MATIUS 5:9 - Tanou Moonsoi Timugon

⁹ Pakaansuk noyo ulun ondo' magibit ra kaansayan ra tatanga' ru ulun, sabap ra piawon ilo ra anak ri Aki Kapuuno'.

MATIUS 5:9 ပူးပေါင်းရင်းမြစ်များ

1 TUNUNG RU BANSA' ISRAIL 12:17

Inuma' ilo ri Daut am indagu, “Amon ru matong kau koson ra rangan koson mangindangan raki', pagamung no raki'. Apuon mai akau ra guang maringkuanang. Kaa' amon ru masaga' kau manumbalik raki' am parakapin aku ra pantula', kabalu' pana kalo igondo' aku kalaat ramuyun, i Aki Kapuuno' ondo' sambaan ru kinamatuaan takali makapandai raginio am ukumin No akau.”

MAZMUR 120:6

Nabuoi aku no kaga' naayag ondo' makaaya' ra ulun masisang ra pababansayan.

MAZMUR 34:12

Ibok kano, anak kau ngaangai' am rongogo' min bilin kutu, ilaan takamin mangurumat ra Tuhan.

MATIUS 5:45

maa' raginio masauk kau ra anak ru Ama' min giu' ra suruga'. Sabap ra pinoloso ri Aki Kapuuno' mato ru orou Nano sumirang ra ngaangai' ulun ondo' moonsoi am malaat. Io niayuk mampatuun ra rasam no ra ngaangai' ulun, ondo' mambaal ra moonsoi am niayuk ondo' mambaal ra malaat.

MATIUS 5:48

Sauk kano ra ulun matanda', koson ri Ama' min giu' ra suruga' no matanda'.”

LUKAS 20:36

Ilo ti koson boo ra malaikat; kalo boo matoi ilo. Masauk ilo ra anak ri Aki Kapuuno' sabap ra binayag ilo intor ra kapatayan.

LUKAS 6:35

Kaa' akau, tagami' noyo pantula' mino am koonsoi kau risilo. Pairaa' min ayuk am pai' kau kalansan maalap saguli'. Amon ru koson raginio, maayo ampos mino am akau masauk ra anak ri Aki Kapuuno' Ondo' Masawat Kaga'. Sabap ra moonsoi Io toojo ra ulun ondo' kalo mapandai maringkuanang am ra ulun ondo' malaat niayuk.

RINALATAN 7:26

Iosuabon, pakakito io ra ruo ngaulun ru Israil nansangor am kinami' no ilo sawayo'. Kono risilo, ‘Akau ti mabukat. Kua malaat kau ra rondo' am bokon?’

ROMA 12:18

Amon ru maalap min, pobobonsoi kano ra ngaangai' ulun.

ROMA 8:14

Ngaangai' ulun ondo' tingganayon ru Ambiluo ri Aki Kapuuno', ilo no anak ri Aki Kapuuno'.

ROMA 8:16

Intor raginio Ambiluo ri Aki Kapuuno' mabaya' ra guang takau mindagu ra itakau noyo anak ri Aki Kapuuno'.

ROMA 8:19

Ra ngaangai' ondo' pinasauk ri Aki Kapuuno' maginaa ra guang moondom paat ri Aki Kapuuno' mampatalang osoi anak Nano.

1 KORINTUS 6:6

Kaa' pinoloso min ayuk ulun Kristian mantatagi' ra rondo' am bokon giu' ra makama, am ulun sala' ka Kristian no boo manalasai risilo.

2 KORINTUS 13:11

Pupusin ku pabukat kau ngaangai', tumoojo kau! Pirot kano toojo tumanda' am rongogo' noyo bilin kutu. Pogogondoo' noyo guang min am koonsoi kano ra rondo' am bokon. Gama' ru i Aki Kapuuno' ondo' monogom am manaak ritakau ra pabansayan mabaya' ramuyun.

2 KORINTUS 5:20

Koson ra ulun sinusub ri Kristus mampasaboi akai ra tanou ti am i Aki Kapuuno' galama' mindagu ramuyun mansail ramon. Ginio ra makitaak akai toojo ra: Polosoo' noyo akau pobonsoyon ri Aki Kapuuno'.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

IPISUS 4:1

Ginio sabap ra aku ti ondo' inaput sabap ra mangandoi ra Tuhan, makitaak toojo ramuyun ra kaayag kano maya' ra atan ondo' inaru' noyo ri Aki Kapuuno' paat ra Io nampiau ramuyun.

PILIPI 4:2

Gitio bilin ku ri Iuodia am Sintiki ra pogondoo' noyo guang mino maa' raginio mambukat kau ralalom pasimpungan min ra Tuhan.

KOLOSI 3:13

Pai' kano kataki' sumangit ra rondo' am bokon am ampuno' noyo amon ru mokoondo' sumonsol ra ulun bokon. Mogondo' ra Tuhan nangampun noyo ramuyun, moonsoi ru akau pana mangampun ra rondo' am bokon.

IBRANI 12:14

Gogot kano pobonsoi ra ngaangai' ulun am poyo kaayag kano ra mapasau, sabap ra kolondo' sangulun pana makakito ra Tuhan, amon ru kalo maya' io raginio.