' noyo bayang no riso moonong rondom maa' raginio mabayang no ra mombolong. Ra koson raginio, maringkuanang ulun no ramuyun am maansayan ramuyun Tuhan i Aki Kapuuno' min.

IBRANI 11:26

Nangkara' io ra moonsoi poyo matiu' ra kaimbalaan mogondo' ra Mamamayag ondo' sinusub ri Aki Kapuuno', intor ra mokoowot ra ngaangai' rapu' ru pagun ru Misir. Sabap ragitio noyo kalansanan nano ra makaampos io ra tauli no.

IBRANI 2:1

Sabap ra kuasa' ru Anak Nano maayo intor ra malaikat, mingkotog takau poyo toojo gumuut ra pangilaan ondo' norongog takau noyo, maa' raginio kalo mangiruan takau ra katapatan.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.

2 JUANIS 1:8

Ginio ra ilalai' min! Maa' raginio kalo matatakan kau ra atan ondo' kinandoi maili ramuyun, kaa' makaalap kau ra atan ondo' taakin ri Aki Kapuuno' ramuyun.