MATIUS 5:7 - Tanou Moonsoi Timugon

⁷ Pakaansuk noyo ulun ondo' maluoi makaasi' ra ulun ra bokon, sabap ra i Aki Kapuuno' niayuk makaasi' risilo.

MATIUS 5:7 ပူးပေါင်းရင်းမြစ်များ

2 SAMUIL 17:28

Nagibit ilo ra mangkuk, paliuk tana', am bajang ra Raja' Daut am ulun-ulun nano. Nagibit ilo niayuk ra gandum, barli, tapung, gandum sininggala', kasang malia', kasang malia' ra masalag, ruu' maningot, kiju, krim, am kukula' ngainan domba. Nakapandai ilo ra Raja' Daut am ulun-ulun nano naitilan, pinaason, am naagui sabap ra pangkiralanan giu' ra tana' kaagisan.

2 SAMUIL 22:26

Iou Tuhan, gumagaya' Kou ra ulun ondo' gumagaya' Rirun, am moonsoi Kou kaga' ra ulun ondo' moonsoi.

MAZMUR 112:4

Sinda mapaang ralalom kalandaman ra tayar ru ulun ondo' mabanis guang; makaasi' io, motogom, am matimpok.

MAZMUR 112:9

Pataakon no rapu' nano ra ulun musikin, masalok io mataau, manguasa' io am urumaton ru ulun.

MAZMUR 18:25

Ginio ra moonsoi balos Nano raki' sabap ra nambaal aku ra motopot, sabap ra nakapandai Io ra aku ti kolondo' sala.

MAZMUR 37:26

Magail ilo mangani' am mapaira' maya' ra taau ru guang, am ngaangai' sayat nilono nasauk ra barakat risilo.

AMSAL 11:17

Ulun ra moonsoi guang maulian inan nano galama'; ulun ra mapuka' mampalubat ra inan nano galama'.

AMSAL 11:25

Ulun ra mataau kasaukan nano langkaya'. Ulun ra masaga' mangindangan iono indanganon niayuk.

AMSAL 14:21

Ulun ondo' monogom ra ulun musikin makakaansukan; ulun magasab ra bokon io mambaal ra tula.

AMSAL 19:17

Mangindangan ra ulun musikin nogondo' koson mapaira' ra Tuhan. Tuhan galama' mambalos riso.

JISAYA 57:1

Paat ra ulun moonsoi matoi, kolondo' osoi pana makarati' kapoam mampalio riso. Kaa' paat ra ilo matoi, makalabus ilo ra karaat.

DANIL 4:27

Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

GOSIA 1:6

I Gomir pana maapang poyo am naganak sangulun anak ruandu'. Indagu Tuhan ri Gosia, “Inggalani' anak raginio ‘Kalo Tagamin’, sabap ra kalo boo makaasi' Aku kapoam mangampun ra bansa' ru Israil.

GOSIA 2:1

Indagu Tuhan, “Akau anak-anak Kuno, pakimasi' kano ra ina' min, kabalu' pana io sala' ka boo andu' Kuno, am Aku sala' ka boo ralaki nano. Pakimasi' kano riso maa' raginio pai' boo pansawa' am mantalan ra inan.

MIKA 6:8

Topot-topot kalo! Nambala' noyo Tuhan ritakau ra atan ondo' moonsoi. Baal ondo' kitaakon toojo ru Tuhan intor ritakau iono maa' raginio mambaal takau ra matimpok, masalok mangimaya' ra katagaman, am mabaya' ra guang minggana' maayag masimpung ri Aki Kapuuno' takau.

MARKUS 11:25

Paat ra akau makiasi', amon ru sasangulun makasala ramuyun, ampuno' noyo galing ulun no bagu no Ama' min giu' ra suruga' mangampun niayuk ra tula min.” [

LUKAS 6:35

Kaa' akau, tagami' noyo pantula' mino am koonsoi kau risilo. Pairaa' min ayuk am pai' kau kalansan maalap saguli'. Amon ru koson raginio, maayo ampos mino am akau masauk ra anak ri Aki Kapuuno' Ondo' Masawat Kaga'. Sabap ra moonsoi Io toojo ra ulun ondo' kalo mapandai maringkuanang am ra ulun ondo' malaat niayuk.

ROMA 11:30

Ra galing i akau, ulun sala' ka Jaudi, kalo giminagaya' ri Aki Kapuuno', kaa' raino nakaapu kau ra asi' Nano sabap ra kalo nampagagayaan ru ulun ru Jaudi.

1 KORINTUS 7:25

Koson ra ulun ondo' kalo poyo nawot, kolondo' pambalaan ru Tuhan posoboyon kuno ramuyun, kaa' mangani' aku ayuk ramuyun ra pamaguangan koson ra pangkaraan. Sabap ra asi' ru Tuhan raki', maaya' aku mindagu am niayuk malansanan min.

2 KORINTUS 4:1

Ginio nai kalo malawo guang mai, sabap ra ralalom ru asi' Nano nangani' i Aki Kapuuno' ramon ra kandoi ragitio.

IPISUS 4:32

Kaa' kataau am koonsoyo' noyo guang mino ra sangulun am bokon, am ampuno' noyo rondo' am bokon, mogondo' ri Aki Kapuuno' nangampun ramuyun ralalom ri Kristus.

KOLOSI 3:12

Akau nakasimpung noyo ri Aki Kapuuno', nampili' Io no ramuyun am monogom Io ramuyun. Ginio nai ra pakitono' min noyo togom min, bonsoi ru guang min, inggana' ru guang min, kinolomoi ru guang min am poyo kinataan ru guang mino.

1 TIMOTIUS 1:13

kabalu' pana ragili aku nangalimut am nagasab Riso am nangimbolo' ra ulun Nano. Kaa' i Aki Kapuuno' nakaasi' raki', sabap ra paat ragili kalo poyo nangintopot aku Riso am kalo natutunan ku sotopot no atan ondo' binaal kuli.

1 TIMOTIUS 1:16

Kaa' nakaasi' i Aki Kapuuno' raki', maa' raginio i Jisus Kristus mampakito ra ngaangai' guang mataan Nano raki', aku ondo' maayo kaga' tula ti intor ra ngaangai' ulun. Ginio nasauk ra rondo' tiluan ra ngaangai' ulun ondo' mangintopot boo Riso am mokoowot ra kaayagan mantilayun.

IBRANI 4:16

Intor raginio makakau' takau minggaar ra takhta ri Aki Kapuuno' ondo' maayo kaga' togom, koson makitaak ra asi', kataawan am indangan Nano paat ra itakau makakapaganan.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

1 PITRUS 2:10

Ragili, akau sala' ka ulun ri Aki Kapuuno', kaa' raino siminauk kano boo ra ulun Nano. Am poyo ragili, pai' ru nakaulig kau ra asi' Nano, kaa' raino ti inasian kau boo.